هو انا هانتخب 28 اللي جاي ؟ طب ازاي؟

[lost2008]

المشاركة الأصلية كتبت بواسطة alymonir السلام عليكم معلش هو سؤال محرج شوية هو ليه كل تعليقات سيادتك هجوم على أي حاجة إسلامية ؟؟؟

بطلو بقة النغمة ديه, كل ما حد ينتقد الاحزاب و التيارت الى بتلبس عبائة الدين لخداع البسطاء تطعنو فى اسلامة , يا سيدى علاقتى بالله سبحانة و تعالى مش انتو و ﻻ شيوخكو المتشددين و المتحجرين فكريا الى تحكمو على ايمانى و اسلامى و بطلو نظام محاكم التفتيش ده.

[alymonir]

المشاركة الأصلية كتبت بواسطة lost2008 بطلو بقة النغمة ديه أنهي نغمة ؟ إحنا ملناش دعوة بالنغمات , سيبناها لل ..., كل ما حد ينتقد لا مانع من النقد البناء مش الشتيمة و التخوين الاحزاب و التيارت الى بتلبس عبائة الدين لخداع البسطاء على كدة حكمت على غالبية الشعب المصري أنهم بسطاء و بينخدعوا بسهولة ؟؟ تطعنو فى اسلامة مين بس اللي طعن في اسلام مين , يا راجل استهدى بالله , يا سيدى علاقتى بالله سبحانة و تعالى مش انتو مين برضه اللي جاب علاقة سيادتك بالله هذا بينك و بين الله و لا أحد يتدخل في السرائر و ﻻ شيوخكو المتشددين و المتحجرين فكريا اسجل نقطة اعتراض أنت تتهمنا بالتشدد و التحجر الفكري , اثبت الى تحكمو على ايمانى و اسلامى و بطلو نظام محاكم التفتيش ده.

سامحك الله على كل ما ذكرته
و الله أنا لم يكن في نيتي أن استثير غضبك إلى هذا الحد
إن كنت زعلتك أنا اسف
حقك عليا

[د.هبه77]

سبحان الله الشيوخ متشددين ومتحجرين !
طب امال ناخد علوم الدين منين؟
هتقولي من القران والسنة معاك طبعا في الكلام دة اكيد
بس اذا كان القران نزل ليعجز العرب القدامي بلغتهم القوية ممن كان يطلق عليهم عرب حقا
هل نحن الان العرب الحاليين مقومين للفهم بدون شرح وتفسير وعلوم حديث

الموضوع اساسا تم نقله للدعوة لحضور ندوة تعريفية بالانتخابات وكيف تنتخب
وكل واحد له فكر وله عقل ونضوج بالمستوي الكافي ليميز الخبيث من الطيب
مقتنع بالفكرة احضر وهتكسب كتير
مش مقتنع ... نتمني انك تحضر ، يعني، اعرف الناس دي بتفكر ازاي
جمعة مباركة

[Ahmed Anwer]

حزب الوسط
أنت تسأل والوسط يجيب ، كل يوم سؤال وإجابة ......(2)

• بعض المفكريين، يرون أن الإسلام ليس له علاقة بالسياسة وأن الإسلام دين فقط فما رأيكم؟

نحن نؤمن بأن الإسلام دين ودولة، لأن مشروع الإسلام مشروع كامل ولكن القضية هي في ترجمته إلى الواقع المعاصر. نحن نؤمن بالمشروع السياسي الإسلامي بشكل مجدد، وليس استدعاء التاريخ لأنه كان اجتهاداً بشرياً ارتبط بالزمن الذي كان فيه.

[تامر ديزل]

كيف تختار نائبك ؟ فيديو حلو اوي
http://www.youtube.com/watch?feature...&v=QJS4hwqSfW0