الجمعية المصرية للتامين

[ابو هيما]

المشاركة الأصلية كتبت بواسطة corsair عليك وعلي جهاز حماية المستهلك وصورلهم العقد اللي بينك وبينهم وتاريخ الحادثة والمحضر بتاع الحادثة واي اوراق تانية هما هيقولولك عليها وهتلاقيهم بسم الله ما شاء الله هما اللي هيدورو عليك وفي اسرع وقت هيخلصولك الموضوع ده وبعد كدا تبقي تسئل عن التامين وسمعته قبل ما تروح تشترك فيه ادخل علي الرابط ده هتلاقي كل عنوانين وتليفونات جهاز حماية المستهلك http://www.masrmotors.com/vb/showthread.php?t=8126 ويا ريت كمان تشتكي هيئة الرقابة علي التامين علشان البطئ اللي هما فيه ده

أشكر حضرتك على المشاركة ...طب معلش سؤال مهم -هو جهاز حماية المستهلك هيرد على مشكلة خاصة بالتامين ولأ هيقولوا لى عليك وعلى الهيئة العامة للرقابة على التامين ...يصراحة جهاز حماية المستهلك ده جهاز حكومى نضيف وعجبنى جدا مشاركتهم وتفاعلهم فى مناصرة أفراد الشعب اللى أنضروا من العيوب التى ظهرت فى فتيس تويوتا الجديد وأجبارهم لوكيل تويوتا بمصر على تصليح هذا العيب على نفقتهم .
والله أنا متغاظ أكتر من معرض سمير ريان اللى أشتريت من عنده العربية لأنه هو اللى حسبى الله ونعم الوكيل فيه ساعة ماأشتريت من عنده العربية كأنوا بتوع الجمعية فتحين عنده مكتب وسأعة ماأشتريت العربية على طول طلعوا أستمارة تأمين ليها من غير حتى مأيخدوا برأئى (طبعا ما هو طالع وأكل فى بيع العربية نازل وأكل فى عمولة أستمارة التامين )
وساعة ماجيت أعترض قالى طب ماأنت كدا كدا هأتأمن على العربية ..
فياريت بعد أذنك وبعد أذن الجميع الأفادة فى موضوع علأقة جهاز حماية المستهلك بهذا الموضوع وألف شكر.

[تامين سيارات]

السلام عليكم اخى الفاضل بالنسبة للمشكلة الى انت فيها ربنا يحلها لانها مش مشكلتك لواحدك فى ناس كتير نفس المشكلة و اكتتر

معلش يا اخى اصبر شوية و عوضك الله خيرا

ولهى يوجد ناس مامنة فى الجمعية و ساعت ما سمعت سعر قناة السويس قالت لا كتير الجمعية ارخص و هم الان نادمين لان فى فرق لما تدفع 3000 و تلاقيهم وقت الحاجة ليهم و لما تدفع 900 بس رايحين عموما عوضك الله خيرا

المفروض لو انت رحت معرض و لقيت الشركة الى بيتعملو معاها سمعتها مش كويس تعمل انت تامين بمعرفتك ارخص و اضمن يعنى تسال الاول

ولا خاب من استشار

و تحت امرك فى اى مساعدة ممكن نقدمهالك

علي ما اعتقد ان جهاز حماية المستهلك هيفيدك في الموضوع ده بس جرب مش هتخسر حاجه ديه مكالمة تليفون والله فيه الخير يقدمه ربنا وان شاء الله الحق هيرجع لصحابة بس بلغ جهاز حماية المستهلك انك بلغت هيئة الرقابة علي التامين ومعملوش حاجه علشان يقدر يدخل

[ابو هيما]

المشاركة الأصلية كتبت بواسطة corsair علي ما اعتقد ان جهاز حماية المستهلك هيفيدك في الموضوع ده بس جرب مش هتخسر حاجه ديه مكالمة تليفون والله فيه الخير يقدمه ربنا وان شاء الله الحق هيرجع لصحابة بس بلغ جهاز حماية المستهلك انك بلغت هيئة الرقابة علي التامين ومعملوش حاجه علشان يقدر يدخل

أن شاء الله هأتصل بيهم واللى فيه الخير ربنا يقدمه -أشكرك مرة اخرى على النصيحة .

[خالدخليفة]

المشاركة الأصلية كتبت بواسطة ابو هيما السلأم عليكم ورحمة الله وبركاته أنا عملت الموضوع ده وأرجو من كل من يستطيع أن يقدم النصيحة أو تتوفر لديه معلومة يفيدنا فى هذا الموضوع الجمعية المصرية للتامين التعاونى _الله يحرقهم ويحرق كل اللى تسبب فى هذه النصيبة دى فى نأر جهنم زى ما تسببوا لناس كتير فى الألم وتركوهم فى نار الديون والهم _حسبى الله ونعم الوكيل في كل ظالم وأكل لأموال الناس بالباطل . بقالى سنة من ساعة ماعملت حادثة بتاريخ 2009-03-23 والعربية أتحسبت هلأك كلى وبعد الله يحرقهم ما سلمتهم العربية بعد طول عذاب ودوخة و كل شهر وكل كام يوم أكلمهم يقولولى لسه مفيش فلوس تعالى اول الشهر ويجى أول الشهر يقولولى تعالى نص الشهر وبعدين تعالى أخر الشهر وعلى الحال ده اكتر من سنة ودوخينى يالمونة دوخينى ......!!!!!!!! وكتير سمعنا وقرأنا من رجال العمل التأمينى اللى فى المنتدى انهم هيدخلهم مبلغ كبير وهأيصرفوا للناس كلها والكلأم ده ولأ فى حاجة بتحصل منه خالص ودلوقتى تروح الجمعية تلأقيها خاوية على عروشها ولأحد بيفيدك بحاجة والكلأم هو هو (تعالى اول الشهر -تعالى نص الشهر -تعالى أخر الشهر هاتيجى فلوس ) طب الحمد لله على السلأمة وأن الواحد طلع منها سليم بفضل الله _طب بالله عليكم تعمل أيه الناس الغلبانة اللى خسرت صحتها وعملها وعربيتها واتحكم عليهم بالدين !!!!!!!!! أنا قدمت شكوى فى الهيئة العامة للرقابة على التامين وعملت محضر وكل اللى حصل أنهم أستدعونى فى قسم الشرطة مرتين بعد الورق مارأح وجيه عشان يأخدوا أقوالى ولسه لحد دلوقتى مفيش اى حاجة وكل اللى خدته من الجمعية الزفت دى مبلغ 20000 من مجموع 83000 ولسه لحد دلوقتى بسدد فى القرض وبدفع للبنك كل شهر عشان مايتحسبش على غرامات تأخير ونفسى أخلص بقى و أحصل على مبلغ التعويض علشان أخلص من الدين والهم ده ومش عارف ..زهقت واتخنقت وكل مأافتكر الموضوع ده بينأكد على وبيزهقنى ... أرجو من جميع الأخوة الأفاضل أعضاء وأدارة المنتدى ورجال العمل التأمينى ان يفيدونا بأى معلومة جديدة تخص هذا الموضوع .. أرجو وأطلب النصيحة من الأخ الفاضل أبو نورا كما عودتنا دائما كأخ فاضل وكما عودتنا فى مواضيعك المتميزة مثل موضوع جهاز حماية المستهلك بأن تسأعدنا فى كتابة عناوين وأرقام تليفونات وفاكسات والمواقع الألكترونية للجهات المسؤلة التى يمكن التوجه أليها لمسأعدتنا فى حل هذه الأزمة ولصحصحة الموضوع شوية لحسن شكلأها كدة الحكاية خلأص خلصت بالنسبة لهم ونأمت وهما شكلهم هأيطنشوا ويكبروا دمخهم على التعويضات اللى كانوا المفروض يدفعوها للناس . وجزاكم الله جميعا كل الخير...

اولا ومبدئيا ازاى مازلت مستمر فى سداد الاقساط والعربية هلكت هلاك كلى ومعنى كده ان الشركة بتعوض البنك عن العربية مش سعادتك وانت بيتعمل لك تسوية وتخلص من اقساط البنك خالص وطبعا بيضيع عليك المقدم اللى دفعته اومال البنك مبيرخصش العربية الا لما يشوف وثيقة تامين ليه ؟علشان لو دمرتها سعادتك هما يصرفو قيمتها من الشركة وانت تخسر المقدم واللى انا فاهمه كمان ومحدش بيرضى يقوله من تجار العربيات ان البنك كمان بيعمل وثيقة تأمين على الحياة علشان لو لاقدر الله حصل لك اى حاجة الفلوس متروحش عليهم بتاعة تمن العربية وانما ياخدو تمن العربية من شركة التامين لان فى نص فى القانون عندنا بسقوط اى احكام او مديونيات على اى متوفى ولكنهم بيخبو وثيقة التامين على الحياة دى علشان الناس متتشائمش ومتخافش
ثانيا احنا وانا بقول احنا لانى وقعت فى نفس المأزق بتاعك بس سنة 2008 وكانت الجمعية المصرية بتدى شيكات مضروبة وقتها للعملاء
واصل الحكاية ان الجمعيه حبت تاكل السوق لوحدها فبقت تاخد نسبة 1,5% من قيمة العربية وتجار السيارات يحاسبوك على 2,5% وطبعا نظرا لان المسالة مربحة فكل التجار يروحو عاملين الوثيقة على الجمعية وانا وانت كمستهلكين مش فاهمين بنستلم العربية بكل ورقها ونمشى لانها زيرو ومعندناش فكرة واول م تحصل مشكلة يبان كل شىء على اصله
هذا الكلام مش من اختراعى لكن كلام سمعته من واحد الله ينتقم منه مطرح م راح رغم انه خدمنى ولكن سرقنى
وكانت الجمعيه بتدى شيكات مضروبة للعملاء زى مقلنا لحد م وقعو فى ايد ظابط مباحث خد احكام عليهم بالسجن وحبس رؤساء الحسابات اللى بيمضو على الشيكات ووصى عليهم حبايبه فى قسم الوايلى اخدو فيها 5 ايام فى الحجز وطبعا جوه الحجز الاستقبال مهم وشافو ايام سودة جوه وبسلامتهم اتمسكو يوم الثلاثاء خرجو الاحد ومن يومها بطلو يمضو على شيكات يفضل يعطلك من اول المعاينة لحد صرف الشيك وميديكش شيك ابداااااااااااا
ثالثا / انا شخصيا كان ليا 5000 جنيه واتعرفت بواحد قال اخلصلك المصلحة دى بس اخد 2000 جنيه ومش هغرمك كتير
و قد كان راح معايا للورشة فى الحرفيين وجاب فاتورة ب8500 جنيه ومندوب الجمعيه شال منهم 2000 والبهوات قبل صرف الشيكات اخدو 2000 وقبضت انا 4500 واعتبرت نفسى صلحت العربية ب500 جنيه واما الباشا اللى خدمنى فهو هارب دلوقت من قضايا نصب وخلافه واتضح لى ان ال2000 جنيه دى له فيها 500 مع انه اخد منى 500 غير ال2000
اذن هما ليهم سكك بس ازاى حاليا معرفش
رابعا الجمعيه المصرية لا صرفت ولاهتصرف اى فلوس لانهم بيصرفو المبالغ الصغيرة فقط 500 جنيه و 1000 جنيه وحاجات كده
خامسا شغلانة التأمين دى كلها شغلانة نصب واحتيال هيا كل مكسبها قائم على ان 50 واحد مثلا يأمنو واللى يصرفو 3 او 4 مثلا لك تخسر وبالتالى الشركة تعجز عن سداد التزاماتها لما يكون نسبة التعويضات كبيرة يعنى شغلانة 3 ورقات
طيب الحل ايه
انك تروح للبنك وتقول له العربيه هلكت لان واضح ان معندوش فكرة والجمعيه مبلغتوش لانه هيطالبها بفلوس العربية كاملة وفورا لان البنك ديونه ديون ممتازة اى لها الاولوية قبل اى فلوس تانية فهما بيراضوك انت وانت مقدور عليك لكن اعتقد ان البنك لو وريته الورق هيبقى ليه تصرف وتطالب بوقف سداد الاقساط بس ياحلو تكون مجهز ال20 الف اللى اخدتهم من الجمعيه لانهم هيطالبوك بيها على م اعتقد
ارجو انى اكون افدتك وربنا يعينك ويصبرك