تجربتى الواقعية مع مرور السلام لتجديد رخصة السيارة

[abo-gamal]

كلامك صح أسوأ مرور ممكن تشوفوا هو مرور السلام

قلة أدب وبهدلة من اصغر موظف حتى اكير موظف حتى رئيس الوحدة كأنه غير موجود

وعلشان خاطر مرور السلام غيرت محل اقامتى .....

ربنا يكون فى عون اي حد يتعامل مع المرور وخاصة لو مرور السلام ( يا سلام )

[Vanditta]

اسوء مروور فى الجمهورية مرور السلام

طب تخيل بقى اما تيجى المرور دة يومين ورا بعض

اول يووم واصل المرور الساعة 8 ومريت بكل اللى حضرتك بتحكية دة بالظبط ونفس الموضوع حصل مع بتاع الخزنة وقفل والناس قعدت تتحايل على امة عشان يفتح تانى
وبرضو وقفت قدام الست اللى انت غمزتها دى عشان تستلم الدوسية واماخلاص الدورقرب ييجى عليا لاقيتها بتقول خلاص كدة تعالو بكرة بقى مع ان كان فاضل بتاع 5 بس فى الطابور وانا واحد منهم وقعدنا نتحايل عليها وهى ولا هى هنا
يا ست يهديكى يرضيكى
طب ابوس ايدك دانا اد ابنك وانتى ماترضيليش البهدلة وماعنديش اجازة تانى
الاقيها بكل بروود قفلت الشباك فى وشنا
وقتها صعبت عليا نفسى جامد انى قليت من نفسى واتحايلت على واحدة زى دى ولاقيت عينيا بترغرغ كدة وهعيط روحت داعى عليها وماشى وقولت حسبى الله ونعم الوكيل اما اقعد يوم عذاب كامل فى المرور وماخلصش مصلحتى عشان فاضلى بس انى اسلم الدوسية بجد كانت حاجة تبكى الكافر

تانى يوم جيت والحمد لله خلصت الاجرائات وكنت ساعتها رايح ارخص واغيرمن نمر قديمة للجديدة
اول ما خدت النمر قعدت ابوس فيها واتصورت معاها اكنى واخد الميدالية الذهبية فى الاوليمبيات مثلا

[goudai]

ازمة وهتعدى وان شاء الله البلد هتبقى احسن من الاول المهم بس احنا كمان نتغير