|
|||||||
| TATA تاتا الهندية شركة تاتا موتورز الهندية واحدة من اكثر الشركات نموا فى الهند قامت حديثاً بشراء شركة لاندروفر الانجليزية الشهيره بالاضافة الى جاجوار ايضاً كما اعلنت عن انتاجها لارخص سياره فى العالم والمعروفة باسم تاتا نانو TATA NANO |
 |
|
|
أدوات الموضوع |
|
#1
16-04-2011, 05:14 AM
|
|||
|
|||
نــانووو ايجيبت نزلت ولا لسه
السلام عليكـم
كنت حابب استفسر عن نانوو ايجيبت نزلت السوق ولا لسـه وياتري العربيه حلوه ولا ايه ظروفها مع الـعلم ان اختي الي هتجيبهاا هتروح بيها الشغل بدل المواصلات والمشاوير هتبقي في حدود المحافظه هتبقي كوويسه ولا نجيب حاجه مستعمله 28 مثلا بس احنا عايزين نجيب دي بدل المستعمل ومشاكله عشان مش فاضيين كل يوم نروحـ لميكانيكي او كدا ولو نزلت سعرهااا كام وموجوده فين بالظبط ياريت العنوان ورقم التليفون وشكرا مقدماااا 
|
|
#2
16-04-2011, 06:16 AM
|
|||
|
|||
رد: نــانووو ايجيبت نزلت ولا لسه
  الي من يهمة الامر عن معرفة نانو ايجيبت طبعا كلنا سمعنا ان فيه عربية اسمها نانو وسعرها رخيص لكن كل ماكتب عن العربية كان خاطئ وانا واحد من الناس روحت شفت العربية قدام عيني وعرفت كل حاجة عنها اللي تقريبا معظمنا مهتم انو يعرفها اولا العربية بتصميم وافكار مصرية لكن مصنعة في الصين لعدم تعاون المصانع المصرية للانتاج المصري ثانيا سعر العربية 25 الف جنية مصري وممكن تقسيطها عن طريق بنك ناصر بمقدم 5000 وقسط شهري 350 جنية وكل ده بصورة البطاقة ووصل النور فقط ثالثا العربية مصممة بطريقة فعلا انها تلائم الطرق المصرية والمستهلك المصري ومن اهم المميزات اللي في العربية 1 – العربية بتقدر تستحمل اعلي درجات الحرارة بدون ما الماتور يسخن لان ماتور العربية من ورا وليها ردياتير بمروحة من قدام يعني دورة المياة اللي داخلة للماتور باردة لذلك العربية مبتسخنش 2 – العربية كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في العربيات الحديثة 3 –العربية عالية عن الارض علشان متتأثرش بالمطبات 4 _فيها كاوتش بيلحم نفسو بنفسو 5 –العربية منظرها جميل وصغيرة وواسعة من جوا 6-الماتور 650 سي سي واحد سلندر والسرعة القصوي 80 او 90 كم/ س بعكس مثيلتها نانو الهندية 625 سي سي اتنين سلندر وسرعتها القصوي 70 كم/ س وكمان اللي جربو العربية قالو انها في السفر بتوصل ل 100 كم/ س 7-العربية بدون اسبراتير لانها واحد سلندر يعني مفيهاش اعطال الكهربا وكمان بدون سيور يعني مفيهاش اعطال قطع سيور الماتور 8 –العربية بتستهلك 1 لتر بنزين لكل 30 كلم ودي يعتبر اهم مميزات العربية لكن فيه مميزات تاني انا بعتبرها كماليات مثلا 1-فتحة سقف 2-باور 3-تكيف سخن 4-فوانيس شبورة 5-سبويلر خلفي مضئ 6-كاسيت حديث وده تقريبا كل حاجة محتاجين نعرفها عن نانو ايجيبت وياريت بجد اننا نشجع افكار بلدنا ونحاول كمان ان يكون التصنيع في مصر علشان ده بجد هيفرق معانا كتير ويكفي اننا وضعنا اقدامنا علي اول الطريق متمنين لفريق عمل نانو ايجبت النجاح   نظـام تقسيـط نـانو ايجيبت  السلام عليكم و رحمة الله و بركاته كلنا طبعا سمعنا عن نانو ايجيبت ارخص سيارة في مصر و ظهرت اراء كتيير عنها و اغلبها انها سبارة غير مجدية و ان التوك توك احسن.. المهم انا ذهبت الى معرض ابوستة في الاسكندرية جنب جامع سيدي بشر و سألت عنها و عرفت ان فيه اربع موديلات بتبتدي من 600 سي سي لحد 1100 سي سي و جربت العربية ال 600 سي سي و لقيتها فاشلة بكل المقاييس عشان كلنا بنسوق عربيات يا مانيوال يا اوتوماتيك بس دول عندهم نوع تالت مش فاكر اسمه بس شبه الموتوسيكل .. دا غير ان الموتور بتعها من الخلف و مايفرقش عن حجم موتور المياة كتير لدرجة اني افتكرت ان الزيت بيتحط مع البنزين زي الموتوسيكلات القديمة بس مندوب الشركة نفى الكلام دة المهم اتكلت على الله و حجزت السيارة نانو ايجيبت gl و مواصفتها انها مانيوال 800 سي سي الموتور من قدام زي عربيات الناس و طبعا سبب اني حجزتها ان تقسيطها صغير جدا و بدون ضمانات كتير زي باقي المعارض و السؤال حد جرب العربية دي ولا لأ يا جماعة ؟ و يا ريت الي عنده معلومات عنها يكتبهلنا خصوصا الموديلات 800 سي سي و 1100 سي سي بص يا ياشا انت لو معاك التمن كامل و مش حتقسط يبقى متفكرش تشتري العربية دي عشان انا مرغم اشتريها عشان تقسيطها سهل و مش محتاج ضمانات زي باقي العربيات و لو انت مش معترض على شكل الماروتي يبقى طبعا الماروتي احسن و اضمن بس الفرق الكبير الي بين ال600 سي سي و ال800 سي سي هو غير اختلاف مكان الموتور: ان ال 600 سي سي الفتيس بتعها غريب علينا يعني مش مانيوال ولا اوتوماتيك اعتقد اسمه ستربتونك و لما جربته معرفتش اتعامل معاه شكله زي فتيس الموتوسيكل بس دا مش بالرجل زي الموتسكلات دا غير الن الشكل الخارجي يشبه للكيا بيكانتو مع الفرق طبعا و ال 800 سي سي مجهزة عشان يركبلها تكيف(حسب كلام التاجر) بس ال 600 لأ بس كدا يا باشا دي اهم الفروق بس ارجع و انصحك تاني لو انت معاك التمن كامل او شغال في مكان تقبل البنوك تتعامل معاه مش محامي زي حلاتي يبقى تشتري اي عربية تانية بداية من الالتو 1100 سي سي الله ينور عليك يا باشا هي دي موديل ال dx من النانو ايجيبت بس الموديل الي انا حجزته للاسف معنديش صورة منه و لما عملت search عليه معرفتش اجيبه هو glx او gl   احمد الله عز و جل علي هذا التفاعل الغير عادي من المنتديات العامة و الخاصة علي الرد و التفاعل سواء سلبي او ايجابي و لكن الذي يسعدني هو هذا التفاعل من الشباب و الذي يدل علي وعي الشباب فالشباب الواعي هو الذي ينتقد نقد بناء يفيد الجميع فشكرا له و التمس العذر للنقض الهدام لانه لا يعلم الحقيقة فكان لابد من توضيح الحقيقة للطرفين سواء البناء ليزدادو معرفة و الهدام ليعلم الحقيقة لكي يكون نقده بناء و صادق بمعرفة و وعي و مسؤلية نحو نفسه و نحو اخوانه من باقي المجتمعاولا :- السيارة نانو ايجيبت هي افكار مصرية 100 % مسجلة باكاديمية البحث العلمي برقم 2008050741 تحت اسم استخدام الهواء بديلا للوقود العادي البنزين , الديزل , الكهرباء و خلافه و حتي الماء او الهيدروجين في تشغيل السيارات و بالتالي تقليل الاضرار للبيئة و تقليل نسبة CO2 و بالتالي المحافظة علي البيئة و لكي لا يوجد انقي من الهواء يتم استخدامه كبديل للطاقة فكانت الفكرة التي تم تخيلها و هذا اولا ثانيا :- نحن شركة استيراد و تصدير نشاطنا قطع غيار السيارات و بالتالي لدينا خبرة غير عادية في عالم السيارات و خاصة الاتصال بالمصنعين بالخارج او الموردين ما اكسبنا خبرة و تخصص في مجال استخدام الهواء داخل السيارات و خاصة سيارات النقل لان دورة الفرامل بها تعتمد علي الهواء ثالثا :- من خلال دراسة للسوق المحلي لمنتج اسمه توك توك تم استيراد حوالي 750000 توك توك بحوالي 20500000000 عشرون مليار و خمسمائة مليون جنيه اذا فلو وجد المستهلك المصري وسيلة تفي بالغرض و تساهم في عمله و الارتقاء بمعيشته و ادائه العام لو تم صنعها في مصر سنوفر تلك الاموال و بالتالي خلق فرص عمل افضل و المساهمة في النهوض بالصناعة الوطنية فبدا البحث عن تلك المعادلة ما هي الوسيلة الارخص من المواصلات العامة بشرط الفرق لصالح المستهلك و بالتالي تحقيق اكبر مبيعات ممكنة مع هامش ربح بسيط نظرا لارتفاع المبيعات و من هنا بدا عرض الموضوع و لكن لم يصدق احد فكان علي تنفيذ المشروع من خلال الشركة المصرية لتمويل المشروع بالكامل بالتعاون مع شريك صيني و قد كلف ذلك المشروع لانتاج السيارة اكثر من 3000000 مليون دولار فقط علي الاسطمبات ليتم تصنيع ارخص سيارة في العالم بفكر مصري 100 % و ايدصينية فقط لعدم قدرتي علي التصنيع في مصر علما انه في حال تصنيع السيارة في مصر سيكون الفرق مرة اخري لصالح المستهلك و الجميع نعم هذا لو تم هذا التشجيع من الجميع علما ان السيارة نانو ايجيبت اجمد و ارخص من نانو الهندي و يمكن عمل مقارنة سعرية و فنية و سنلاحظ الفرق بالكامل لصالح المستهلك علما انه تم تصدير تلك السيارة الي هولندا و باكستان و نيجيريا هل المستهلك في هذه الدول غير واعي علي العكس تماما فالكل في ظل هذه الظروف الاقتصادية الطاحنة يبحث عن الاحتياجات الحقيقية و ليست الترفيهية ثم هذا هو الاحتياج الفعلي فالسيارة نانو 4 ابواب كاي سيارة عادية مع الفارق في الاستهلاك للوقود كل 100 كم 3 لتر تقريبا ثانيا هل تعلم انك لو استخدمت اي سيارة سعتها 800 CC فان مصاريفها في خلال 5 سنوات حوالي 18500 جنيه عبارة عن بنزين و زيت فقط هل تعلم كم تستهلك نانو ايجيبت 3500 جنيه بمعني انها تقوم بنفس غرض السيارة العادية و الفارق 15000 لصالح المستهلك ثانيا عائد الاستثمار للمستهلك قيمة السيارة 25000 / 60 شهر = 413 / 30 يوم = 13 جنيه قيمة استهلاك السيارة و هذا مثل لتوضيح القيمة المضافة للمستهلك بمعني سيارة ببلاش هل تعلم ان سعر التوك توك حوالي 22000 جنيه و السيارة 25000 جنيه هل رايت الفرق اذا فهي سيارة شعبية الغرض منها المساهمة في تشغيل اكبر عدد من الشباب و المساهمة في انتقال المواطن بصورة متحضرة اذا لماذا لا نساهم جميعا اولم ياتي الوقت لاستبدال التوك توك بما ان السيارة ارخص فعلي سبيل المثال معدل استهلاك التوك توك للوقود حوالي 18 كم في اللتر اما السيارة حوالي 30كم للتر الواحد الزيت يتم تغييره في التوك توك بحوالي 20 جنيه كل اربعة ايام اما السيارة كيلو واحد زيت يكفي 5000 كم تشغيل بمعني السيارة الارخص علما ان المقارنة ظالمة لان هذا التوك توك و هذه السيارة مطابقة لشروط المرور كتراخيص مطابقة للامان لانها سيارة اقل في السعر اقل في استهلاك الزيت اقل في استهلاك البنزين بها كافة الكماليات و انفراد النانو عالميا ان اطاراتها مقاومة للثقوب و الوحيدة المطابقة لظروف التشغيل داخل مصرنا انها سيارة صنعت خصيصا للتشغيل و ليس للملاكي بمعني انها خدمة شاقة نانو صنعت خصيصا للاجواء المصرية و بفكر مستهلك مصري واعي يعلم ما هي الاحتياجات الحقيقية من سيارة علما ان السيارة نانو ليس لها مثيل في العالم بمعني انها الارخص عالميا كسيارة شقية تخاطب اكثر من 62 ِ% من سكان العالم بدليل ان مصر لوحدها بها 750000 توك توك و السودان حوالي 350000 بمعني تم بيع اكثر من مليون توك توك في دولتين فقط فما بالكم بباقي الدول و ما بالكم لو تم تصنيع السيارة في مصر فالاكيد سيتم تصديرها الي تلك الدول و ستدخل تلك الدول معفية من الجمارك و بالتالي ستكون الارخص عالميا في اي دولة عربية و بالتالي دخول عملة صعبة للبلد عن طريق التصدير اذا لماذا لا ندعم هذا الموضوع بما ان الفائدة للجميع و هو تبادل للمنفعة بين الجميع فطالما بدانا بارخص سيارة في العالم فما بالكم بالتطوير القادم ستكون مفاجاة عالمية و وسام علي صدر كل مصري و هي صفر ثاني اكسيد الكربون مافيش عادم اليس هذا المشروع العملاق احق بالدعم من برامج المسابقات او النغمات او غيره لابد ان يعيد الجميع مراجعة الاداء العام و سنري الفرق الواضح فالفشل هو سلم النجاح بشرط الاستفادة من اخطاء الماضي فالصفر هو بداية المليار هذا ليس حلم و لكنها حقيقة ارقام و لكي لا اطيل فحجز السيارة فقط بطلب حجز بدون اي فلوس بمعني من غير و لا مليم و التسليم باولوية الحجز و المقدم 5000 جنيه و القسط الشهري 350 جنيه بالتعاون مع بنك ناصر الاجتماعي و علي فكرة مش لازم تشتري لكن لازم تتفرج و تحكم بنفسك علاشان يكون كلامك في محله و لا ايه ??!!   : 14369D~149:GI FT4U
التعديل الأخير تم بواسطة cars admire ; 16-04-2011 الساعة 06:24 AM
|
|
|
|
![[IMG]file:///C:/DOCUME%7E1/ragy/LOCALS%7E1/Temp/moz-screenshot-4.png[/IMG]](image.php?s=56cae53a4ff04d61042b75052e4417a9&u=5722&type=sigpic&dateline=1317473683)
