محتاجة خبرتكم ضرورى ضرورى بنتو 2002و 2003

[ندا محمود]

ازيكم يا احلى منتدى
عندي كام سؤال ياريت الاقى رد عليهم فى المنتدى الجميل دة انا كنت عايزة اشترى بونتو 2002 او 2003 بس فى ناس مش كل الناس خوفونى من قطع الغيار انها غالية انا طبعا عارفة انها هاتبقى اغلى من الكورى بس مش زى الالمانى ولا الفرنساوى ولا اليابانى - وياريت لو حد معاة موديل العربية دى يقولى اية مميزاتها واية عيبوها
ياريت الرد بسرعة قبل ما ادبس فى عربية انا خبرتى فى الموضوع دة قليلة جدا
شكرا ليكم

[فادى]

قطع غيار البونتو سعرها موازي لقطع غيار السيارات الاوروبية عموما, و تقريبا فى المتوسط.
و فى انتظار تقييم احدى مالكى السيارة.

[ندا محمود]

مافيش حد معاة العربية يفيدنى بتجربتة

[karam osman]

انا معايا العربية دي من سنة وهي شيك وناعمة وثابتة في الجري وفيها تكنولوجيا عالية وقطع غيرها اعلى من غيرها في حاجات وحاجات عادية جدا مثلا انا غيرت كوبلنين الماني ب400 يعني زي ال 128 بس غيرت الريداتير ب 500 يعني اغلى من العادي ب 100 150 جنيه بس هي عايزة ميكانيكي فاهم فيها مش فتاي لانها عالية.......... استهلاك البنزين مافيش انا سافرت 350 ك ب 13 لتر بس اهم حاجة حالة العربية وربنا يوفق

[ashraflotfy1]

السلام عليكم
السيارة دى رائعة جدا هى مع أختى و أنا اللي اشترتها ليها مستعملة و باستعملها بدلا منها الآن لأنها مسافرة و هى سيارة أوروبية بمعنى الكلمة يعنى خامات راقية و استهلاك بنزين أكثر من رائع ليس لها مثيل فى الاستهلاك و كماليات عالية لا توجد الا في سيارة يابانى أو كورى هاي لاين و ثبات و شياكة و مش ضيقة و عملية و أنصح بها و على بركة الله بس تكون نضيفة و خللى التوكيل هو اللي يفحصها و يديكى التقرير عليها و قطع الغيار متوفرة في الحرفيين و بورسعيد و جديد في كل مكان و السعر زى الأوروبى لكن أقلهم و لا تقارن بالكورى أو اليابانى لأنها أفضل منهم و السعر فى التلاتينات لأول الأربعين و اللى معايا موديل 2003 و كانت ب 37 ألف جنيه