قيادة النقل و الاتوبيس!

[كومندا]

المشاركة الأصلية كتبت بواسطة SAMER_ENGINES كلامك صحيح بس هعلق على النقطتين: أولاً: كون انى العربية تقيلة فده بيديك احساس انها مش Most wanted و لا Underground يعنى قصدى مش لعبة جرى و سباقات و تسقيط مواتير و شكراً (من اللى كل الشباب غاوينها و منهم انا بس بفضل اكيد لعبة زى يورو تراك او باص درايفر) لا دى لعبة لعشاق و مدمنى قيادة النقل الثقيل و المركبات ذات الحجم الكبير و عشان كدة ناس كتير مبيكونش ليهم فى الموضوع ده و بيلعبوها فبالطبيعة بيشوفوها مملة. ثانياً: الفرامل فى النقل الثقيل و على السرعات العالية هى الآداة رقم 2 فى ايقاف السيارة لما تكون سايق عربية زى دى او اوتوبيس و عايز تفرمل و انت على سرعة بتستعمل اولاً الريتاردة أو التلمة زى ما بيقول عليها الكتير من السواقين و ده بيكون جهاز متركب حوالين عامود الكردان فى المركبات اللى بيكون موتورها امامى زى التريلات (و زى لعبة يورو تراك) أو بيكون متركب مباشرة على الفتيس فى السيارات اللى موتورها فى الخلف زى الاتوبيسات و دى بتكون مكونة من 4 درجات مقسمة طبعاً كالتالى: أول درجة تعطى قوة 25% ثانى درجة تعطى قوة 50% ثالث درجة تعطى قوة 75% رابع درجة درجة تعطى قوة 100% و من اشهر ماركاتها و افضلها على حد علمى Voith و التلمة عامة او الريتاردة فعالة جدا فى ايقاف المركبات الثقيلة و ممكن مثلا ادى 3 درجات و ابدا استعمل الفرامل على خفيف بتلاقى العربية سهل جدا انها تقف و عادة سواقين السياحة بيستخدموها فى الملفات و المنحنيات و المنازل اكتر من الفرامل العادية عشان ميسخنش الفرامل لانى الحمل الرهيب على الفرامل بيكون غير الملاكى خالص و بيتسبب فى درجة حرارة ممكن تفلق الطنابير و مياكلش تيل كتير و السواق اللى بيحرق تيل كتير فى النقل يبقى مش بيستخدم الريتاردة او التلمة زى ما قلنا. و بالنسبة للعبة فلما تكون بتجرى و عايز تستخدم التلمة بتدوس على حرف B فى الكيبورد بس للاسف ملهاش درجات زى الحقيقة هى دوسة واحدة و بس و بعد كدة لو عايز تستخدم الفرامل لو حتقف خالص او تدوس مرة تانية عشان توقف عمل التلمة لو هديت فى ملف مثلا و عايز تكمل.

انا حملت اللعبه دى ومش عارف اسطبها ممكن طريقة التسطيب او لنك تحميل للعبه كامله من غير تسطيب

[SAMER_ENGINES]

المشاركة الأصلية كتبت بواسطة dr_eslam_66 انا لما كنت شغال في في موقع تنفيذ في شركة مقاولات في مصر كان عندي إهتمام غير عادي باللودر مش عرف ليه. وطبعا السواق ماصدق إنه هيضرب معايا صحوبية علشان مأسحلوش في شغل كتير بس بأمانة هوا كان راجل جدع ويمكن لسة على إتصال ببعض لحد دلوقتي (الكلام دا من حوالي اربع سنين) المهم الحمد لله وصلت لمرحلة إني ممكن أدور اللودر وأنقله من آخر الموقع لأوله ومرة نزلت بيه عربية عدة كانت جاية آخر اليوم وكان السواق خلع ومارضيتشي أعمل أزعرينة علشان مدير المشروع مايعرفش. دورت اللودر ولسة بتحرك قام واحد صاحبي قالي إنتا بتنيل إيه هنروح في داهية إستنى ممكن نتصل بصالح نجيبه المهم طبعا قولتله ياعام ولا يهمك بعون الله دقيقتين وهنقفل على الموضوع ده. بجد تجربة رائعة وخاصتا وإنتا قاعد فوووووووووق قوي كدة هنااااااك وبتسوق ماكينة مش مركبة دا فرق تاني خااالص. وساعات كتير كنت بتحرك بالجرار من هنا لهنا في قلب الموقع بس ماكانشي ممتع بالنسبالي زي اللودر غير اني سواق الجرار ماكانشي بيتساهل معايا كتير. بجد كانت أياااااام أكثر من رائعة.

لا بقى ده كدة الموقع فيه مهارات و امكانيات غير ما كنت متوقع خالص هى حصلت اللودر كمان؟
الله ينور يا بشمهندس بجد شئ جميل انى اسمع الكلام ده خاصة انى بقابل ناس بتحزننى لما بتقولى انا لما بنزل من عربيتى مش بعرف اسوق عربية تانية

[SAMER_ENGINES]

المشاركة الأصلية كتبت بواسطة كومندا انا حملت اللعبه دى ومش عارف اسطبها ممكن طريقة التسطيب او لنك تحميل للعبه كامله من غير تسطيب

اتمنى اللينك ده يفيدك يا صاحبى لانى مستبطهاش انا جبتها بفلاشة من واحد قريبى و اشتغلت على ما افتكر و عامة اللينك ده فى طريقة التسطيب

http://www.youtube.com/watch?v=qIAvLQdFuwA

[shemosamy]

المشاركة الأصلية كتبت بواسطة sherifabden ياعم مش لما يعرفوا يسوقوا العربيات العادية الاول

ههههههههههههههههههه
طب ليه التشكيك دا
انا اتدربت علي نص نقل
خدتها لفة
هي صحيح كانت لفة صغيرة بس