حادث النترا 2012 في مصر (علي طريق الاسماعلية)

[mohamed elshahat]

المشاركة الأصلية كتبت بواسطة sherifabden بص يا عم الحج ركز في الصورة كويس وقولولي ايه البتاع اللي اسفل يمين الصورة دا وركزاكتر واكتر في الالنترا نفسها ولاحظوا فرق الاضاءة بين الالنترا والالطريق وحاجة تاني مهمة ليه الرفرف المتصور في العربية شكلوا غريب كده من ورا واهم حاجة لاحظ اخر حتة في الموتوسيكل مش لامسة الكبوت اصلا ازاي تعمل في الكبوت كده اصلا وكمان مستحيل الكبوت يتاثر بالطريقة دي الا لو في حاجة تقيلة وقعت ع الكبوت من فوق الصورة دي متفبركة والله ونحن اسفون يا النترا واللي عمل الصورة المتفبركة دي عفريت استاااااااااااااااااااااا ااااااااااااااااااااااااا ااااااااذ

مش عارف ؟؟؟؟

[Elsebily]

المشاركة الأصلية كتبت بواسطة A7MED NASSER حادث النترا 2012 في مصر (علي طريق الاسماعلية بورسعيد) موتوسيكل عمل في النترا كدا اومال لو دخلت في نص نقل كان حصلها ايه ؟؟؟ (و الله ربنا يسترها معانا يارب)

الصوره مش فوتوشوب ولا حاجه بدليل فانوس الجاوا اللي واقع علي الكابوت بتاع الالنترا وكمان قلة الاضاءه اللي في مكان التماس الموتوسيكل بالالنترا من تحت لاني النور فعلا مش هيبقي واصل للحته دي من تحت وكمان الجنزير بتاع الموتوسيكل واقع علي الارض وحاجات واقعه من الموتوسيكل وفيه كمان دواسة البنزين ولا الفرامل اللي واقعه جنب الكاوتش اللي قدام بتاع الموتوسيكل ده غير الفتل الصفرا اللي مدلدله من كرسي الموتوسكل اللي مش موجوده عنده موتور العربيه ومكانها سواد وده دليل اكبر انها اتحرقت من سخونة الموتور ومن الصدمه والصوره طبيعيه جدا وبلاش اندفعانا وتحيزنا لسيارات معينه يخلينا نقول حاجات غلط وانا شخصيا شايف اني الالنترا الجديده دي شكل بس من بره والالنترا الشكل القديم والاقدم منه افضل منها بمليون مره

[Marlborooo]

يا ريس بس الحدثة ديه سواء علي سرعة عالية او ومنخفضة استحالة الموتوسيكل يلزق في العربية بالشكل ده
عشان يلزق كده لازم تكون مثبت الموتوسيكل والعربية تتدخل فيه كأن سيخ حديد متثبت في حيطة وانت دخلت فيه غير كده مستحيل

ومش قصة تحيز ومحدش قال ان الالنترا بتستحمل الصدمات ديه عربية ضعيفة وكل الناس عارفة ده

[Elsebily]

المشاركة الأصلية كتبت بواسطة ابو الشوق كاديلك يا ريس بس الحدثة ديه سواء علي سرعة عالية او ومنخفضة استحالة الموتوسيكل يلزق في العربية بالشكل ده عشان يلزق كده لازم تكون مثبت الموتوسيكل والعربية تتدخل فيه كأن سيخ حديد متثبت في حيطة وانت دخلت فيه غير كده مستحيل ومش قصة تحيز ومحدش قال ان الالنترا بتستحمل الصدمات ديه عربية ضعيفة وكل الناس عارفة ده

والله انا شخصيا مستغرب ازاي يحصل كده بس اللي يركز في الصوره هيعرف انها مش فوتوشوب ده غير ان لو اي حد خدها علي الفوتوشوب ويقيس مدي تطابق الاضاءه هيلاقي انها طبيعيه وانا عارف ان الالنترا ضعيفه لكن مكنتش متخيل انها للدرجادي بس انا متوقع اني الاتنين كانو ماشيين بسرعتين متقاربين والالنترا دخلت في الموتوسيكل والموتوسيكل اتزنق في حاجه في الالنترا ولزق فيها وممكن يكون مع السرعه حصل كده عامة ربنا يكفي الجميع شر الحوادث .

[كومندا]

ده شكل الموتسيكل الجاو
للى ميعرفش شكله او بيقول انه موتسيكل خفيف
حاجه كده حديد فى حديد
وموديلاته من السبعينات للاوئل التسعينات
كان بينزل بنفس الشكل


الموضوع مش موضوع النترا وموتسيكل جاو
باختصار العربيات الجديده كلها شكل
شوف الفانوس حجمه اد ايه والاكصدام بقا وش العربيه كله
ودى حجات لا تتحمل الصدمات واقل احتكاك بياثر عليها