رجاله مصر موتورز يغزون الصحراء

[BASSEM BESO]

كعاده رجال مصرموتورز مقابله من مقابلات الأحلام اللى الواحد بيمشى منها طاير وسعيد ومبسوط ومتشرف انه قابل الناس اللى بيحبهم وبيحبوه واتشرف بناس جديده وانا للأسف مكانش ليا الشرف فى المقابله دى للظروف اللى كلكوا عارفنها بس الحمدلله على كل شىء وياجماعه الواحد مش عارف يشكركم ازاى ولا يقول ايه عن اللى عملتوه معايا فى اليوم ده بجد والله هونتوا عليا كتييير جدا لدرجه والله خلتنى ابكى من كم التليفونات والرسايل والمشاركات اللى فى الموضوع اللى عمله اخويا وحبيبى وصاحبى ابوالأسعاد ففعلا شكرا لكل الأعضاء وخاصه اخواتى اللى مقدرش استغنى عنهم وعن الأطمئنان عليهم ابوالأسعاد والكومى وكريم واستاذ سيف واحمد حمدى والدكتور عمرو فانتازيا وكل الأخوه اللى بجد حسسونى انى مش لواحدى وانهم معايا علطول وانا اللى بتأسف انى قلقتكم عليا وشغلتكم بأخبارى بس والله ساعتها قولت فى داهيه مليون عربيه قصاد الحب والأخوه اللى الواحد شافها منكم فشكرا لكل اخواتى فصرموتورز واسف على التطويل

[hyundai2005]

طبعا ودون اي مقدمات كان يوم زي العسل بجد والله يوم زي الفل واتحقق فيه امنيه كان نفسي فيها من زمان وهي رؤيه حبايب قلبي الكومي وابو الاسعاد وكريم باشا .
طبعا ده غير تشرفي بمعرفه ومقابله اخر الرجال المحترمين في الزمن بنتاعنا ده :
1- استاذ علي رجل الاخلاق الحميده
2- الاستاذ احمد بدر ابو الذوق والمفهوميه
3-السيد الفاضل والد كريم باشا واخوه العسوله
4- مهران بك ملك الجولف الاسكندراني
5- السيد / نبيل ابو الاحترام كله
6-الاستاذ عماد عدو ابو الفتوح
7-مهند بك اللذيذ
ارجو اني ماكنش نسيت حد وفي النهايه بوجه الشكر لابو الاسعاد حبيبي لانه ماقدرش يقاوم وعمل التقرير زي ماقولتله شكرا يا حبيبي وربنا يعينك علي انت فيه ومتنساش اللي قولتلك عليه؟؟؟؟؟؟

[نبيل عبدالرحمن]

أولاً ياجماعة الخير كانت مقابلتنا فى غاية الروعة وكنا نتمنى أن يحضر أكبر عدد ممكن من الساده أعضاء المنتدى ، ولكن نظراً للظروف الحالية فى البلد فنحن نلتمس لمن لم يحضر العذر وعلى أمل أن نلتقى جميعاً فى مقابلة القاهرة القادمة بإذن الله
ثانياً كل الشكر والتقدير لمن حضر من خارج الإسكندرية وبجد شرفتونا ونورتوا اسكندرية ولو إننا كنا خارج اسكندرية بـ 30 كيلو
ثالثاُ أشكر الأستاذ أحمد أبو الإسعاد الذى تشرفت بمعرفته لأول مرة وشكراً على تقريره الرائع الشامل عن المقابلة ، وهذا عهدنا به دائماً فى إعداد مثل هذه التقارير
رابعاً نوجه إعتذارنا للأخ باسم بيسو على اللى حصل لعربيته وقدر الله وما شاء فعل وربنا يعوض عليه
خامساً الشكر الجزيل للأستاذ أحمد بدر لحضوره بالرغم من إصابته وكان أولى أن نعمل هذه المقابلة فى منزله فى أبو تلات حتى لا يتكبد عناء الحضور ، وأكيد ماكانش هايسيبنا نمشى بدون غدا
وأخيراً الشكر لكريم على لتنظيمه هذه المقابلة الجميلة
مع تحياتى للجميع

[mahranahm]

طبعا فى الاول اشك نجم المواضيع والتظبيط ابو الاسعاد
ثانيا استاذ على وعربيتة لانه اول واحد كان حيموت ويورينا البرنسيسة الماذا ربنا يباركلة فيها ويكفية شرها وانه سمحلى طبعا انى اركبها ودى حاجة جميلة اوى منه
ثالثا ورابعا وخامسا وسادسا الناس الاول مرة اتعرف عليهم معأنى حسيت انى اعرفهم من قبل كدة رغم قلة الوقت الانا جلست معاهم فية (( الكومى و هيونداى واستاذ عماد ومهند ))

وطبعا حبيبى كيمو والاب الجميل والاخ الغالى الجميل اوى ماذن وطبعا عمدة
وعمدتنا استاذ نبيل واخويا احمد بدر القابلنى بالعتاب لعدم اتصالى به عند معرفتى بالحادثة بتاعتة ولة منى كل الاسف .
وحبيبى استاذ سيف باشا الاتهمنى انى هربت من انى افسحة فى الاسكندرية معأنه عارف ان جوجو عملتها معايا وطلعت دخان من التابلوه وانا جاى ومكنتش عارف اعمل ايه وكنت قاعد قلقان لانى لما كنت بشغل العالى كانت الريحة والدخان بيزيد وكنت عايزاروح للكهربائى بسرعة لكن مهنش عليا مجيش المقابلة وقابل الناس الجميلة دى حتى لو اطريت آسفا ان يحصل حاجة فى الطريق لحبيبتى جوجو
والحمد لله تمت المقابلة الجميلة ورجعت واحدة واحدة الى الكهربائى كنت ماشى على 80 و 90 لحد الكهربائى اللقى ان اسلاك الانذار القديم ملمسة وهى الكانت بتتحرق والحمد لله انها مملتش حاجة فى الدفيرة وتمت الصيانة والحمدلله

[tarek elbadry]

متجمعين على الخير
ونتقابل ان شاء الله فى القاهرة