|
#1
30-03-2011, 09:42 AM
|
||||
|
||||
للمرة التالتة على التوازي......الحج ياخد عربيتي يخبطها ويرجعها
السلام عليكم
أنا بكتب الموضوع ده كطريقة للتنفيس عن الشياط اللي جوايا لأني بصراحة اتخنقت من الحكاية دي أنا عارف اني مش المفروض أقول كده، لأنها في الأول وفي الاخر عربيتو و فلوسو وهو حر فيهم بس انا برضو اللي بضطر اعاني مع العربية بعد كده، وانا اللي بمشي بيها والناس لما بتشوف الخبطة مش هاتقول ده والدي اللي عمل كده!. الموضوع ببساطة، ان والدي مش متعود على ابعاد العربية نهائيا، وإليكم قصص ال3 حكات او خبطات: أول واحدة كانت بعد يومين من تطليع العربية من الوكالة:  بالإشتراك مع حديدة ساقطة من سقف أحد الجراجات ما علينا، قولت يلا اهي تبعد العين برضو تاني واحدة كانت في الزحمة بتاعة رابعة العدوية في مدينة نصر، واحد الله يسامحو قاعد يزنق يزنق على العربية، فالحج اخر ما زهق راح معلم عليه ومشي، العربية خدت خط خربشة محترم و طلع الحمدلله بالتلميع وده اللي فضل من اثار الخبطة:  الحج تعليقا على الحكة : "ياخي ده طهقني في عشتي، قلت لازم أعلمو الأدب، يستاهل المرايا اللي طيرتهالو" طبعا مش عاوز أقولكو انا تعبت قد ايه عشان اوصلها للحالة دي، الموضوع كان اسوء من كده بكتير التالتة بقى لسة طازة، يدوب لسة امبارح. الوالد رجع على عربية جارنا الغلبانة وهي وقفة في حالها، هيا خبطة خفيفة صحيح، بس برضو هاتخد مني شوية شغل:  وفي الاخر بعد ما شحنة الغضب طلعت أحب أقول انا أبوس ايدي وش و ضهر وأصلي ركعتين شكر كمان اني معايا عربية أصلا 
__________________
 I love my MaDa 
|
|
#2
30-03-2011, 11:50 AM
|
|||
|
|||
رد: للمرة التالتة على التوازي......الحج ياخد عربيتي يخبطها ويرجعها
- احنا اتعودنا على العكس
- يعنى الاب يشتكى من ابنة لما يخبط العربية - اما الابن هو اللى يشتكى وكمان العربية بتاعة الحاج فدى جديدة - انت تروح تبوس ايد الحاج وش وظهرمن 5 مرات يوميا ً الى ما شاء الله - وكمان حقة عليك انة يركب ورا وانت تنزل تفتحلة الباب لما يركب ولما ينزل - انا شخصيا ً كنت بعمل مع ابى حاجة قريبة من كدة - وياريت كنت عملت اكثر من كدة ولا اقدر دلوقتى اعمل حاجة اكثر من الدعاء لله بالرحمة - فهو فى ذمة الله - فإغتم فرصة وجود والدك فى طاعة ربك ادام الله علية الصحة والعافية
|
|
#3
30-03-2011, 11:57 AM
|
||||
|
||||
|
رد: للمرة التالتة على التوازي......الحج ياخد عربيتي يخبطها ويرجعها
ايون كده اتعدل
اما نشوف و لادك حيقولوا ايه عليك لما تخربش لهم الطياره و تقول اصلى واخد على ابعاد ال مادا بتاعتى 
|
|
#4
30-03-2011, 12:00 PM
|
||||
|
||||
|
رد: للمرة التالتة على التوازي......الحج ياخد عربيتي يخبطها ويرجعها
ربنا يصبرك هما كدة يعملوها الكبار ويصلحوها الصغار
__________________
 ONE DAY YOU WILL SEE MY PLACE IN THE WORLD OF HISTORY
|
|
#5
30-03-2011, 12:38 PM
|
||||
|
||||
|
رد: للمرة التالتة على التوازي......الحج ياخد عربيتي يخبطها ويرجعها
ايه ياعم عبدو
امال لو كان طيرلك رفرف والا جابلك فانوس ولا فوتلك المتور كنت عملت ايه اسمع كلام اخونا mesho70 في اللي قالك عليه بالنص واحمد ربنا على النعمة اللي انت فيها وألحق اغتنم الفرصة واكسبلك دعوتين منه قبل اقتراب الاجل ربنا يديله الصحة نسيت اقلك للمرة الثالثة على التوالي مش على التوازي
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة sad-bird ; 30-03-2011 الساعة 12:48 PM
|
 |
|
|
