نداء إلى خبراء ((( الادا 2107 ))) موديل 2011 ((( روسى أنجكشن )))

[nor_islam]

المشاركة الأصلية كتبت بواسطة koashraf الاخوة الافاضل لقد أكرمنى الله بشراء سيارة لادا روسى أنجكشن جديدة موديل 2011 وبعدين كنت قاعد بتشاور مع واحد صاحبى بخصوصها و قالى الاتى 1 - لازم أغير زيوت السيارة بالكامل (( زيت ماتور - زيت جيربوكس - زيت كرونه )) غير زيت الموتور فقط بعد 1000 كم واستخدم زيت مصر10000 الذهبى ثم بعد ذلك غيره كل 3000 كم . 2 - أظبط ابواب السيارة عند واحد بتاع أبواب سيارات . لومحتاجه تظبيط فقط بمعنى (الباب اللى مش بيغلق بسهوله). 3 - نسبة الحرارة فى السيارة بتسخن أكتر من النصو مش عارف حلها . طول مامؤشر الحراره فى الجزء الاخضر مافيش مشكله لكن لو بتعدى الاخضر يوجد حل مجرب وهو تغيير ترموتستات الحراره بواحد فارغ يعنى جسم بدون بلف وده بيستعمل فى الدول الباردة الجو لتسخين دوره التبريد عند بدايه اداره المحرك عن طريق منع دخول مياه التبريد على الرادياتير الى ان تصل لدرجة حراره التشغيل. 4 - مش عارف استخدم ليها بنزين 80 ولا 90 ولا أخليها غاز و أيهم أفضل فى وجهة نظركم طالما انجكشن خليك بنزين 90 ولاأنصحك بالغاز لوجود بعض المشاكل خصوصا مع الحقن. و اى زيت ماتور مناسب للسيارة مصر 1000او7500من مصر للبترول. ولا تبخلوا عليا بالمعلومة وتحت امرك فى اى استفسار بخصوص اللادا. وجزانا واياكم كل خير GIFT4U

[/QUOTE]

ما شاء الله كلام الاستاذ تمام واحب اضيف علية بالنسبة لمشكلة الحرارة :
1- انا شيلت ترموتستات الحراره الميكانيكى بيسمية ترموتستات الكوع بحيث ان دورة التبريد تفضل شغالة على طول ودة بيخلى الموتور ميسخنش.
2- غيرت ساعة الحرارة اللى موجودة اسفل الريداتير واللى بتخلى المروحة تشتغل عند الوصول لدرجة الحرارة المطلوبة
الساعة الاصلية بتشتغل عند درجة حرارة 90 تقريبا وركبت اللى بتشتغل من 70 : 80 درجة وبكدة درجة الحرارة مش بتوصل حتى لنص المؤشر
3- يفضل انك تحط مياة خضرا فى الريدايتير ذات كثافة عالية

والف مبروك على السيارة وربنا يديك خيرها ويكفيك شرها

وياريت تقولنا على كماليتها ورايك فى التكيف والباور ان وجد

[yasseraziz]

nor_islam
لك جزيل الشكر على المعلومه
بس بعد أذنك سؤال تانى بالنسبة للريداتير أغيرة ولا اخلية زى ما هو لأن فى ناس قالولى لازم اغير الريداتير بواحد نحاس 3 ماسورة و أركب مروحه شغالة داريكت مع الماتو

و فى النهاية الحجات دة اعملها فين عند الميكانيكى و لا فى التوكيل

و ألف شكر

[koashraf]

المشاركة الأصلية كتبت بواسطة yasseraziz nor_islam لك جزيل الشكر على المعلومه بس بعد أذنك سؤال تانى بالنسبة للريداتير أغيرة ولا اخلية زى ما هو لأن فى ناس قالولى لازم اغير الريداتير بواحد نحاس 3 ماسورة و أركب مروحه شغالة داريكت مع الماتو و فى النهاية الحجات دة اعملها فين عند الميكانيكى و لا فى التوكيل و ألف شكر

لاانصحك بذلك الرادياتير الاصلى ممتاز وتغيير الترموستات يكفى جدأ.....

بالنسبه للمروحه مش عارف ومش مقتنع وعايز أقولك لاداعى فى تغيير اى اساسيات الا عند الضروره فقط والتعديلات الى قولت لك عليها وقالها الاستاذ نور تكفى جداً.

بالنسبه للتعديلات ممكن اى ميكانيكى يعملها لانها بعيد عن الكهرباء ومش اساسيه والعربيه اللادا بقت محفوظه لأى ميكانيكى كويس.

[yasseraziz]

أشكركم جدا للاهتمام


جزاكم الله خير