عشان متتخمش فى العربية عند شرائها من المعارض

[sheko fun]

( بـــــــــــــــســـــــم الله الرحــــــــمـــــــن الرحـــــــــــــــــــيـ ــــــم )

إلى كل أعضاء منتدى ( مصر موتورز ) الكرام الذين قاموا بشراء السيارة الرائعة ( الرينو لوجان ) :

فى البداية أحب أن أبدى بإعجابى الشديد بالأعضاء الكرام الذين يساعدون إخوانهم فى الله لتتحقق المنفعة للجميع ولتكوين منظومة واحدة الهدف منها إفادة الناس دون مقابل.

ولذلك جائت لى فكرة ونفسى يتم تطبيقها فى هذا الموضوع : وهى إزاى الواحد ميتخمش عند شراء السيارة رينو لوجان من المعرض أو التوكيل ويبعهالى أو يبيعها لحضراتكوا فيها عيوب بدون ما ندرى ( طبعاً مش كل الناس بتعرف كويس فى العربيات وأنا واحد من الناس لا أفقه شيائاً عن فحص السيارات ) .

لذلك جائت لى فكرة إن فى هذا الموضوع يدخل كل من إشترى الرينو لوجان ويضع رأيه عن سيارته هل وجد بها عيوب أم لا وإذا وجد بها عيوب ياريت يقولنا عن نوع العيوب إللى إكتشفها وياريت يتم ذكر المعرض إللى تم الشراء منه , ونفس الكلام لو كان لم تجد بها عيوب أيضاً ياريت يتم ذكر المعرض إللى تم الشراء منه . لنعلم فى النهاية ما هو أفضل معرض يجب التوجه إليه للشراء ولمعرفة أيضاً ما الأشياء التى يجب أن نفحصها جيداً فى السيارة قبل الشراء ....

بإختصار شديد أرجو من الإخوة الأعضاء ذكر الأتى فى الردود :

1- سنة شراء السيارة .
2- ( نصف الكماليات ) أم ( جميع الكماليات ) .
3- رومانى أم مغربى ( إذ أمكن ) .
4- العيوب التى تم إكتشافها .
5- ذكر المعرض الذى تم الشراء منه .
6- أى ملحوظة لكيفية فحص السيارة جيداً .

وبذلك تعود الفائدة علينا جميعاً ولنكتسب مزيداً من الخبرة من بعضنا البعض .

وفى النهاية أنا أسف جداً على الإطالة على حضاراتكم . ومع خالص تمنياتى بالتوفيق

شــــــــــــــــــــــــ ـــكـــــــــــــــــــــ راً

[MOUSTAFA_SAAD]

انا اشتريت 2011 نصف كماليات من 4 شهور من عند سمير ريان والحمد لله مفيهاش عيوب

[MOUSTAFA_SAAD]

ولاحظ ان المعارض مش مسؤله عن عيوب الصناعه باى حال الا اذا كان العربيه مخبوطه قبل كده وهو صلحها وباعها على انها جديده

[sheko fun]

شكراً للأستاذ ( moustafa saad ) : على تفاعلك ومشاركتك فى الموضوع .

المشاركة الأصلية كتبت بواسطة moustafa_saad ولاحظ ان المعارض مش مسؤله عن عيوب الصناعه باى حال الا اذا كان العربيه مخبوطه قبل كده وهو صلحها وباعها على انها جديده

وشكراً أيضاً على هذة المعلومة المهمة بالنسبة لى ولكثير من الناس أيضاً .

بس كنت عايز أسأل حضرتك سؤال هل عربيتك فيها ( CD Player MP3 )
أم ( CD Player Audio ) وهل مساند الرأس إثنين أيضاَ أم ثلاثة فى الكنبة الخلفية .... وهل لا يوجد عند حضرتك أى عيوب بالفعل أم هناك بعض العيوب البسيطة التى تعتبرها ليست عيوب مثل ( إرتفاع صوت الموتور زى ما بيقول بعض الأعضاء أو حرارة عند الدواسات أو الدركسيون ثقيل نوعاً ما فى السواقة ) أتمنى الإيضاح من حضرتك حتى نستفيد بالمعلومات الكاملة , ومن الواضح بالفعل أن ( Auto Samir Riyan ) من المعارض المحترمة بالفعل التى تستحق الثقة ....

ولك جزيل الشكر على مشاركتك وإفادتك لنا أخى العزيز ....

شــــــــــــــــــــــــ كــــــــــــــــــــــــ ــــــراً

[MOUSTAFA_SAAD]

الكاسيت CD Player Audio والكنبه مسندين فقط والحمد لله ملاحظتش ان فيه عيب زايد عندى عن الملاحظات اللى بتتقال عامة عن العربيه وهى
فعلا صوت الماتور عالى عن الكورى
حراره عند الدواسات حاسيت بيها مره واحده
الدركسون تقيل نوعا ما عن الكورى بس اللى ركب فرنساوى قبل كده زييى حيعرف ان ده نظام الفرنساوى وشفته فى بيجو 405 ودركسيونها كان اتقل من اللوجان كمان