رسالة من مقاتل مصري

[akerima]

تصدق كلام صولات فعلا
- بجد كلام محترم مشكور ليك نقلة

بس احب نفتكر مع بعض حاجة كده حصلت من كام شهر لما مجموعة من جنودنا البواسل استشهدت علي الحدود المصرية الاسرائيليه الناس قامت ازاي وعملت ايه - طبعا بغض النظر عن بعض الخروج عن النص اللي جايز ميرضيش فئات معينة من المجتمع السياسي بس النتيجة ان الشعب المصري كله كان حاسس ان اللي استشهد باذن الله علي الحدود المصرية كان اخوه او ابنه وكان عايز ياخد بتاره

يعني حب الجيش في قلوب الغالبيه العظمي من الشعب المصري حب لا غبار عليه ولا يضاهيه اي حب اخر متهيالي محدش حيختلف معايا في كده

ان كان فيه بعض التجاوزات في الايام الخيره ضد الجيش المصري فدا رد فعل طبيعي نفسي لما شاهدناه كلنا علي شاشات التليفزيون من معاملة قاسيه للغاية ضد بعض المواطنين المصريين واللي انت برضة بتشوفة في الشارع بيبقي رد فعل نفسي لانسان ممكن يكون شاف حاجات صعب علي اي انسان يشوفها وخلي بالك تدريباتك وتاهيلك لانك تشوف اهوال عشان حاجة واحده فقط انك متوصلش للحالة اللي عليها الناس اللي انت بتنتقدها دلوقت - ممكن يكون معاك حق في كل الكلام اللي انت نقلته وانا معاك فيه 100% بس الناس دي حطت نفسها قدام مسدسك ومدفعك وعارفين ان انت جايز تستخدمهم وملهمش غرض غير حبهم لبلادهم ولهم علي هذا كل تحية حتي لو كانوا قبل كده شياطين تستحق الرجم وربنا تاب عليهم

الشعب المصري 90% من رجالتة يا جيش حالي يا جيش احتياطي يا جيش سابق يا ممكن يبقي جيش لو لاقدر الله مصر تعرضت لاي خطر

اذا لو فيه حد بينتقد الجيش فالنقد بيبقي علي التصرفات والافعال اللي كلنا متفقين انها في الايام الاخيره حصل فيها بعض التجاوزات من بعض الافراد وبعدين دايما الشعب المصري بطبيعتة الطيبة بتيجي علي القوي ضد الضعيف - علي فكرة حتي لو القوي دا كان علي حق - بس دايما غريزة المصري تيجي علي اللي ماسك العصايا

حتي في كلامنا
-حرام عليك هو قدك دا

والمشهد كان مؤلم وعشان كده الناس جت علي الجيش في الايام الخيرة لكن الحمد لله برضة الشعب المصري زكي بالفطرة وحيعرف يفرق ما بين الصالح والطالح من الطرفين في وقت باذن الله مش طويل

اللهم اصلح مصر
اللهم اصلح شعب مصر
اللهم اصلح جيش مصر
اللهم احمي هذه البلد من اعدائها ومن اهلها الضالين