استفسار عن الشراء من معرض ورقم غلط في الرخصه (ساعدو مبتدئ حايص ولايص )

[سلامة البدري]

السلام عليكم ورحمة الله وبركاته

انا دفعت عربون في عربيه دبابه سيفروليه مستعمله موديل 2006 اشتريتها من معرض
ودي اول عربيه اشتريها في حياتي وخبرتي قليله جدا في المجال ده بالاضافة اني مبعرفش اسوق اصلا
واعتمدت علي ميكانيكي معرفه واحد صاحبي هواللي اشتراه ونظرا لقله خبرتي وظروف سفر طارئه اعتمدت علي صاحبي ده في عمل الاجرات واالي حصل كالاتي

انا اشترتها بعقد ابتدائي مطبوع ودفعت العربون وخدت العربيه ورخصتها البلاستيك وراح صاحبي المرور تاني يوم وعمل مطابق بصمة للعربيه واكتشف ان في رقم غلط في الرخصه مختلف عن الرقم المطبوع علي الشاسيه رقم زيرو في الشاسية مكتوبه رقفم اتنين في الرخصه
وبعد كده بعتنا المطابقه للمعرض ومعاها الرخصه وبلغنا صاحب المعرض ان في رقم غلط
بعدها بيوم اتصلنا بيه قال انه راح مرور العربيه وهو في محافظة تانيه فقلنا انه عمل فاتورة بيع من المعرض لي مباشر ومعتمده وانه سحب شهاده مخالفات وانه عمل شهاده بيانات للعربيه كمبيوتر بس الرقم طلع فيها غلط برضو وانه سحب صحيفه لعربيه ((طبع ا انا مش فاهم يعني ايه صحيفه اصلا )) وهيعمل تصحيح ولازلنا منتظرين

عاوز افهم هل هناك خطورة وهل انا اتعرضت لجريمه نصب وهل ممكن اتعرض لمشاكل عند النرخيص
وممكن اعرف ايه الورق اللي اخده من الراجل واتاكد اذاي من صحته قبل ما ادفع باقي العربون:bb127bc6eab060e3e 23 واخد العربيه
مع العلم ان الميكانيكي الله يسامحه يبدو انه باعني للمعرض لان عرفت ان السعر الي انا اشتريت بيه غالي علي حاله العربيه بالاضافة اني لما خدتها لبتاع العفشه اكتشفت ان فيها مشاكل جامده هتكلف كتير يعني الخسارة بقت كبيره هبقي اعرضها في القسم المناسب معلش استحملوني اخوكم دايخ من المفاجئات
كمان هو قالي اني مش هاضطر اروح الشهر العقاري وهرخص في المرور علي طول لان ده شراء من معرض هل الكلام ده صح ولا لا ؟؟؟؟


انا

[mhamdy75]

شوف ياغالى

أولاً هدىّ نفسك كل مشكلة ولها حل بإذن الله

ثانياً عايز أعرف إجمالى إللى دفعته وشكلك شاريها قسط

ثالثاً من حقك طالما طلع فى مشكلة فى رقم الشاسيه إنك ترجع فى البيع

حتى لو نخسر حاجة بسيطة

رابعاً شوف حد يكون أمين معاك أو حتى ياخد فلوس أو محامى يخلصك من الموضوع ده

خامساً طالما مش هاتسوق العربيه بنفسك إنسى إنها تجيبلك عائد

وده عن تجربة ناس كتيرة ( خير العربيه للى سايقها )

معلش مش بنتعلم بلاش ومش غلطك إنك وثقت فيه

أما عن المصاريف اللى فى العربيه فكل المستعمل عايز مصاريف على طول

[سلامة البدري]

المشاركة الأصلية كتبت بواسطة mhamdy75 شوف ياغالى أولاً هدىّ نفسك كل مشكلة ولها حل بإذن الله ثانياً عايز أعرف إجمالى إللى دفعته وشكلك شاريها قسط ثالثاً من حقك طالما طلع فى مشكلة فى رقم الشاسيه إنك ترجع فى البيع حتى لو نخسر حاجة بسيطة رابعاً شوف حد يكون أمين معاك أو حتى ياخد فلوس أو محامى يخلصك من الموضوع ده خامساً طالما مش هاتسوق العربيه بنفسك إنسى إنها تجيبلك عائد وده عن تجربة ناس كتيرة ( خير العربيه للى سايقها ) معلش مش بنتعلم بلاش ومش غلطك إنك وثقت فيه أما عن المصاريف اللى فى العربيه فكل المستعمل عايز مصاريف على طول

السلام عليكم ورحمة الله وبركاته
اخي الكريم mhamdy75
بارك الله فيك لسرهة ردك واستجابتك انا فعلا حاسس اني في مشكلة ومضايق خالص

اولا وانا حاليا في مرحله اولا وهي هدي نفسك

ثانيا انا دفعت 55000 الف وباقي من تمنها 15000 العربيه اجمالي تمنها 70000 وده شرا كاش مش قسط والشرط الجزائي 5000


ثالثا انا اتكلمت مع الراجل الي باع وقلي ان المسئله سهله وهو هيسلمني ورق سليم وانه بيصحح الوضع وطبعا انا منتظر اشوف الوضع ابه لاني خايف اتكلم في اعادة العربيه يطالبني بالشرط الجزائي بالاضافه ان الميكانيكي وصاحبي قلولي دي امور عاديه وبتحص كتير وهي اخطاء كتابيه او نظرا لصعوبه قرايه الارقام من علي الشاسيه

بالنسبه لرابعا الميكانيكي متخاذل جدا معايا ومش متجاوب وطبعا لانه خد عمولته وخلع كل الي بيعمله تطمنيات لحين متيجي الاوراق ونتاكد منها انها صحيحه وطبعا انا منتظر


بالنسبة لخامسا انا ناوي اتعلم السواقه وعشمان من ربنا يدينني خيرها ويكفيني شرها يعني مرحلة السواق دي مرحلو مؤقته

وطبعا ادينا بنتعلم والعلام مش ببلاش و
وبالنسبة للمصاري ادعولي بظهر الغيب ربنا يكرمني واقدر اسد في المصاريف

اكر شكري لردك الجميل وربنا يطمنك ويطمني

ولو اي حد من الاعضاء عنده خبرة اكتر في الموضوع ده يفيدني بخبرته ارجوكم مع كامل تقديري لرد اخي الكريم محمد

[سلامة البدري]

السلام عليكم ورحمة الله وبركاته

اخواني الاعزاء البائع ابلغني انه جهز الورق وعمل اللازم
اين مساعدتكم وتوضيح الامر لي انا لازالت في حيره
ممكن اعرف بس ايه الورق الي لازم اشوفه مع الراجل عشان اتاكد انه عمل التصحيحات اللازززززمه بالنسبة للرقم الغلط
عشان ابقي فام قبل ما اروحله واتاكد ان الامرو ماشية تمام
وشكرا مقدما

[سلامة البدري]

up to help>>>>>>>>>>>>>>. sos >>>>>>>>>>.sos