اغير الرداخ ولا لأ

[حمادة ونور]

طبعا معايا الادا 1300 اللى انتوا عارفينها وكل شوية بتبطل منى وبتختار احلى الاماكن اللى تقف فيها يعنى مثلا شارع ابوقير ومرة قبل مزلقان فكتوريا ومرة فى شارع الجلاء فى وسط الزحمة بتاعت ميدان الساعة المهم اجى افتح الكبوت ادام الاقى فلتر البنزين ناقص اجى اكراكله الاقى يملى بالعافية ويفضى فى نفس الوقت مع انى ببقى لسة ممون او مفول بنزين واسيبه شوية فى الهوا الاقيه بيملى لواحده بس كان فى واحد قالى ان المشكلة دى بسبب الرداخ عايز يتغير فهل ده له علاقة باللى بيحصل (( واسف على الاطالة ))

[Hisham.Elgazzar]

طبعا تقصد بالرداخ هنا طلمبة البنزين ( لأن الكربراتير فيه رداخ من جوا فى بعض الموديلات)
طلمبة البنزين سعرها 60 الروسى بس ياريت تختبر اللى عندك الاول
ممكن يكون فلتر البنزين متركب غلط ويوقف العربية برضو ويفضى بسرعة

[akerima]

جرب تجربة صغيرة - هات فوطة مبلولة واول ما الموضوع دا يحصل معاك حطها علي الرداخ عشان تبرده شوية لو العربية دارت بعد ما تعمل الحركة دي يبقي علطول تغير الرداخ لان العيب فعلا منة لو محصلش يبقي العيب ممكن يكون من فلتر البنزين او اي حاجة تانية

[samirayad]

غالبا ده عيب رداخ فعلا

ولو تغيير الرداخ مجبش نتيجه

يبقى فيه مشكله فى الكربوراتير

[amr elsisi 1]

المشاركة الأصلية كتبت بواسطة Hisham.Elgazzar طبعا تقصد بالرداخ هنا طلمبة البنزين ( لأن الكربراتير فيه رداخ من جوا فى بعض الموديلات) طلمبة البنزين سعرها 60 الروسى بس ياريت تختبر اللى عندك الاول ممكن يكون فلتر البنزين متركب غلط ويوقف العربية برضو ويفضى بسرعة

الله ينور عليك
الرداخ او طلمية البنزين الميكانيكية عبارة عن:
قرص مطاطي متصل بعمود مرتكز علي كامة لامركزية مع عمود الكامات
فمع دوران عمود الكامات يتحرك العمود حركة ترددية فيعمل علي سحب وضخ البنزين الي الكربرتير
من مؤشرات تلفة:
1:تأخير الدوارة نتيجة صعوبة سحب بنزين
2:وجود فلتر البنزين فاضي بأستمرار
وذلك يكون بسبب قطع في (الرءـــــــ القرص المطاط)