العربيه بتلم تراب بغباء....مافيش حل؟؟؟؟؟

[ezatoo]

السلام عليكم
العربية بتلم تراب ببساطة لانها بتغسل بالرغاوي وبعد كدة تضرب مية وتساب لحدة ماتجف مع المسح الخفيف ودة يعني إن مادة الرغاوي هي صابون سائل لما بيجف علي العربية بعد المسح بتكون لسه موجودة وبتلم تراب وصعب تنظيفة الحل هو استعمل رشاش جلانس السائل ثم اسعمل رشاش ماء علي خفيف ونشف العربية كويس ولو نزلت بعد كدة لقيت العربية عليها تراب هيكون سهل التنظيف جداً بالتوفيق ان شاء الله

[aymangalal]

انا سألت سواق تاكسى عن الموضوع ده لانى ب اعانى من المشكلة دى على الرغم من ان عربيتى لسه دوكو ميتاليك جديد ولونها زيتى
وكان السبب الاساسى فى دهان العربية من جديد اعتقادى بأن الدهان القديم هوه السبب
وبعد التجديد مازالت المشكلة
سواق التاكسى افاد بالاتى:
اغسل بصابون عشان يشيل اى اثر لزيوت او شحوم او عوالق سابقة
شطف بماء لغاية ماتشيل اثر الصابون
تنشيف بفوطة ناعمة عشان ماتجيرش من بواقى اثر الميه
مسح بفوطة زفرة(ايه قصتها بقى) انا عملت واحده قبل كده وبهدلتلى العربية
الصح بتاعها ان الفوطة تبقى ناعمة وتتلط زيت(تتزفر يعنى) وتسيبها يوميت تلاتة غاية ما الزيت يجف تماما ويبقى مالوش اى اثر من البلل ولا حتى منديه
بعد التنشيف من الشطف تمسح على خفيف بفوطة زفره عشان تلم بواقى ذرات الغبار اللى بين التنشيف والتطويق بالفوطة الزفرة
ده كان كلام التاكسجى ولسه ماجربتوش وان شاء الله اجرب واقول النتيجه

[Bahi]

علاء باشا
كما أفاد الأخوة الأعزاء الشمع أفضل حل عن تجربة لدرجة أنى بستخدمة مرة كل شهر أو شهرين لو أتأخرت بعد ما أغسل العربية كويس بخرطوم الجنينة مع أنك مش محتاج ترجع تحطة الا كل 6 شهور تقريبا. بس علشان تحافظ على طبقة الشمع أبعد عن الدعك الجامد بفرشة الغسيل الأوتوماتيك أو العمال فى محطات البنزين وأبعد عن الفوط الزفرة. كل ما عليك تعملة هو مسح العربية بفرشة أو فوطة ناعمة كل يوم علشان تشيل التراب واذا أتوسخت أوى ببقع تغسلها بمياة جارية كتيرة بالخرطوم بدون ضغط عالى وبدون صابون أو كيماويات مع المسح فى نفس الوقت بفوطة ناعمة وبعدين تنشفها بفوطة ناعمة أيضا هترجع تبرق بدون ما تضر طبقة الشمع زى ما بعمل.

بالتوفيق

[virus2007]

شباب نجيب شمع منين واى نوع افضل ؟

ولما اجيبوا يا ريت حد يقلنا ازاى استخداموا ... يعنى ينفع انا اعملوا ولا لازم حد متخصص؟

[حسام البورسعيدى]

امال انا بقى اعمل ايه ...

انا ساكن على البحر و المنطقة بتاعتى لسه رمل مش مسفلته ..

والتراب بقى اجاركم الله هههههههه