|
#1
03-02-2010, 01:02 AM
|
||||
|
||||
تقرير عن النيوسيراتو أثناء و بعد صيانة الآلف !
كما وعدنا ولله الحمد ! اليكم تقرير صغير عن صيانة الآلف و حالة السياره أو احساسى بها بعد الصيانه !
نبدأ بتذكيركم أنى سافرت و كانت السياره عامله 700 كم منهم 70 كم من قبل الشراء ! وقلت لهم فى البيت يركبوها لغاية الآلف ! علشان لما أوصل آخذها الى الصيانه على الآلف بالضبط ! و لكن يا فرحتى يا هنايا وجدتهم عملوا بها لوحدهم ألف فوق ال 700 كم و تعدت السرعات ال 140 كم / الساعه ! مش مهم ! ptmnlo123per144 توكلت على الله يوم الآحد الماضى 31/1/2010 و ذهبت الى مركز كيا فى أبو رواش لآنى سمعت من منتديات أخرى ان القطاميه زباله و روكسى مقلب زباله ! فقلت أخبط 62 كم وهى المسافه من النزهه الجديده الى أبو رواش علشان لآجل الورد ينسقى العليق ! وأخدت ميعاد مسبق و رقم كودى بالتليفون وهيلمان كأنك رايح رئاسة الجمهوريه ؟؟ توكلت على الله صباحآ قبل الميعاد بساعه أملا فى الوصول فى الميعاد حيث أن الطريق عباره عن الدائرى من ناحية مدينة السلام ثم المحور و دمتم ! ولكن يبدو أنه كان عشم ابليس فى الجنه ! لآن الدائرى أصبح مثل شارع رمسيس و ألعن والمحور كان زحمه لكن أسرع من الدائرى ! الطامة الكبرى انى تهت ولم أصل الى المركز بسهوله رغم انى رحت له سابقآ ! لكن السبب أنهم أزالوا أى علامات طريق توجهك الى كيا !! يعنى شفت علامات لكل أنواع السيارات التى لها مراكز فى أبو رواش الا كيا ! أضف على ذلك الآسلوب المصرى الشهير ! اللى لما تسأل حد عن مكان يوجهك فى اتجاه هو نفسه لا يعرف ذاهب على فين ؟ و ما يعرفش يقول ما أعرفش ؟؟ أخيرآ وصلت الساعه 10 وربع و دخلت من البوابه وو ضعوا على سقف السياره مربع أصفر بقاعده مغناطيسيه مكتوب عليه رقم 14 و خلاص ما حدش عبرنى ؟ يا حلاوه ياولاد ! لقيت بنت أو اتنين ماسكين كلاسير فى ايديهم طبعا خجلت أسألهم ولقيت واحد عامل غلبان كده ! طلع مش غلبان وقال لى اقف جنب عربيتك والمهندس ح يجيلك ! وللعلم آخر يوم فى يناير والجو حر كأننا فى أغسطس ! ptmnlo123per111 والبقيه غدآ ان شاء الله ! حيث أن الساعه الآن 12 منتصف الليل وأنا صاحى من 3 فجر أمس ! مش ح أطول عليكم غدآ و ان شاء الله أنزل صور بسيطه كده للسياره فى أبو رواش !  Dr. Bolbolan ptmnlo123per122
__________________
ليت الشباب يعود يوما  فأخبره بما فعل المشيب بى ! ptmnlo123per1127
|
|
#3
03-02-2010, 02:14 AM
|
|||
|
|||
|
رد: تقرير عن النيوسيراتو أثناء و بعد صيانة الآلف !
كمل بارك الله فيك
|
|
#4
03-02-2010, 04:09 AM
|
|||
|
|||
رد: تقرير عن النيوسيراتو أثناء و بعد صيانة الآلف !
 لييييه لسه بادري  اولا قبل اي حاجة حمد لله علي السلامة انا بدو ساكن قلرب النزهه بس لما بروح اكتوبر او اسكندرية الصحراوي بخود الدائري الناحية التانيه التجمع الخامس و كارفور و الوصلة الجديدة اهي اروق و الطريق مرتاح بس طوووووييييييييييله جداًاًاًاً و الراجل الي مش غلبان ده قولو هو احنا في الجيش
|
 |
|
|
