عاوز حد يفهمنى فكرة دايرة كهربة لمبة الزيت

[ali zahran]

المشاركة الأصلية كتبت بواسطة الحمادوى شكرا ليك الحساس عندى شبه اللى فى الصوره فوق وفيه سلك متوصل فيه السلك ده عاطى كهربه ولمبة الزيت طافيه باستمرار يعنى معنى كدة اغير الحساس ولا فيه احتمال تانى سبب طفى اللمبه

انت فحصت السلك ازاى

[مهندس محمد منير]

1- فكرة حساس الزيت ان به فتحة لدخول الزيت ( داخل السن القلاووظ ) الى غرفه بها رق مطاطى تقوم بقطع او توصيل نقطتين كهربائيتين متصلتين بالسلك الموجود على الحساس وهما يمثلان الطرف السالب
2- لمبة الزيت متصل بها طرف سلك موجب والطرف الارضى او السالب متصل بالسلك الموجود على حساس الزيت
3- عند فتح الكونتاكت فالمحرك لم يدور لذلك فلن يدخل زيت للحساس وعلى ذلك فنقطتى التلامس السالبتين متصلتين داخل الحساس وبذلك تكتمل الدائرة وتضىء اللمبة
4- عند ادارة المحرك فان المحرك يدور لتدفع طلمبة الزيت المحرك الزيت الى الحساس والذى يندفع داخل حساس الزيت ليضغط على الرق المطاطى ليفصل نقطتى التلامس السالبتين وبذلك لا تكتمل دائرة الكهرباء وتطفىء لمبة الزيت
5- مما سبق وعند فتح الكونتاكت واذا كانت لمبة الزيت غير مضاءة فانه يلزم رفع السلك المتصل بحساس الزيت وهو السلك الارضى ولامست السلك لارضى المحرك فان لمبة الزيت تضىء واذا لم تضىء يلزم مراجعة هذا السلك لانه مقطوع او تكون لمبة الزيت الموجودة بالتابلوة تالفة

[الحمادوى]

المشاركة الأصلية كتبت بواسطة ali zahran انت فحصت السلك ازاى

عن طريق افو ميتر

هى العربيه فيات 126 متقلقش
بتعلم فيها
بص هو اللى حصل كان فيه قفلة فى السلك اللى موصل لطبة الفيتس اللى بينور مع الرجوع للخلف
وبعدها حصل لخبطة
لقيت لمبة الزيت والشحن منورين باستمرار اكتشفت ان كان فيه فيش متبدلة
عدلتهم لاصلهم
لمبة الشحن بقت شغالة عادى بتنور مع فتح الكونتاك وتطفى بعد العربيه ما تشتغل
لكن لمبة الزيت بقت طافية باستمرار

[الحمادوى]

المشاركة الأصلية كتبت بواسطة مهندس محمد منير 1- فكرة حساس الزيت ان به فتحة لدخول الزيت ( داخل السن القلاووظ ) الى غرفه بها رق مطاطى تقوم بقطع او توصيل نقطتين كهربائيتين متصلتين بالسلك الموجود على الحساس وهما يمثلان الطرف السالب 2- لمبة الزيت متصل بها طرف سلك موجب والطرف الارضى او السالب متصل بالسلك الموجود على حساس الزيت 3- عند فتح الكونتاكت فالمحرك لم يدور لذلك فلن يدخل زيت للحساس وعلى ذلك فنقطتى التلامس السالبتين متصلتين داخل الحساس وبذلك تكتمل الدائرة وتضىء اللمبة 4- عند ادارة المحرك فان المحرك يدور لتدفع طلمبة الزيت المحرك الزيت الى الحساس والذى يندفع داخل حساس الزيت ليضغط على الرق المطاطى ليفصل نقطتى التلامس السالبتين وبذلك لا تكتمل دائرة الكهرباء وتطفىء لمبة الزيت 5- مما سبق وعند فتح الكونتاكت واذا كانت لمبة الزيت غير مضاءة فانه يلزم رفع السلك المتصل بحساس الزيت وهو السلك الارضى ولامست السلك لارضى المحرك فان لمبة الزيت تضىء واذا لم تضىء يلزم مراجعة هذا السلك لانه مقطوع او تكون لمبة الزيت الموجودة بالتابلوة تالفة

ربنا يبارك فيك ويجعله فى ميزان حسناتك
هو ده اللى عاوز اعرفه
معلش استحملنى لو ممكن فكرة لمبة الشحن كمان

[مهندس محمد منير]

شكرا على ذوقك يا استاذ / الحمادوى
لمبة شحن الدينامو ويوجد علي طرفيها سلك موجب وسلك سالب والسلك السالب متصل بالدينامو
1- عند فتح الكونتاكت والمحرك لم يدور بعد فان الدائرة تكتمل وتضىء لمبة شحن الدينامو
2- عند ادارة محرك السيارة ويبدأ الدينامو فى الشحن للسيارة ليصبح السلك المتصل بالدينامو به كهرباء 12 فولت لتطفىء لمبة الدينامو لان فرق الجهد على طرفيها اصبح صفر