ماذا يحدث في التحرير؟؟ الحقيقة..

[Moh.Osama]

صراحة الثلاث احتمالات ممكن يكون صح بس انا ميال اكتر لى الثانى والثالث نظرا لتتبع الاحداث ومن افتعالها من الاصل فالاصابع تشير الى اكثر من جهة على رأسهم المجلس العسكرى والشرطه لاتبعاهم نفس اسلوب مبارك فى التاخر فى احتواء الموقف او تعمودهم لاسباب يعلمها الله واحده وفى النهاية يكون الشعب هو الضحيه سوء من هو متضامن مع المتظاهرين او المعارض ليهم ويجب ان تكون هناك قيادة حكيمه لتخرج مصر من هذه الازمه باقل الخسائر

[تامر ديزل]

انا هكمل على راي الاستاذ ايمن جلال واقول ان الثلاث اسباب مع بعض هما سبب الفتنه والدمار اللي احنا فيه :
النخبه ودول الطبقه العليوي من المجتمع ليهم قيم ومبادئ وحياة غير باقي الناس ومكاسب خايفين عليها وعلى طريقة حياتهم من التضييق اللي متوقعينه من التيار الاسلامي لما يوصل للحكم والخوف ده واصل لدرجة الرعب ولدرجة شحن عصبي غير طبيعيه باينه عليهم وهما في البرامج التلفزيونيه كل تركيزهم والناس بتموت على الغمز واللمز على التيار الاسلامي وانتقاده .. ما علينا
الفلول الحقيقين مش الفلول اللي كل ما واحد شريف يقول رايه تقولوله انت فلول كانها لبانه محدش بيزهق منها . الفلول الحقيقين هما الناس اللي استفادت من فساد مبارك اللي عملت ملايين في عهد مبارك اللي عملوا قنوات تلفزيونيه في عهد مبارك اللي سرقونا بالحداقه في عهد مبارك اللي هما بالصدفه ثوريين النهارده ومش وقت ذكر اسماء لاننا هندخل في تفريعات كتير مالهاش لازمه
وبعد كده طنطاوي ورجاله صنائع مبارك يعني انتو مستنيين ان مبارك كان يختار دراعه اليمين ايه ؟ ماتفوقوا بقى وتشوفوا كل واحد على حقيقته
النهارده العالم الغريبه على تقاليدنا وحياتنا بقوا نخبه والفلول الحراميه عاملين قنوات تلفزيونيه ثوريه والمجلس العسكري الناس متعلقه بيه كأنه معاه الارواح بتاعتنا لما هيتنحى هتطلع روحنا
التلاته دول هما مثلث الفساد الطاغي ... سؤال : هل يعني كده ان مافيش حد شريف وكله ولاد تيت ؟ لا ابدا فيه الشعب الشريف الشغال المتدين المثقف بس المشكله اننا مش شايفينهم لان كل اللي بيتعرض علينا في الاعلام هما الثلاث انواع اللي فوق دول مافيش اي مساحه للناس المحترمه بجد ولا المثقفه فعلا
انا طولت عليكم وفاضل حاجه للزميل ممفور احييك على الاستطلاع الهايل ده وبصراحه معمول حلو بكل امانه مش هزار يعني ومن خلال التصويت هتقدر تقسم الناس تلات انواع بكل بساطه من غير ما تسالهم انتوا انتماءاتكم ايه و رغم اني ما شاركتش الا انه معمول حلو
وارجوا انك متعتبرش اللي يختار الاختيار الاولاني فلول ولا التاني حزب كنبه ولا التالت ثوريين لان محدش في ايده يصنف الناس ولا يوزع عليهم الالقاب ولا النياشين

[MmFFoR]

حد من الزملاء يفسر سبب تلاعب الشرطة بعملية اخلاء الميدان و تركه ثم اخلاءه ثم تركه؟

[nktis]

اسباب كتيره جدااااااااااا...

الاول والثاني....