لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

[azzat 55]

الحمدلله بسيطة وفى أعتقادى أن سائق النقل هواللى غلطان لأن السواقة مش بالنية المفروض ينتظر تماما حتى يتأكد انك دخلت ال(u turn ) ثم يبدأ فى التحرك والحمد لله اللى جت على اد كدة

[esam 123]

المشاركة الأصلية كتبت بواسطة aymangalal مش مهم الخبطة فى رأييى (تعيش وتتخبط ههههههههه) المهم انك تتعلم وبما انك جديد يبقى (هاعقم) على نقطتين 1- بما ان حضرتك جديد فى السواقة يبقى لمفروض تلزم اليمين او الوسط لان الشمال ده المفروض انه للسريع وحضرتك لسه مبتدىء فا بلاش تسرع لغاية ماتتمكن تمام وربنا يكفيك شر السرعة وخصوصا ان الشمال معظمة نصف نقل وبيبقوا طايرين مش ماشيين يعنى لو حد جه وراك سريع هايديك كلاكس ويقلب نور عشان عايز يعدى من الشمال وده حقة لانه اسرع منك فا ممكن تيجى ترمى يمين شويه تخبط فى اللى جاى من يمينك لا قدر الله وفى حاجه مهمة حضرتك قولتها:فى الحاره اللى جمبيا وانا مش واخد بالها منى فطلعتلى فجاه طبعا المفروض ان حضرتك تاخد بالك (وخصوصا انك جديد) عشان كده انت اتفاجئت 2- ودى بقى اهم من رقم واحد اعرفها نظريا ومع الوقت هاتتقنها: اتعلم ماتستغناش عن مرايات العربية يمين وشمال وصالون والمح فيهم جوانب العربية وخلفها من وقت للتانى عشان تعرف انت فين من الطريق واهتم ثم اهتم ثم اهتم بالاشارات لانها ببساطة عبارة عن (نية السواق) يعنى الاشارات بتقول انت ناوى علي ايه وبتفكر فيه عشان اللى جنبك واللى وراك يعرفوا اتجاهاتك فايعملوا حسابهم عليها امشى شمال (ولو انى ما ارجحش لك دلوقتى) زى مانت عايز وقبل U-turn خد يمين شوية وخليك فى النص عشان اللى جاى من شمالك اكيد هايلف او خليك شمال بس ادى اشارة ع اليمين بكده اللى وراك واللى جنبك هايعرف انك مكمل طوالى فاهايستنى لما تجاوز الفتحة وبعدين يلف هو براحته واللى حصل ان حضرتك ماشى مش مدى اشارة يمين اللى بتقول انك مكمل فا بالتالى السواق اللى على يمينك (ظن) انك هاتلف من الـ U-turn ومش مدى خوانه على اعتبار انك هاتلف معاه وبالتالى لف هو وحضرتك لأ ومكان الخبطة بيوضح طبعا ان حضرتك اللى غلطان يعنى انت اللى دخلت فيه االحمد لله ان الخبطة بسيطة واعذرنى لانى مش عارف تكلفة التصليح واعذرنى برضه على الاطاله لكن حبيت انقل لك تجربتى فى القيادة اول ماتعلمت وحبيت اقولك اتعلمت ازاى ربنا يستر طريقك وحاول تطبق قاعدة القيادة: فن-ذوق- خلاق ودى الحسنة الوحيدة اللى طلعت من ادارة المرور بمصر واهتم قوى بفن ومتعة القيادة الصح طبعا

تمام الله ينور عليك

[aymangalal]

المشاركة الأصلية كتبت بواسطة al-saadany بص يا برنس :D الراجل دا هو الى غلطان انا بتحصل معايا وعشان اتفادى الموضوع دا بعمل اشاره الناحيه التانيه(يعنى عكس ناحية الturn ( فاى حد بيحاول يتجاوزنى عشان يلف بيخاف منى لانه بيحسب انى هروح الناحيه التانيه وبعدين ياعم خير قدر الله وما شاء فعل والخبطه الى متكسركش تقويك

حضرتك كده قولت المفيد بس برضه السواق بتاع النقل مش غلطان بدليل ان حضرتك قولت "عشان اتفادى الموضوع ده" يعنى عامل حسابك على كده .. تمام؟؟
وكمان قولت "بعمل اشارة الناحية التانية يعنى عكس الـ U-turn "عشان اللى جاى من جنبك او وراك يحسب يعنى دى دلاله على اتجاهك . مش كده؟؟؟
يبقى برضه السواق مش غلطان واخونا صاحب الموضوع مشى غلط فى الحاره اللى لها الاولوية فى الـ u-turn وكمان ما اداش اشاره

المشاركة الأصلية كتبت بواسطة emaratyyy الحمدلله بسيطة وفى أعتقادى أن سائق النقل هواللى غلطان لأن السواقة مش بالنية المفروض ينتظر تماما حتى يتأكد انك دخلت ال(u turn ) ثم يبدأ فى التحرك والحمد لله اللى جت على اد كدة

يا يافندم السواقة مش بالنية "بالمعنى الحرفى" بالنية هنا معناها انا هاعمل كذا طبعا بالتعبير عن ده بالاشارات وبعدين صاحبنا ماسك شماله وعايز يمشى على طول فى حين ان الشمال ده للى داخل شمال ولو حضرتك تلاحظ فى الطرق يافطات مكتوب عليها قبل كل u-turn المتجه للشمال يسلك اقصى الشمال او علامة سهمين للامام وسهم تالت ع الشمال للملف يبقى الاولوية للى بيلف والطوالى يمسك اى حاره الاولى او التانية والتالتة يسيبها لغاية مايعدى وكده كده هايمسك شماله تانى

[memo012]

على كلا حمد الله على سلامه والى يجي فى الحديد مش مهم بس خلي بالك لأن اغلبية سواقين نص نقل مابيخفوش من حاجه

[Emgrand]

النقل ملوش الا يلف بالطريقه دى عشان حجم العربيه
اهم حاجه انك سليم وصدقنى مش مهم اى حاجه تانى