شوية اسئلة بخصوص السيراتو 2012

[ahashem]

المشاركة الأصلية كتبت بواسطة sherifabden عيوب السيراتو (هاي لاين ) 1/ العفشة ناشفة بسبب الجنط 17 وحل الحكاية دي انك تركب جنط 16 او 15 من التوكيل 2/ العربية بتتسرق بسهولة في البصمة بس فانتا ابعد عن الفئة اللي فيها البصمة دي وعلى فكرة السيراتو الجديدة 2013 هتنزل كمان شهرين فانا رايي انك تلحق تجيب السيراتو الحالية لان الجديدة شكلها وحش اوي ومش هتعجبك وعلى فكرة مفيش عربية احسن من السيراتو في الفئة دي اللانسر البومة مفيهاش كماليات زي اللي في السيراتو الالنترا الجديدة واطية وبتحك في المطبات الكورولا (الياباني بوري) ووحشة الكروز مش حلوة ومش عجباني ومش منتشرة زي السيراتو نصحتي ليك خليك في السيراتو واوعه تسمع كلام واحد يقولك متجبش السيراتو اصلها فيها وعليها والكلام دا وهوا عمرو ما شاف كاوتش السيراتو اصلا السيراتوووو وبس وتقبل تحياتي واتصل على 19542 هيفدوك جدا

عندى تعقيب صغير انا عندى سيراتو هاى لاين بصمة وجنت 17 مو 2102 ,,,, اللى بيتسرق كان بصمة وغير بصمة لحد موديل 2011 لان للاسف الوكيل كان بينزل عربيات من غير تشفير للمفاتيح ,,, فبكل سهوله افتح العربية بأى طريقة ودور العربية من سلوك الكونتاكت ,,,, لاكن من اول 2012 ابتدو ينزلوا مانع ادارة محرك و يشفروا المفاتيح ..بس الخليجى معتقدش انه كان بيتسرق لانه كان بيبقى متشفر ..... انا كان معايا لانسر بومة 2006 وكيل كان المفتاح الغطا البلاستك بتاعه اتكسر رحت جبت مفتاح جديد من بتاع المفاتيح ب 40 جنيه وراح عملى نسخة من مفتاحى ودورت العربية زى الفل

فحين واحد صحبى كان معاه نفس الموديل بس خليجى جربنا الموضوع ده معاه العربية مشتغلتش

لاكن فى مجمل الموضوع السيراتو بجميع فئتها تحفه ,,,, وبتزيد ثبات على الجنت 17 برغم انه بينشف العفشة

[h_eltahawy]

ياريت لو حد يعرف فين احسن مكان ممكن اجيب منه سيراتو وكام سعرها دلوقت لاني خارج مصرولما سألت عرفت ان الاسعار مختلفه من مكان لمكان . وايه الفرق بين الخليجي والوكيل من كل الجوانب وايه افضل فيهم

[sherifabden]

المشاركة الأصلية كتبت بواسطة h_eltahawy ياريت لو حد يعرف فين احسن مكان ممكن اجيب منه سيراتو وكام سعرها دلوقت لاني خارج مصرولما سألت عرفت ان الاسعار مختلفه من مكان لمكان . وايه الفرق بين الخليجي والوكيل من كل الجوانب وايه افضل فيهم

في انهي دولة خارج مصر
اما والخليجي دايما بيبقى ارخص من التوكيل علشان التوكيل بيزود تمن العربية علشان الضمان
لكن التوكيل افضل من ناحية ضمان العربية
وتقبل تحياتي

[h_eltahawy]

انا عرفت ان الخليجي ارخص من التوكيل عشان الضمان بس هل فيه فرق في العربيه نفسها غير السعر ، وعاوز اعرف سعر التوكيل كام دلوقت ومين احسن مكان اجيب منه في القاهره

[crime]

س1/ هل السيراتو واطية وبتحك في المطبات ؟؟

لاء بس لو تلاته قاعدين ورا هتحك
س2/ هل عفشة السيراتو ناشفة ؟؟

ناشفه نسبيا
س3/ لو عايز اجيب العربية اجيبها جنط 16 ولا 17 ولا جنط عادي؟؟

16
س4/ هل فرامل السيراتو قوية ؟؟

انا معايا ال abs وبالنسبالى ممتازه
س5/ هل اسعار قطع غيارها غالية ولا معقولة (جوه التوكيل طبعا) ؟؟

نار نار نار
س6/ هل الخامات الداخلية للسيراتو سيئة ولا كويسة؟؟

كويسه
س7/ هل عداد السيراتو ممكن يتقفل ولا صعب ؟؟

ممكن بتقفل بس بلاش علشان هى عبيطه بعد ال 130
س8/ هل السيراتو موفرة في البنزين ولا ايه؟؟
اه موفره واقتصاديه جدا
س9/ هل العربية ثابتة على السرعات العالية؟؟

ف الملفات لاء بس لو طريق سريع التحكم فيها كويس
س10/ ما هي الاعطال التي واجهتك مع السيراتو؟؟

لحد دلوقتى مفيش
س11/ هل سحب العربية قوي ولا ضعيف ؟؟

قوى
س12/ ما هي العيوب والمميزات التي لاحظتها في السيراتو؟؟

بصراحه انا كنت بكره العربيه ده اوى لحد ما جبتها على الاقل مستحمله المرمطه اللى بعملها فيها
وفي سؤال مهم اوييي
انزل تحت


















































































































ايه اسم الدلع للسيراتو علشان انا مش لاقيلها اسم دلع ؟؟؟

سميها سوسو

واللى جابلك يخليلك يا سيدى