رابطة ( تسعير السيارات المستعمله)

[YahiaAshraf]

المشاركة الأصلية كتبت بواسطة ابو هيما أستاذ يحي , بعد السلأم عليكم أنا اسف عن الأنقطاع وعدم التواصل الفترة اللى فاتت . بس والله أنا كان قلبى مش مستريح للألنترا اللى كلمتك عليها موديل 2007 فمارحتش للراجل أشوفها وبالنسبة للحتة التانية المازدا فدى صاحبها قال لى لسة ما صلحتش الباور البايز فى التوكيل فبردوا المشوار أتلغى , بكرة أن شاء الله هاروح العاشر عشان أتفرج على عربية BMW دبانة 316 موديل 1992 بس هى وارد ألمانيا سنة 2008 , فابريكة بالكامل برة وجوة ماعدا الأكصدام الأمامى مرشوش نظافة والله واعلم ده على حسب كلأم الراجل , دراع المساحات مكسور , التكيف شغال بس عاوز يتشحن , الصالون فبريكة , الكاوتش حالة 90 % والراجل بيقول لسه مغير لها فى الحرفين سير الدينمو والعافشة والتيل الخلفى بس والأمامى لسة ومش هايغيروا مع أنه محتاج يتغير وفلتر البنزين وسير الكاتينة وعلى فكرة العربية فيها فتحة سقف . المهم هو قافش فى 65 ألف , وأنا أعتقد أن ده كتير شوية على العربية خصوصاً أنها من غير ABS و AIRBAGS فيأترى أيه رأى حضرتك . وكمان عاوز أعرف بحكم أنك عشت فى ألمانيا , فياترى العربيات دى تعمل كام برة وتتكلف كام عشان تدخل مصر .. ومعلش أسف على الأطالة وفى أنتظار الرد

بص

العربيه فى مصر هتعملها فى حدود 63 الف جنيه مصرى

بالنسبه فى المانيا سعرها فى حدود 300 يورو و ممكن توصل ل 350 يورو

ايوه
( ثلاثمائه و خمسون يورو)

بس انا منصحكش بعربيه قديمه

خليك فى الحديث

: Wkiss5:

[YahiaAshraf]

المشاركة الأصلية كتبت بواسطة (لا اله الا الله) سعر ميتسوبيشي لانسر 1300 مانيوال او اوتوماتيك زيرو و ايه رأي حضرتك فيها؟

العربيه اسعارها كالاتى :
-----------------------------------------
مانوال 1300 سىسى ب 104 الف
اوتوماتيك 1300 سىسى ب 110 الف
فول اوبشنز اوتوماتيك 1300 سىسى ب 116 الف
فول اوبشنز مانوال 1300 سىسى ب 113 الف جنيه مصرى

منصحش بيها لسبب :

موتورها صغير عليها

التكيف فى ال1300 سىسى وحش جدا جدا
و بياثر على العربيه
و شويه حاجات تانيه
و الكلام اللى انا بقوله ده من ملاكها

لكن ال1600 سىسى عربيه ممتازه و احسن منها بكتير

اى استفسار انا تحت امر سعادتك

[(لا اله الا الله)]

المشاركة الأصلية كتبت بواسطة yahiaashraf العربيه اسعارها كالاتى : ----------------------------------------- مانوال 1300 سىسى ب 104 الف اوتوماتيك 1300 سىسى ب 110 الف فول اوبشنز اوتوماتيك 1300 سىسى ب 116 الف فول اوبشنز مانوال 1300 سىسى ب 113 الف جنيه مصرى منصحش بيها لسبب : موتورها صغير عليها التكيف فى ال1300 سىسى وحش جدا جدا و بياثر على العربيه و شويه حاجات تانيه و الكلام اللى انا بقوله ده من ملاكها لكن ال1600 سىسى عربيه ممتازه و احسن منها بكتير اى استفسار انا تحت امر سعادتك

الف شكر على رد حضرتك معلش اما تعبك معايا
طب ايه رأي حضرتك في هيونداي اكسنت ار بي زيرو اوتو 104000

[YahiaAshraf]

المشاركة الأصلية كتبت بواسطة (لا اله الا الله) الف شكر على رد حضرتك معلش اما تعبك معايا طب ايه رأي حضرتك في هيونداي اكسنت ار بي زيرو اوتو 104000

تحت امر حضرتك مفيش اى تعب

الاكسنت اربى عربيه محترمه و جميله اوى

و هى من العربيات اللى انا بعزها جدا

بس فيه ناس بتقول انها خفيفه زياده عن اللزوم
و دى مواصفات الفئه اللى حضرتك ذكرتها
http://www.contactcars.com/NewCars_P...?EngineID=2677

و بنفس السعر فيه كمان كيا ريو
http://www.contactcars.com/NewCars_P...?EngineID=2969



بالنسبه للاكسنت انا شايف انها كويسه
بس اخرك بيها 120 كم

اى استفسار انا تحت امر سعادتك

[abdousharkawy]

السلام عليكم
انا بعد اذنك ليا استفسار
قدامى عربية سوزوكى سويفت موديل 97 تكيف وانذار وسنتر وزجاج كهرباء فابريكه دواخل رشه بره الراجل ماسك على 30 ايه رايك بسرعه لو سمحت