حكايتى مع الاسكورت

[alsisiagric]

بعد رحلة بحث طويلة اشتريت فورد اسكورت 99 حالتها كويسة العربية 1.6 زيتك دفعت فيها 34.5 الف العربية مانيوال 2 زجاج كهرباء وتكييف وفتحة سقف.
كله بيقولى العربية قطع غيارها مش موجودة وغالية جدا جدا بس الواقع اللى لاقيته غير كدا فيه اشهر اتنين بيشتغلو فى قطع غيار الفورد فى ش دمشق (سامى فخرى و يافا ) عندهم كل حاجة بتاعة العربية وفيه ناس تانية فى التوفيقية وجسر السويس
المهم: غيرت مساعدين العربية الامامى الجوز ب 750 ج المانى, استابليزر ب 200ج وبليتين بطاح علشان يرفع الربية شوية ب 100 ج ومصنعية 120 عند احمد فرج فى جسر السويس
طقم بوجيهات بوش ب 80 ج
اويلسيل فتيس 60 ج
دول اللى غيرتهم فيها وان شاء الله شوية واجيبلها طنابير امامى الجوز ب 250 ج
وتيل امامى الجوز ب 120 وخلفى ب 160ج

اللى محيرنى بقى ومش عارف اعمله فين هو الباب الامامى شمال(السائق) لا بيفتح ولا بيقفل بالمفتاح وكمان مش بيفتح من جوه ونصحنى سامى فخر اروح لواحد بتاع بيبان فى الحلمية قريب من مطعم اسمه مطعم العائلات بس بصراحة مشواره عاوز فضا
يا ريت خبراء الفورد يفيدونى بنصيحتهم وجزاكم الله خيرا واسف على الاطاله
م. محمود

[mr_astra]

بتاع البيبان دة انا عارفة
وبعدين مصر الجديدة من الحلمية حتة صغيرة
وعلى فكرة اى واحد بتاع ببان هايعملة مش لازم بتاع الحلمية

[alsisiagric]

المشاركة الأصلية كتبت بواسطة mr_astra بتاع البيبان دة انا عارفة وبعدين مصر الجديدة من الحلمية حتة صغيرة وعلى فكرة اى واحد بتاع ببان هايعملة مش لازم بتاع الحلمية

الف شكر يا باشا على الاهتمام
انا عارف ان من مصر الجديدة للحلمية مش مشوار بس المشوار من سكنى انا فى الجيزة
انا رحت لواحد بتاع ببان عادى فى مصر الجديدة شارع هارون واسمه محروس قالى طالما المفتاح مش بيفتح ولا بيقفل يبقى هتعوز قلب وبالتالى مفتاح العربية مش هيشتغل عليه ولا الستنر الاصلى

[waelelgazawey]

المشاركة الأصلية كتبت بواسطة alsisiagric بعد رحلة بحث طويلة اشتريت فورد اسكورت 99 حالتها كويسة العربية 1.6 زيتك دفعت فيها 34.5 الف العربية مانيوال 2 زجاج كهرباء وتكييف وفتحة سقف. كله بيقولى العربية قطع غيارها مش موجودة وغالية جدا جدا بس الواقع اللى لاقيته غير كدا فيه اشهر اتنين بيشتغلو فى قطع غيار الفورد فى ش دمشق (سامى فخرى و يافا ) عندهم كل حاجة بتاعة العربية وفيه ناس تانية فى التوفيقية وجسر السويس المهم: غيرت مساعدين العربية الامامى الجوز ب 750 ج المانى, استابليزر ب 200ج وبليتين بطاح علشان يرفع الربية شوية ب 100 ج ومصنعية 120 عند احمد فرج فى جسر السويس طقم بوجيهات بوش ب 80 ج اويلسيل فتيس 60 ج دول اللى غيرتهم فيها وان شاء الله شوية واجيبلها طنابير امامى الجوز ب 250 ج وتيل امامى الجوز ب 120 وخلفى ب 160ج اللى محيرنى بقى ومش عارف اعمله فين هو الباب الامامى شمال(السائق) لا بيفتح ولا بيقفل بالمفتاح وكمان مش بيفتح من جوه ونصحنى سامى فخر اروح لواحد بتاع بيبان فى الحلمية قريب من مطعم اسمه مطعم العائلات بس بصراحة مشواره عاوز فضا يا ريت خبراء الفورد يفيدونى بنصيحتهم وجزاكم الله خيرا واسف على الاطاله م. محمود

استاذي العزيز
قرات موضوعك لاني بصدد شراء او التفكير في شراء الاسكورت انا معايا ستروين Ax ولما وصلت للحته بتاعه الباب كنت هوصفلك محمد اوكرة هو نفس الراجل اللي في ميدان الحلمية اللي وصفوه ليك الراجل قمة في الاحترام وشغله اكتر من ممتاز حاجة تهوس وسعره ممتاز بجد راجل الله يبارك له شغله ممتااااااااااااااااااز جدا انا روحت له بالصدفة ومكنتش متخيل انه بالشهرة دي وانه فنان كدة روح له عشان محدش يبوظ حاجة فيها

[nagye]

بمناسبة الأسعار أنا أشتريت العربية من 3 سنين والحمد لله ماشية كويس ومفيش حاجة باظت فيها غير الكتاوت وغيرتها بالدينامو لأن الكهربائي نصحني بأن كده أضمن لأن الكتاوت داخل الدينامو وكان سعر الدينامو إستيراد 160 جنيه ومصنعية الكهربائي 70 جنيه وغيرت كمان خرطوم البنزين لأنه باظ وبدأ ينقط وكلفني بالمصنعية 15 جنيه بس ملحوظة أنا إستعمالي ليها خفيف ولازم اللي عنده العربية يلاحظ إن العربية بتدور من غير الضغط علي دواسة البنزين لأن دواسة البنزين تخليها تشرق والزجاج الأمامي ليها صناعة سعودي سعره 350 جنيه شامل المصنعية وفيه منه صيني أقل شوية.