هو انا هانتخب 28 اللي جاي ؟ طب ازاي؟

[د.هبه77]

مبارك...

السلفيين واخدين كرت احمر في اي حاجه وكل حاجه

مجرد ما نشوف واحد ملتحي او واحدة منتقبة ننفر

مع ان حبيبك المصطفي صلي الله عليه وعلي اله وصحبة وسلم كان ملتحي وازواجه منتقبات

يعني اقل ما فيها احب البس واقتدي به صلي الله عليه وسلم في لبسه وفعله

اشمعني لو ممثل او مغني عمل حاجه كل الشباب تلاقيهم عاملين زيه

ولا نسيتو احمد زكي لما حلق كابوريا كل البلد بقوا حالقين زيه

البنطلونات المنسلة كلة اشتري امواس ونسل البنطلون وبقت تتباع كدة من غير ما تتعب نفسك وتنسله

التقليد حلو جدا لكل ما هو غريب اما النبي صلي الله عليه وسلم لما نقلدة يبقي لية ؟

ويا ريت لية وبس

لا دة ممكن يكون سبب للنفور وعدم تقبل اي كلام او بلاش عدم تقبل ولكنها اول حجرة في الصد

اول ما نقول اسلام وسلفية ...........لالالالالالالا لالالالا

لية طيب يا تري اكيد سبب من ال2

اما ان انا شفت سلفي كرهني في طريقتهم

او ان انا بعيد شوية

طيب سلفي كرهني في طريقتهم

طب ما السلفي دة بني ادم ربي لحيته اه لكنه انسان خليط وله عادات وتربية وبيئة معينة

تربية المظهر اسهل شئ و تربية النفس اصعب حاجه يبقي هو قدر عالسهل وبيحاول في الصعب

وبعدين انا مالي ومال السلفي انا بتكلم عن السلفية

ولا هو الدين بقي صعب علية تطبيقه

طب ما هو الحق صعب والصح صعب

يبقي اترك لنفسي هواها وان تعمل ما تحب بلا ضابط ولا رابط

او كلنا نسعي وراء شعارات رنانة وكلمات لامعه

طب لية الاتباع دة ؟ تطبيقا لحاجتين

1- خلقت لاعترض والناس تسقف

انا اعترض اذن انا صاحب فكر وصاحب منطق ولي رايي وانا كدة ممتاز ومية مية

طب هو الاسلام حجر علي حرية حد او في آية تأمر بكبت الاراء او الحريات؟

2- الانبهار بالغرب اللامع والرغبة في محاكاتهم في كل شئ حتي في الديانة ولكن لان لسة باقي الاسلام في المسلمين يعني مش

لدرجة التخلي عن الدين (ودة لان برضة حبيبك المصطفي صلي الله عليه وسلم قال الخير في وفي أمتي الي يوم الدين ) فبالتالي نقول بقي حرية دينية وفصل الدين عن السياسة واهو نبقي كدة بقينا شبه الاجانب والحمد لله

اما تطبيق شرع الله والانصياع التام وطاعة الله والرسول صلي الله عليه وسلم بقت حاجه غريبة وشئ صعب

طب لو هو مش مش صعب لية اصلا الاسلامي مرفوض حتي ينطق ومتعلم علية بالاحمر هو الاسلامي دة مش موجود في جميع المجالات؟

ده بالعكس بقي مفروض ان كل ما تعرف في الكون اكتر وتتامل في خلق الله والاعجاز في كل مجالات الحياة تؤمن كل مدي ان الخالق موجود ويزيد ذلك في حبك لله ولرسوله صلي الله عليه وسلم ويزداد تمسكك بشريعته

ليه اول حاجه ننتخلي عنها بدعوي التقدم هي الدين وكأنه قربان يجب تقديمه لآلهة الغرب والحضارة وكانه جواز عبور الي انك تبقي انسان مودرن وشيك وسمارت واب تو ديت

طب لو الاسلامي دة زي ما انت شايف انسان متحجر وغبي يبقي ازاي قدر يخرج من بيته ويتعلم ويوصل ويبقي استاذ في الجامعة وووو.....ازاي قدر انه يوصل للخارج ويدعو الكثير من الغرب للدخول في الاسلام مع انه هو نفسه اللي معاك واللي انت بتنفر منه بقي قدر يدعو الاعجمي وانت الي بتنطق بلسانه مش قادر تسمعه ولا هو احنا هنرجع لعصور الجاهلية مرة اخري .... سبحان الله

قال صلي الله عليه وسلم بدأ الاسلام غريبا وسيعود غريبا كما بدأ فطوبي للغرباء

وصدق رسول الله صلي الله عليه وسلم حين قال إذا ضيعت الأمانة فاتتظر الساعة، قال وكيف إضاعتها، قال: إذا وسد الأمر إلى غير أهله"
لو سمحت لما تلاقي دقن متبصش علية وافتح ودانك واسمع بقلبك

[akefpop]

استاذ / Ahmed Anwer
هل تصدق حقيقة ان هناك ما يسمى بالديموقراطيه فى هذا العالم ؟؟؟
الأمريكان اللي قالوا هندرس الثورة المصرية لأبناءنا ، هم نفس الأمريكان اللي قالوا على طالبان وبن لادن Freedom Fighters يعني مقاتلي الحرية ، وهم نفسهم اللي زودوا صدام حسين بالأسلحة الكيماوية ، وهم برضو اللي كانوا اللي بيقولوا على مبارك رجل حكيم !!!
لايوجد مايسمي بالديمقراطيه في هذا العالم حتي أمريكا نفسها لايوجد بها ديمقراطيه,,
الرئيس الامريكي يتم تجهيزه مسبقا وتقديمه جماهيريا ,,هي ديمقراطيه مزيفه ... الاصوات يتم شراءها في أمريكا نفسها
العرب يتم اللعب بهم بطريقه ساذجه وبمسميات أكثر سذاجه مثل الديمقراطيه وحقوق الانسان وغيرها ,
عندما أحتج الطلاب في جامعه أمريكيه في أوهايو ولاية كنت وتظاهرو ضد الحرب علي فيتنام فى عام 1971م قامت الشرطه الامريكيه بعمل مجزره واطلقت عليهم الرصاص وسط الحرم الجامعي واعتقل اكثر من 13 الف متظاهر ...
http://www.rohama.org/ar/pages/?cid=1340
الديكتاتوريه والديمقراطيه ليس لهم تعريف في الغرب أساسا ,,عندما تسمي أمريكا هوجو شافيز بالديكتاتور مع أنه جاء بأنتخابات شعبيه , علي ماذا أستندو ؟!! وعندما يطلقوا على حماس انها فاقده للشرعيه بعد الانتخابات مع أنها فازت فى انتخابات نزيهه تحت اشراف دولى ماذا تسمى هذا !!

[akefpop]

** يعني أيه " نشر " الديمقراطية في الشرق الأوسط ؟

( حوار بين ليبرالى واسلامى )

......................... .............

** ليبرالى : يعنى ايه ديمقراطية يابنى .. يعنى انك تقول رايك وتعبر عن نفسك وتتقبل الراى الاخر .. ده حتى بيقولك خليك ديمقراطى يعنى تقبل الراى الاخر ..

* اسلامى : طيب انا عايز حكم اسلامى ..

** ليبرالى : بتقول ايه ؟؟ حكم اسلامى ؟؟؟ انت كدة مش ديمقراطى ..

* اسلامى : ليه ياعم الحاج انا بقول رأيى ؟؟

** ليبرالى : رأيك تقوله بعيد عن الدين ولو سمحت ماتدخلش الدين فى السياسة ..

* اسلامى : هى مش الديمقراطية يعنى تقبل الراى الاخر وراى الاغلبية .؟؟ فيها ايه لما ادعوا لدولة اسلامية ده رأيي وانا حر فيه .. وبعدين الحكم فى الاخر للصناديق واصوات الشعب .. ؟؟

** ليبرالى : قول كدة بقى انتو عايزين تاخدوا اغلبية فى البرلمان وتعملوا دستور اسلامى ..

* اسلامى : وفيها ايه طالما ان الاغلبية معانا وموافقين ؟؟

** ليبرالى : انتو بتضحكوا على الناس باسم الدين .. وللاسف الناس جهله ومش فاهمين مصلحتهم ..

* اسلامى : يعنى من كام شهر كان الشعب المصرى عارف مصلحته لما نزل فى الثورة ودلوقتى بقدرة قادر بقى جاهل ومش عارف مصلحته وانتو بس اللى عارفين مصلحة الشعب .. ايه الديكتاتورية دى ؟؟

** ليبرالى : بس دى ما تبقاش ديمقراطية ..

* اسلامى : لاحول ولا قوة الا بالله .. مش انت لسة قايل ان من الديمقراطية انك تقبل رأيى الاخر .. فما بالك بقى لو الراى ده وافقت عليه الاغلبيه ؟؟!

** ليبرالى : ايوة بس كدة انت عايز تفرض رايك انت باسم الاغلبية ..

* اسلامى : اشد فى شعرى يعنى .. مانت لسة قايل ان الديمقراطية هى رأى الاغلبية .. وبعدين تعالى هنا ... هو فرض الديمقراطية عليا وعلى الشعب ده مش ديكتاتورية ؟؟ ياعم انا شعب مش عايز تبقى فيه ديمقراطية .. عايزها اى حكم تانى .. انا حر .. ليه تفرض عليا نظام انا مش عايزه .. وبعدين طالما الاغلبية موافقين يبقى ايه المشكلة ؟؟

** ليبرالى : انتو كدة وهتفضلوا طول عمركم مش عايزين حرية ولا عدالة اجتماعية ولا مساواه ولا تقدم ..

* اسلامى : لو انت بتتكلم عن الحرية والعدالة الاجتماعية والمساواه والتقدم يبقى روح شوف امريكا راعية الديمقراطية فى العالم عملت ايه فى العراق وافغانستان وفيتنام باسم الديمقراطية وباسم نشر الديمقراطية .. الديمقراطية اللى تنتشر عن طريق الدم والارهاب تبقى ديكتاتورية ..

** ليبرالى : انتو هتفضلوا جهله لان الديمقراطية مش بيفهمها غير ناس واعية ومثقفة مش ناس زيكم جهله ..

* اسلامى : طيب وباقى الشعب الغلبان والفلاح المسكين مش من حقه يفهمها ليه .. اذا كان اهم اركانها انتو مش عارفين تطبقوه وهو قبول لرأى الاخر وراى الاغلبية يبقى عايزين الراجل الغلبان يفهم ديمقراطيتكم ازاى وهى كلها تناقضات .. اكيد مش هيفهمها غير اللى حطوها عشان يضحكوا بيها على عقول الناس الغلبانة
------------------------------------------------
*** خلاصة القول ::: من الديمقراطية انى اقول على الديمقراطية ماتنفعش تحكمنى .. ومن الديمقراطية انى اختار نظام الحكم اللى يعجبنى مش اللى يعجب الديمقراطية وراعية الديمقراطية ماما امريكا .. ومن الديمقراطية ان رأى الاغلبية هو اللى يمشى ..
عرفت بقى ان الديمقراطية دى بتناقض نفسها .. وان اى نظام للحكم مخالف ليها يبقى مش من حقه يتطبق وينتشر ؟؟
عرفت ان الديمقراطية علطول شايفة نفسها هى اللى صح وباقى الانظمة غلط وده فى حد ذاته يخالف الديمقراطية ؟؟

[nktis]

متابع...............:fun_ 36_3_9[1]:

[alymonir]

سؤال ؟؟!!
و هو في الحقيقة تحدي

كيف حكم الاسلام العالم لعدة قرون بدون ديمقراطية ؟؟
و هل كان رسول الله ديمقراطي ( لا سمح الله ) ؟؟
أو الله عز و جل أمرنا بالديمقراطية و أو ذكرت في أحاديث الرسول صلوات الله و سلامه عليه ؟؟!!

فوقوا بقه
أصحاب الديمقراطية صنعوا صنم العجوة ( الديمقراطية ) و عندما يجوعوا ( تأني الديمقراطية بما لا يشتهون )
يأكلوه