أولا حمدا لله على سلامتك ياإنجكشن باشا...
ثانيا أنا هاقول موقفين حصلوا معايا (وأنا مبحبش أهزر غير مع الكبير)
1 الموقف ده في السعوديه (إعمل سيرش ع الصور في جووجل وأكتب حادثة طريق الدمام والخبر وإنت تشوف الصور)
كنت ماشي 180 - 200 بعربيتي الكاديلاك في الطريق هوه هاي واي كله كباري وأنفاق، ودخلت نفق وأنا خلاص هطلع منه لقيلك ترللا (شاحنه محملة رمل) واقعه من فوق (طبعا النفق كوبري للناس اللي فوقينا) وقعت على الثلاث عربيات اللي قدامي فطستهم، وأنا مسكت فرامل وهاند (وكان هاين أنزل من العربية وأزقها من قدام) والحمد لله ربنا ستر والرمل اللي كانت محملاه الترللا اتدلق ناحيتي ودخلت فيه وإمتص الصدمه.
2 أما الموقف الثاني هنا في مصر في شارع مؤسسة الزكاه بالقاهرة، كنت نازل من شارع متقاطع مع مؤسسة الزكاة بعربيتي الستروين، وتأكدت إن الشارع فاضي ورحت نازل على مؤسسة الزكاه وألاقيلك ترللا برضه بيتخطة من حارتي أنا وجاي ناحيتي (ناحية السواق) وطبعا عينيك ماتشوف إلا النور دخل بعزم مافيه بكل سرعته في البابين الشمال للعربيه وأنا سبحان الله والحمد لله لقيت نفسي على الكرسي التاني للعربيه، طبعا غيرت بابين والقايم اللي بين البابين كان داخل لغاية نص العربية وواخد السقف معاه، اللي كان يشوف العربية بيقول أكيد السواق مات، بس الحمد لله ربنا هوه اللي بيسترها، والعربيه إتصلحت ورجعت عربيه تاني.
دوول أبرز موقفين مريت بيهم في حياتي...
07-03-2011, 06:33 AM
رد: ربنا ستر ومتعجنتش.
