استفسارات عن كليو 2002 هاتش

[mohamed_aly]

السلام عليكم ورحمة الله وبركاتة

انا معايا كليو هاتش 2002 بقالها معايا سنة و نص
واشتريتها بحالة كويسة جدا بس المشكلة ان بدأت كل شوية عيوب تظهر

وخصوصا لمبة الانجكشن كل فترة لازم تنور و روحت التوكيل كذا مرة وكل ما امشي من التوكيل بعد اسبوع او اقل
يرجع نفس العيب وتنور اللمبة وفي الاخر قالوا في مشكلة في الماتور تقريبا الكربراتير عايز يتغير
وقالوا احنا نضفناه وصلحناه المهم يعني العربية قعدت حوالي 4 شهور شغالة زي الفل ومن اسبوع اللمبة نورت تاني
يا ريت لو حد يعرف حاجة عن الموضوع دة يفيدني

وهل لو البوجيهات ضعيفة ممكن اللمبة تنور او فلتر البنزين وفلتر الهواء مع العلم اني من ساعة ما اشتريت العربية
مغيرتش حاجة منهم غير فلتر البنزين وبقالة اكتر من سنة

وسؤال تاني بخصوص زيت الفتيس وزيت الماتور اية احسن انواع زيوت لكليو 2002 مع العلم اني بحط زيوت موبيل 1

وتلاجة التكييف بتسرب يعني لازم تتغير ومش لاقي اصلي غير مستعمل و بصراحة مش عايز اتعامل مع التوكيل

يا ريت حد يفيدني ولكم جزيل الشكر

[POP EL GAMED]

المشاركة الأصلية كتبت بواسطة mohamed_aly السلام عليكم ورحمة الله وبركاتة انا معايا كليو هاتش 2002 بقالها معايا سنة و نص واشتريتها بحالة كويسة جدا بس المشكلة ان بدأت كل شوية عيوب تظهر وخصوصا لمبة الانجكشن كل فترة لازم تنور و روحت التوكيل كذا مرة وكل ما امشي من التوكيل بعد اسبوع او اقل يرجع نفس العيب وتنور اللمبة وفي الاخر قالوا في مشكلة في الماتور تقريبا الكربراتير عايز يتغير وقالوا احنا نضفناه وصلحناه المهم يعني العربية قعدت حوالي 4 شهور شغالة زي الفل ومن اسبوع اللمبة نورت تاني يا ريت لو حد يعرف حاجة عن الموضوع دة يفيدني وهل لو البوجيهات ضعيفة ممكن اللمبة تنور او فلتر البنزين وفلتر الهواء مع العلم اني من ساعة ما اشتريت العربية مغيرتش حاجة منهم غير فلتر البنزين وبقالة اكتر من سنة وسؤال تاني بخصوص زيت الفتيس وزيت الماتور اية احسن انواع زيوت لكليو 2002 مع العلم اني بحط زيوت موبيل 1 وتلاجة التكييف بتسرب يعني لازم تتغير ومش لاقي اصلي غير مستعمل و بصراحة مش عايز اتعامل مع التوكيل يا ريت حد يفيدني ولكم جزيل الشكر

اهلا بحضرتك يا باشا
اولا بالنسبه لموضوع لمبه الانجيكشن ازاى قالوا لحضرتك ان الكاربيراتير عايز يتغير اذا كانت اى عربيه انجيكشن مفيهاش كاربيراتير هو يمكن قالوا لحضرتك الرشاشات وانت مخدتش بالك
ممكن تكون محتاجه تتنضف (طيب هى ايه اخبار استهلاك بالنزين معاك الطبيعى ولا زياده)

ثانيا بالنسبه للبوجيهات مش هتخلى لمبه الانجيكشن تنور انما ممكن مشفتهاش غير مرتين بس بسبب فلتر البنزين وفلتر الهوا مالوش علاقه بلمبه الانجيكشن بس نصيحه منى اكشف عليهم وغيرهم لان الطبيعى فى فلتر البنزين والبوجيهات انهم بيتغيروا كل سنه او سنه ونص
بخصوص زيت الفتيس هو مبيتغيرش هو بيتزود(بيتغير لو العربيه اوتوماتيك) لو مانيوال بيتزود ده لو ناقص
بالنسبه لزيت الموتور هو احسن انواع اما توتال او امارات مصر دول الانواع المجربه فى كذا عربيه كليو وميجان 1 ورينو 19 ورينبو يعنى فى معظم العربيات الرينو اللى اتعاملت معاها وكان معظمهم شغالين بزيوت توتال
موضوع ثلاجه التكييف ده احسن حاجه انك تجيبها استيراد مستعمله لانها لو جديده هتبقى غاليه جدا
ومتقلقش من الاستيراد لانه بيبقى على التجربه ومتقلقش لو مش مظبوطه بتغيرها وبتبقى اصلى واحسن حاجه انك بتبقى متأكد انها اصلى لانها بتبقى مفكوكه من عربيات متقطعه وعلى فكره بجد فيه قطع غيار استيراد كتير بتبقى احسن من الجديد
واتمنى انى اكون قدرت ارد على استفسارات حضرتك ولو فيه اى استفسار تانى انا موجود بأذن الله
اخوك بوب الجامد

[mohamed_aly]

المشاركة الأصلية كتبت بواسطة POP EL GAMED اهلا بحضرتك يا باشا اولا بالنسبه لموضوع لمبه الانجيكشن ازاى قالوا لحضرتك ان الكاربيراتير عايز يتغير اذا كانت اى عربيه انجيكشن مفيهاش كاربيراتير هو يمكن قالوا لحضرتك الرشاشات وانت مخدتش بالك ممكن تكون محتاجه تتنضف (طيب هى ايه اخبار استهلاك بالنزين معاك الطبيعى ولا زياده)

متشكر اوووووى يا باشا على الاهتمام ربنا يجازيك خير ان شاء الله

انا فعلا مش فاكر قالولي اية بالظبط بس هو المسئول عن دخول البنزين والهوا للماتور فتقريبا اللي سألته ميعرفش
انها مفيهاش كربراتير هو تقريبا اسمة البوابة او الرشاشات فعلا

وفي ميكانيكي بيشتغل في توكيل دايو قالي غير بوجيهات وفلتر بنزين وهوا وهتشتغل معاك كويس
وااستهلاك البنزين عادي خالص طبيعي
الزيت هو اللي بينقص بسرعة قبل الـ10000 لازم ازود كيلو


شكرا اوووي يا بووب على الرد

[tronky]

بص يا محمد

أولاً غلط جداً أنك تجيب عربية مستعملة و متغيرش فيها السيور و الفلاتر و خصوصاً سير الكاتينة....إلا لو جايب عربية كسر زيرو أو متأكد من أن الحجات دى أتغيرت.

ثانياً البوجيهات و الفلاتر ليها وقت لازم تتغير فيه عشان طبيعى مع الوقت كفائتهم بتقل و بالتالى بيأثرو على سحب العربية و أستهلاك البنزين.

رأيي أنك تغيرهم الأول و تجرب لأن أنت كده كده هتغيره قريب.......ليه ؟؟
لأن البوجيهات بتتغير كل 20 ألف كم و الفلاتر فى منها بيتغير كل 10 أو 20 أو 60 ألف كم ......و أنت معاك العربية بقالك سنة ونص يعنى غالباً عملت 10 ألاف كم على أقل تقدير.

فى واحد فى الحرفيين أسمع أنه كويس....أسمه محمد الشرقاوى حاول تروحله و تشوف هيقولك أيه
رقمه 0104667284

أنا رحتله مرة واحدة عشان أربط عفشة و كان شغال فى ميجان 1 و ميجان 2 و كليو.

و أبقى طمنا عليك.

[mohamed_aly]

متشكر اوي يا ترونكي ربنا يجازيك خير يا باشا
بيني وبينك انا مغيرتش ولا سير لحد دلوقتي
ان شاء الله هغير انهاردة فلاتر وبوجيهات وربنا يسهل
ومحمد الشرقاوي عنده قطع غيار ولا ميكانيكي بس
وتسلم ايدك عالرد يا باشا