بارومة جديدة

[spada2000]

بصوا يا جماعة انا عندي 128 موديل 90 النهاردة وانا ببص تحت العربية شفت حاجة فظيعة شفة بارومة موجودة تحت الكراسي والدواسات وتحت الكنبة وراء فكنت عايز اعرف هل ممكن تتعمل وطريقة عملها وهتكلف كام ولو واحد كويس في الحرفيين او مدينة السلام ممكن تتدلوني عليه وشكرا

[aymangalal]

ماتقلقش ده شىء عادى جدا المهم تبص جوه العربية تحت فرش الارضية والشنطة عشان تشوف اذا كانت البارومة سمعت لجوه ولا لأ ولو لا قدر الله مسمعة وباين ان فى بارومة فى ارضية العربية من جوه تشوف واحد سمكرى ابن حلال فى اى مكان ومش لازم الحرفيين لو بعيده عليك وهو هايقوم باللازم المهم بعد ماتخلص تدهن طبقة under coat دى حاجه زى البلاك (الزفت) بتعمل عزل عن الميه والطين اللى بيسببوا البارومة وخصوصا فى الشتاء وبعدها بقى عليك وعلى العناية المستمرة وغسيل الشاسية من حين لاخر لعدم تراكم الطين والميه اللى بتاكل فى الصاج
وربنا معاك

[akerima]

طب اية الجديد ما دا العادي يا زعيم - اي سمكري يعملهالك ويوم ما تتكلف حتدفعلك بتاع 30ج + الانتركوت بس حاول تخلية يبصلك علي الارضية كلها ويعملك اللي فيها ورش العربية كلها انتركت من تحت في اي محطة بنزين