الرجاء من الجميع افادتى لان بجد تعبت جداً جداً ...

[mooneyes]

بسم الله الرحمن الرحيم

قررت أشترى سيارة وأخر ما يمكن تجميعه هو 45000 جنيه وفكرت فى حاجات كتير أوى بس مش عارف أجيب ايه

وفى مشكلة مخليانى مش عارف أحدد

ودة لأنى ممكن الاقى واحد حاطط سيارة موديل 97 ب 45 الف وكمان ب 48 الف زى اللانوس وواحد تانى حاطط موديل 2005 ب نفس السعر انا عارف ان دى كورى ودى تقفيل مصرى بس مش كدة حرام .

السيارة لازم تكون اتوماتيك نظرا للظروف الصحية .

دلونى على الاسعار الحقيقية مش أسعار النت عشان لما اجى اشترى ابقى عارف أخر سعرها النهائى كام طبعا لما تكون بترقص وتقول انا عربية ؟؟

البحث تم عن طريق النت وتوصلت للأتى :

1- لانوس 1 اتوماتيك .

2- أكسنت 1998 - 2000 اتوماتيك .

3- أكسيل 1997 اتوماتيك .

4- ستروين اكسارا اتوماتيك .

5- A11 الصينى الاتوماتيك .

6- النترا 1996 اتوماتيك .

7- اوبل فيكترا 1996 اتوماتيك .

8- لانسر بطة 1994 اتوماتيك ومش عارف مين جابها فى طرريقى.

9- وانا بدور لقيت نوبيرا ب 45 موديل 2000 اعتقد .

[nktis]

ابعد عن نوبيرا اوتوماتيك .,. مشاكل الفتيس بتاعها كتيرررررررررره و متعبه .
ممكن نضيف كمان كرولا تسعينات و لو تزود سنه و تجيب كريستاله ...

[Marlborooo]

النترا 96 عربية ممتااازة جدا وفتيسه كان ب1000 جنيه
ولانسر بطة
وكرولا 96 افضل اختيار بس كاربيراتير
فقط

[mooneyes]

المشاركة الأصلية كتبت بواسطة nktis ابعد عن نوبيرا اوتوماتيك .,. مشاكل الفتيس بتاعها كتيرررررررررره و متعبه . ممكن نضيف كمان كرولا تسعينات و لو تزود سنه و تجيب كريستاله ...

الكرولا مطلوب فيها اكتر من اللى معايا كتيييييييير اوى دة برضه من النت توصل ل 60 موديل 1996
والكريستالة برضه هى كمان كذلك