للبدل جنوط 17 سيراتو ب جنوط 16

[aif]

السلام عليكم ورحمة الله وبركاته
الجنوط عندي 17
طبعا الجنط ده تحفة لمحبي السرعة والقيادة الرياضية وبيدي ثبات للعربية مالوش حل
لكن طبعا بيكون ناشف في الطرق المكسرة
لكن انا مش من هواة السرعة وكل مشاويري جوا البلد
مواصفات الجنط عندي
الجنوط الاصلية 17 بتاعت المصنع
الكاوتش كومهو 225/40/17 حاة ممتازة نازلة مع العربية آخر مارس 2011 وماشية 20 الف كيلو والاستبن لم يستخدم
عاوز ابدلهم بجنوط 16 بشرك ان يكونو الاصلي بتوع السيراتو ويكون الكاوتش بحالة مماثة لحالة الكاوتش عندي
الجنوط للبدل فقط مش للبيع
المكان القاهرة
الطريقة والضمانات : تبديل الجنوط بعد عمل ترصيص للجنوط للسيارتين عند اي مركز محترم مثل بريدجستون وفي حالة عدم رضاء اي من الطرفين عن الجنوط الأخري يتم الغاء البدل وكل طرف يدفع ترصيص جنوطه ويا دار ما دخلك شر
للتواصل 01227381090
احمد ابراهيم

[yaa]

معلش بس يعنى ايه ترصيص؟

[eng/walaaeldeen]

السلام عليكم
موفق بأذن الله
والترصيص هو وزن ظبط الكاوتش والجنط لأن مهما كانت جودة مصنع الجنط او الكاوتش بيكون في خلل في الوزن في الخامه
فيتم وضع رصاصه (وزن) في الجنط لكي يعوض الوزن المفقود
وعدم الترصيص تجد الدركسيون يهتز في يدك عند سرعة 80 الي 95 فيكون العجل الأمامي يحتاج الى ترصيص
اما عند سرعة 120 الى 130 فيكون العجل الخلفي هو الذى يحتاج الي الترصيص
والله المستعان

[aif]

المشاركة الأصلية كتبت بواسطة yaa معلش بس يعنى ايه ترصيص؟

الترصيص زي ما المهندس ولاءالدين شرحه
وانا باقول ترصيص لأن لو فيه عيب في الجنط بيظهر بوضوح اثناء الترصيص
وكدة يبقى كل طرف مطمئن للجنط اللي ح ياخده
وفي جميع الاحوال سيتم تبديل الجنوط في مركز كبير للكاوتش علشان لازم يبقى عنده عدد 2 كوريك كبير لرفع السيارتين بالكامل لنقل الجنوط
يبقى بالمرة نرصص الجنوط ونملاها نيتروجين
نورت الموضوع بمرورك وشكرا للمهندس ولاء على الاهتمام

[aif]