التاكس الشاهين اتقلب في الترعه

[atgps]

المشاركة الأصلية كتبت بواسطة حواش الحمد لله رب العالميين واشكركم يا اغلي اصدقاءواعضاء ومشرفين انتو هونتو عليا كثير هي فعلا المشكله كانت في تطليع العربيه من الترعه علشان كان ارتفاع الترعه من الطريق 4 متر تقريبا والونش كان خايف علشان الجنب التاني من الطريق فيه حاجه شبهه البحر كده بيسموه مشروع ميه اما من ناحيه المكنه لسه مجربتهاش بس الواضح الزيت زي مهو ومش ناقص ومفهوش ميه هو كده الا مطمني شويه وربنا يستر انا مش ناقص الان باقي علي السمكره قشره السقف وربنا مايوري حد الا انا شفتو ويكفيكم جميعا شر المستخبي والبلاوي اللهم ااامين ارجو من الاخوه طريقه رفع فديو للسياره علشان تشوفوها او رفع صوره

ياريت لو كنت لسه مادورتش الموتور، تفك البوجيهات وتدور على الفاضى، عشان تطرد أى زيت يكون
طلع فوق البساتم عند انقلاب العربية، وده ممكن يسبب مشكلة فى البيلات.

[miam0502788391]

الحمد لله قدر الله وماشاء فعل
زى ما بنقول الفلوس بتروح وبتيجى المهم حضرتك بخير وتجيب ان اشاء الله أحسن منها
انا عارف انها ضربة موجعة
لكن الواحد يقول ( اللهم أأجرنىفى مصيبتى واخلفنى خيرا منها)

[aly osman]

ربنا يعوض عليك
وقدر الله وماشاء فعل:w 6w200504112236376d:w6w200 504112236376d

[حواش]

الله يبارك فيكم جميعا ويارب يبعدعنكم كل مكروه ااامين يارب العالميين خلصت اليوم سمكره الحمد لله ويادوبك نفسيتي استريحت شويه لما شوفت العربيه واقفه ودورت الموتور الحمد لله بعد الكهربائي ظبطلي شويه حاجات في الكونتك علشان لمبه الزيت والانجكشن مكنوش منورين ومفيش دواره من الكونتك المهم وجدنا التنك مليان ميه فضناه ونظفناه والعربيه قطعت شويه وبعدين دارت بانتظام ومشيت بيها حوالي 100 متر اطمن علي الفتيس والكرونه كله تمام لحد الان انا غيرت في الصاج الرفرفين الامامي والرفرف الخلفي يمين والصدر والسلاح الشمال وقشره سقف والكبوت والعتب وجميع الزجاج والان داخل علي البويه ادعولي بالتساهيل يا اجمل اعضاء ومشرفين والله انتو هونتو عليا كثير ولكم كل الحب والاحترام ودامت مصر موتورز تجمع الحبايب

[حواش]

المشاركة الأصلية كتبت بواسطة atgps ياريت لو كنت لسه مادورتش الموتور، تفك البوجيهات وتدور على الفاضى، عشان تطرد أى زيت يكون طلع فوق البساتم عند انقلاب العربية، وده ممكن يسبب مشكلة فى البيلات.

اشكرك علي المعلومه ولكن عرفتها متاخر وعلي العموم انا دورت السياره بعد الحادثه ب 8 ايام وكانت المشكله كلها في الميه الا دخلت التنك والحمد لله دارت وربنا يستر بس انا مستريح لصوت المكنه الان والف شكر لك