|
#1
09-11-2011, 06:19 PM
|
|||
|
|||
كيا سيراتو ,, كارثة بجد :( ,,, منقول
يمكن كتير من الناس تعرف اني من ضمن اول الناس اللي اتكلموا عن النيو سيراتو و من اول الناس اللي حجزت و استلمت العربية في مصر... و من اول الناس اللي اتقلبوا بيها كمان.... طبعا كل الناس هتذهل من ده بس هي دي الحقيقة و يمكن اكون انشغلت فترة عن المنتدى, بس ده كان ضغط شغل و بعدها الحادث المؤلم و المؤسف...
ربنا اللي يعلم انا كنت بعشق العربية دي قد ايه.... الله يرحمها و والله كنت هحصلها لولا ستر ربنا فقط لا غير. انا كنت بشتكي من حدفة شمال في العربية و اول حاجة فكرت فيها ضغط الكوتش.. عملته و تمام و شيكت عليه في مكان تاني 32 تمام... و بردو زي ما هي... يزيد على الكلام ده كله اني بعد 5000 كم لقيت المساعديين الاتنين ورا بيزيقو جامد...!!!!! قلت في صيانة 10000 هنشوف الموضوع ده... بس ملحقتش و قبل ما اروح التوكيل بيوم اتقلبت بالعربية يوم 4 أكتوبر.... الحمد الله انا دخلت المستشفى و عندي كسر مضاعف في رجلي اليمين و خلع في الكتف اليمين و كسر في الترقوه... عملت عمليه في رجلي و كانت مسامير و كده طبعا و للأسف مقدرش امشي على رجلي قبل 4 شهور... فات منهم شهرين الحمد لله... و ربنا يسهلها في الباقي النهارده انا لازم اتكلم مع الناس ان النيوسيراتو يا جماعه فيها عيب صناعة حقيقي... انا لاحظت ان كل الناس بتشتكي زي ما قلت في اول تقرير عملته عن العربيه ان فيها حدفة شمال!!!!!! ده شيئ غرييييب جدااا, كل السيراتو فيها حدفه شمال..!!! ده غييير ان المساعدين اللي ورا كانو بيزيقوا جداا بشكل رخم... العربيه مكملتش 10000 كم..!!!! هل ده طبيعي او معقووول!!! وجهة نظري الشخصية.. العربيه دي فيها مشكله في المقصات و المساعدين.... و والله بعد فتره من سواقتي ليها اكتشفت انها شكل و موتور بس... غير كده والله العظيم ولا حاجه... فقررت ارضى بنصيبي و مقرصش عليها... و انا مش غشيم جري على فكره... المفجأه اني لما اتقلبت بيها كنت ماشي في طريق الشيخ زايد على سرعة لا تتجاوز 100كم\ساعه.. و مفيش حد ورايا او قدامي او جنبي... و مخبطش في حد او في الرصيف مثلا... بس كان فيه زي نقره في الشارع بس كبيره شويه, حولت افاديها بس الكوتش نزل في اخرها, و طلعت العربيه عادي جداا و بعدها بمتر العربيه عومت بشكل غرييييييب جداا والله, لاقيتها بتحدف يمين جامد جداا فرحت عادلها شمال, لاقيتها حدفت شمااال جدا و مش عايزه تقبل اي حركة من الدركسيون و مش بتعدل يمين خااالص و الفرامل مش بتوقف العربية.. و الله ما فاكر بعدها غير اني في المستشفى... قالولي بعدها ان العربية اتقلبت حوالي 10-12 قلبة ((و الأغرب ان العربية اتقلبت على وشها..!!!!)) و انا مكنتش رابط الحزام فرحت طاير من البرابرييز 20 متر قدام و بقت العربية في ناحية و انا في ناحية تانيه (ده كلام الشاب اللي شافني و هو جاي من بعييد ورايا بعربيته و وداني المستشفى و دخلني بأسمه و كلم اهلي و لم حاجتي من العربية و جابهالي) مع اني والله ما كان في حد ورايا خالص بس هي دي رحمة ربنا والله, حط الراجل ده في سكتي... الحمد لله... ربنا يباركله والله لما والدي سلم العربية التوكيل عشان التأمين يعمل مقايسه (مقايسة اصلاح) تكلفتها كانت 122500 جنيييه!!!!!!! و العربيه بـ116000 زيرو. و بالتالي العربية توتال لوس... التأمين بيماطل طبعا و عايز يحملني 25% من ثمن الايرباجز اللي اتفتحوا, و يخصم استخدام ال6 شهور دول (9600كم) و انا اللي ادفع للتوكيل ثمن المقايسة (3000 جنيه) و انا اللي اواديلهم العربية على حسابي لحد عندهم... و هيدوني بعد كل ده 78000 جنيه اول عن اخر....!!!!! انا مأمن مع كونتاكت و معملتش ولا مطالبة, و دي اول مطالبة بعد 6 شهور من المده التأمينيه... اللي انا عايز اقوله ان اللي اشترى العربية ربنا يهنيه بيها و يكفيه شرها... بس ارجوكم و بالله عليكم, بلاش جري بالعربية و احذروا من البلاعات و النقر, و متقرصوش على العربية مش عشان الموتور لأ, بس عشان سلامتكوا و ربنا ما يخللي حد يشوف اللي انا شفته والله, اقسم بالله انا شفت الموت او كنت في عداد الموتى لولا ستر ربنا... بفكر ابعت شكوى بالصور لكيا الأم في كوريا و بالصور.... بس لسة مش عارف هعمل ده ازاي, و هرفع قضيه على كيا هنا في مصر, عشان الموضوع بجد انا شايفة خطييير جداا و بجد العربية فيها عيوب خطيره متتشفش بالعين... اسف لو كنت خوفت ناس او قلقتهم, بس هي دي الحقيقه و كان لازم احذر الناس و اطلب منهم ميجرووش و ميسنوش من العربية دي الكتيير..     الموضوع دا منقول ,, بس علشان انا كنت ناوي علي السيراتو او الكروز و كنت مايل للسيراتو اكتر بس شايف ان ليها مشاااااااااااااااااكل كتير ربنا يحمينا بجد بقت حاجة تقرف نفسي في عربية شكلها في فخامة سيراتو و متكنش ليها المشاكل دي كلها تنصحوني ب ايه و شكرا  و ربنا بجد يعوض علي صاحب العربية ال حراااااااااااااااام ملحقش يتهني بيها
__________________
 """"&& Juba &&"""" 
|
|
#2
09-11-2011, 06:32 PM
|
|||
|
|||
|
رد: كيا سيراتو ,, كارثة بجد :( ,,, منقول
الحوادث قضاء الله وقدره
والعربية ملهاش دعوة واى عربية معرضة للحوادث الهمر بتعمل حادثة  المرسيدس بتعمل حادثة   الكورفيت بتعمل حادثة  البى ام بتعمل حادثة   وفى النهاية واهم حاجة ربنا يشفى صاحبها ويعوضه خير
|
|
#3
09-11-2011, 07:14 PM
|
||||
|
||||
|
رد: كيا سيراتو ,, كارثة بجد :( ,,, منقول
لا حول و لا قوه الا بالله فعلا الكيا و الهيونداي منظر و كماليات
  :0002 0080:
|
|
#4
09-11-2011, 11:14 PM
|
|||
|
|||
|
رد: كيا سيراتو ,, كارثة بجد :( ,,, منقول
ربنا يعوض على صاحبها .. و يحمد ربنا على سلامته ..
بس فيه حاجة كنت عايز أضيفها لناقل الموضوع .. حضرتك الموضوع ده أنا قرأته يمكن من سنة و نصف على أحد المنتديات .. تقريبا كان مايو او يونيه 2009 .. و الفترة التى تسبقها و التى تليها حتى الان لن نسمع مثل هذه الواقعة و الاتهامات الغير مبررة للسيارة .. لو بحثت عن سيارات أخرى هتلاقى اللى اتقلب و اللى اتحرق .. واللى ماتتخيلوش .. ده قضاء و قدر .. ممكن يكون ده كان عيب فى سيارته مش فى كل السيارات اللى من نفس الفئة .. لأن لو عيب ملحوظ أعتقد لو هو سكت غيره مش هيسكت .. دى شركة كيا نفسها مش هاتسكت ..و ممكن يكون الحفرة كانت عميقة و كان مسرع .. وممكن يكون حاجات كتير .. وهو فى الاخر قضاء و قدر ممكن يحصل لأى حد بأى سيارة فى أى مكان .. أنا أعرف واحد الله يرحمه . اتقلبت بيه مرسيدس .. مرسيدس عشان تسمعوها . وموديل 2006 عشان ماحدش يقول موديل قديم .. و من شهر واحد بس .. الله يرحمه ... لكن هتفضل تقول أصل السيراتو بتحدف شمال .. مع احترامى يعنى . شركة كيا مش هتضحى بسمعتها عشان سيارة من سيارتها و لها شعبية يكون سبب فشلها انها بتحدف شمال و هايقفوا ساكتين و مش هايصلحوا أخطائهم الفنية على مدار سنة و نصف ... أسف على الإطاله و لكن حبيت أوضح وجهة نظرى
|
|
#5
09-11-2011, 11:37 PM
|
||||
|
||||
|
رد: كيا سيراتو ,, كارثة بجد :( ,,, منقول
انا بصراحة بسمع كتير عن مشاكل السيراتوا من ملاكها
وان افضل ما فيها هو شكلها بس اعتقد انها من اسرع السيارت اللى انتشرت ف البلد وحققت نجاح كبير لانها كانت نقلة وتغير ف شكل العربيات الكورى واخيرا ربنا يحمينا ويحميكوا من شر الطريق تحيااااااااااتى 
|
 |
|
|
