|
#6
14-06-2011, 01:52 AM
|
|||
|
|||
رد: اللي عمل حادثة قبل كدة يتفضل
الاحساس ده ميحسهوش فعلا الا اللي جربه فعلا ...
وتقدري تقوللي كده ان الانسان لحظتها بيكون في حالة بين عدم الاحساس والذهول .. اول واخر حادثة حصلتلي ان شاء الله من 3 سنين .. علي طريق الزقازيق_المنصورة الساعه 3 الصبح ... الطريق ده بيسموه طريق الموت حارتين بدون جزيرة ومقابل و90 % من الطريق بيكون في وسط المدن والقري .. كنت ماشي في امان الله وفي ملف غبي لقيت سيارتين نقل ماشيين جنب بعض وواخدين الطريق كله والمسافه بيني وبينهم ماتتعداش 10 متر وفي لحظه نزلت تحت النقل اللي هرست الجنب اليمين بتاع عربيتي كله ...الاحساس مهما وصفته وحجم الرعب وشريط حياتك اللي بيمر قدام عنيك والدي ووالدتي واخواتي لحظه مفتكرش اني هنساها طول عمري .. الحمد لله محصليش حاجه في الحادثة انا بس فتحت الباب ونمت علي الارض ... الحمد لله علي كل حال 
|
|
#7
14-06-2011, 02:03 AM
|
||||
|
||||
رد: اللي عمل حادثة قبل كدة يتفضل
 : 070104~242:تم غلق باب التصويت في هذا الموضوع نظرا لتوقف قلب صاحب الموضوع من فاجعة المشاركات كفااااااااااااااااااااااا ااااااااااااااااااااااااا ااية
__________________
 بسم الله الرحمن الرحيم
وما كان ربك نسيا صدق الله العظيم
|
|
#9
14-06-2011, 10:59 PM
|
||||
|
||||
|
رد: اللي عمل حادثة قبل كدة يتفضل
اكبر حادثة حصلتلي فعلا كانت من 8 سنين
كنت سايق في شارع القصر العيني و عند تقاطع كلية صيدلة ( او اسنان مش متأكد ) التقاطع كانت الاشارة فيه بتدي اصفر فلاشر ( يعني مش شغالة ) و مكانش فيه عسكري مرور ( لان الساعة كانت 2 الفجر ) و جنبي عربية كورسا طاير على 90 ( الطريق ايامها كان بيبقى فاضي بالليل ) و انا كنت ماشي وراه على 70 - 80 ابطأ منه شوية المهم الكورسا عدى التقاطع و انا وراه و هوب راح اوتوبيس قاطع الطريق بينه و بيني ! انا مسكت فرامل العربية صرخت ثانية و التانية و التالته و الشاشة ضلمت عندي خبطت في الدوبل الوراني بتاع الاوتوبيس و بعديها من قوة الخبطة العربية لفت حوالين نفسها و الكبوت غطى على الرؤية بس انا لمحت و العربية بتلف الاوتوبيس و هوا بيتقلب على جنبه و بيزحف بتاع 20 متر زحف على جنبه لحد ما طلع على الرصيف في الناحية البعيدة و ده يوضح مدى السرعة اللي كان ماشي بيها الحمدلله على كل شيء الخساير كانت مهولة لكن الاسوأ ان اختي كانت معايا و اتصابت من حزام الامان جامد و النظارة بتاعتها اتدمرت (مع الخبطة طارت من عينيها و اتفرتكت في الازاز الامامي ) انا برضه كدمات بسيطة في الركبة و الضهر بسبب الدريكسيون و حزام الامان سواق الاوتوبيس طلعوه من البربريز الامامي و كان باين عليه برضه كدمات في الظهر و جرح بسيط في الوجه لانه مكانش لابس الحزام اللي اتعلمته؟ في اي تقاطع حتى لو انا ماسك الطريق الرئيس و حتى لو الدنيا فاضية و حتى لو الاشارة بتاعتي خضرا بهدي شوية حزام الامان امان فعلا - لان منظر النظاره تخيلت لو مش لابس الحزام كانت تبقى دماغي او دماغ الي جنبي طبعا في دروس تانية كتير اتعلمتها من حوادث تانية ابقى احكيها بعدين الحمدلله على كل شيء قدر الله ما شاء فعل
|
|
#10
14-06-2011, 11:06 PM
|
||||
|
||||
رد: اللي عمل حادثة قبل كدة يتفضل
بهزر طبعا حمدالله علي سلامتك وسلامة اختك وبجد مفجعة بس الاوتوبيس كان في حد؟ ربنا يسلم طريقك وطريقنا وكل المسلمين ويحفظنا من الحوادث ويبعد شرها عنا امين يا رب العالمين
__________________
بسم الله الرحمن الرحيم
وما كان ربك نسيا صدق الله العظيم
|
 |
|
|
