بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

[mr_astra]

انا لسة لغاية دلوقتى معرفش يعنى اية الملف مش موجود
وعلى فكرة حتى لو لقيت شهادة البيانات هى مدتها شهر من تاريخ الاصدار يعنى زمنها انتهت

مفروض حضترك بتجيب 2 شهادة بيانات واحدة للشهر العقارى وواحدة للمرور اللى انت تابع لية عشان تنقل ملكية
لما بتروح مرور العربية اللى هو فى اسماعيلية لية مش بيدوك شهادات البيانات ؟؟؟؟ لان الملف مش موجود يعنى اتحرق فى اعقاب الثورة ولا تقصد ان كان فى مالك قبلك حاول ينقل العربية المرور التابع لية ..........فهمنى النقطة دى لو تكرمت

[كومندا]

اسواء ما فى مرور جمهورية البطيخ المتحده ان كل ادارة مرورفى محافظه مستقله بذتها يعنى اللى يمشى على ده ميمشيش على ده حتى الثوره خافت تمشى من عندهم لتتمسك ويلبسوها قضية اداب
اه مهوا كل شى جايز

المشاركة الأصلية كتبت بواسطة حسن الجندي والله يا استاذ سمير موضوع الابراز ده مبقدرش اعمله او اعرف اعمله حتى المرور هناك كان الموظف بيرجعني كل مرة على حاجة ملهاش معنى ومرة يقولي الخزنة قفلت قبل معادها ومرة يقولي ماينفعش اقوله ليه يقولي انت هاتعاندني وهاتفهم احسن مني

معلش معلش هتتعود تبرز وتزعلق وتبقا واحد تانى خااااااااااالص معاهم غير اللى تعرفه
حسبى الله ونعم الوكيل فى البلد دى بتتفنن ازاى تقرف الناس مش ازاى تريحهم

[samirayad]

المشاركة الأصلية كتبت بواسطة حسن الجندي والله يا استاذ سمير موضوع الابراز ده مبقدرش اعمله او اعرف اعمله حتى المرور هناك كان الموظف بيرجعني كل مرة على حاجة ملهاش معنى ومرة يقولي الخزنة قفلت قبل معادها ومرة يقولي ماينفعش اقوله ليه يقولي انت هاتعاندني وهاتفهم احسن مني

هحكيلك انا إللى حصل معايا فى 2007 وأنا لسه جايب السياره

زيرو وبدون لوحات

روحت المرور ومعايا العقد علشان أرخص

وأترفعت بصمة الشاسيه والموتور

والفنى جهز الملف وقالى مبرووووووووووك

قمت أنا حبيت أعمل حدق

وروحت قايله

الله يبارك فيك وسكت على كده

----------------

راح واخد الملف وساكت عليه وراكن الملف ولم يؤشر عليه وسايبنى حوالى ساعتين

وطابور طويل عريض قدامه وأنا واقف

هولع من الغيظ

------------------

بسأل واحد وروحت قايله

هو الزبون ده مش عاوز يخلصنى ليه

دا أنا روحى بأت فى مناخيرى منه من كثرة الإنتظار

راح صاحبى ده

قايلى

ياعم أفهم

بيقولك ألف مبرووووك

يعنى فين الحلاوه .....؟

طبق ورقه بعشرون جنيها وروح أديهاله فى إيده

وقوله

متشكر على زوقك ومباركتك لى على سيارتى الجديده

وبالفعل

وأنا لسه رايحله

راح مأشر على ملفى وقابض العشرون جنيها

وخلصت فى أقل من عشر دقائق

[galalaldin]

المشاركة الأصلية كتبت بواسطة حسن الجندي اللوحات المعدنية تابعة لمرور الاسماعيلية ومحتاج علشان اسجل العربية باسمي شهادة بيانات موجهة للشهر العقاري، لكن ممكن احاول بطريقة اخرى عنوان بطاقتي وباسبوري تابع للساحل ورخصة السواقة تبع مرور عبود وشكراً لرد حضرتك السريع

حأحاول افيدك بدون فتاوى...انا عربيتى كانت ملاكى القاهره وملفها اتحرق......قاموا عاملين لها فحص..يعنى رفعوا رقم المتور والشاسيه ببصمتهم.....وعملوا على اساسها ملف جديد....وبعد كده نقلتها اسكندريه.....لو الرخصه ضاعت متهيألى محضر فقد ممكن يكون الحل ثم عمل فحص واستخراج شهاده بيانات...تعمل بيها الملف فى المرور الاصلى اللى اللوحات تابعه ليه....وبعد كده تنقلها عندك.....وفى حالتك لو لقيت حد مضمون ادفعله ...عشان تأخير دفع الضريبه يكلف ثلثها.....وكمان الموظفين بيتعمدوا يكعبلوها ويغلطوا عشان ترجعلهم وتراضيهم....

[حسن الجندي]

المشاركة الأصلية كتبت بواسطة mr_astra انا لسة لغاية دلوقتى معرفش يعنى اية الملف مش موجود وعلى فكرة حتى لو لقيت شهادة البيانات هى مدتها شهر من تاريخ الاصدار يعنى زمنها انتهت مفروض حضترك بتجيب 2 شهادة بيانات واحدة للشهر العقارى وواحدة للمرور اللى انت تابع لية عشان تنقل ملكية لما بتروح مرور العربية اللى هو فى اسماعيلية لية مش بيدوك شهادات البيانات ؟؟؟؟ لان الملف مش موجود يعنى اتحرق فى اعقاب الثورة ولا تقصد ان كان فى مالك قبلك حاول ينقل العربية المرور التابع لية ..........فهمنى النقطة دى لو تكرمت

الملك القديم كان طالب شهادة بيانات لمرور حلوان، الشهادة دي انا اخدتها ورحت بيها مرور حلوان واخدت تأشيرة ان الملف مش موجود، وفجأة شهادة البيانات ضاعت، فلما رحت الاسماعلية قالولي المالك القديم كان طالب شهادة بيانات لمرور، وبيقولي لازم يشوفوها لان الملف مش لاقيينه