عاوز اروح سوق الجمعه للسيارات

[ahmed el gendy]

عاوز اسأل سوق الجمعه للمستعمل فين ف قاهرة المعز ؟؟ انا من الزقازيق هل هيكون اقرب لي اروح من عند السلام ولا من ناحيه شبرا وايه اللي الاجراءات اللي بتتعمل هناك لو عاوز تبيع عربيتك ؟؟ والف شكر مقدما يا رجاله

[mr_astra]

هتاخد طريق الزقازيق السويس ومن عند اخر طريق الروبيكى تاخد طريق السويس لغاية الكوبرى الدائرى وتاخد يمين هاتطلع فوق الكوبرى هاتمشى حوالى 5 كيلو وتاخد اول يمين هاتكون فى الحى العاشر كمل على طول هتلاقى سوق السيارات على ايدك الشمال تركن جوة بـ 10 جنية برة ببلاش وتفتح الكبوت والشنطة وتستنى هتلاقى ناس بتتفرج وانا لو منك هاخد شهادة مخالفات معايا عشان لو ربنا كرم بزبون ابيع واخلص ميبقاش ليها ديل لو اتفقت مع حد فى شهر عقارى فى سوق السيارات هاتدخل تعملة توكيل او عقد بيع مسجل وتاخد كامل فلوسك وسلام سلام
طب لو الشهر العقارى قفل هاتعمل ورقتين عقد بيع ابتدائى وتاخد فلوسك كلها الا الف او اتنين وهو هياخد العربية والرخصة وتتقابلو تانى يوم فى اى شهر عقارى تعملة التوكيل وتاخد بقية فلوسك وفى كل الحالات لازم تاخد علية اقرار انة استلم السيارة ساعتة وتاريخة واصبح مسئول مسئولية كاملة عنها جنائيا وحقوق الغير

[ahmed el gendy]

المشاركة الأصلية كتبت بواسطة mr_astra هتاخد طريق الزقازيق السويس ومن عند اخر طريق الروبيكى تاخد طريق السويس لغاية الكوبرى الدائرى وتاخد يمين هاتطلع فوق الكوبرى هاتمشى حوالى 5 كيلو وتاخد اول يمين هاتكون فى الحى العاشر كمل على طول هتلاقى سوق السيارات على ايدك الشمال تركن جوة بـ 10 جنية برة ببلاش وتفتح الكبوت والشنطة وتستنى هتلاقى ناس بتتفرج وانا لو منك هاخد شهادة مخالفات معايا عشان لو ربنا كرم بزبون ابيع واخلص ميبقاش ليها ديل لو اتفقت مع حد فى شهر عقارى فى سوق السيارات هاتدخل تعملة توكيل او عقد بيع مسجل وتاخد كامل فلوسك وسلام سلام طب لو الشهر العقارى قفل هاتعمل ورقتين عقد بيع ابتدائى وتاخد فلوسك كلها الا الف او اتنين وهو هياخد العربية والرخصة وتتقابلو تانى يوم فى اى شهر عقارى تعملة التوكيل وتاخد بقية فلوسك وفى كل الحالات لازم تاخد علية اقرار انة استلم السيارة ساعتة وتاريخة واصبح مسئول مسئولية كاملة عنها جنائيا وحقوق الغير

الف شكر يا باشا والله مش عارف اشكرك ازاي ربنا يجعله ف ميزان حسناتك

[ahmed el gendy]

بس معلش سؤال تاني هو ازاي فيه شهر عقاري ف سوق الجمعه مش سوق الجمعه بيكون يوم الجمعه بس يعني اكيد اجازه ف المصالح الحكوميه ولا سوق الجمعه بيكون كل يوم ف الاسبوع

اسف ع الاطاله وشكراا

[mr_astra]

" ahmed el gend " لا شكر على واجب
الشهر العقارى شغال كل يوم طبعا وبيشتغل الجمعة عشان السوق انما السوق يوم الاحد والجمعة بس
لكن يوم الجمعة اقوى من الاحد
معلش بس انا غلط فى حتة صغيرة اما حضرتك هتاخد طريق الزقازيق السويس طبعا لغاية الطيارة وهتاخد شمال اكنك رايح العاشر من رمضان واخر الطريق دة الكوبرى التانى بتاع العاشر هايكون قاطع الطريق اللى حضرتك جاى منة تكمل على طول من تحت الكوبرى هتلاقى سيراميكا كليو باترا على شمالك تكمل لغاية مزلقان القطر تكمل لغاية اخر الشارع اللى هو طريق الروبيكى وتنزل يميييييييييييييييين دة طرق السويس - القاهرة لغاية تحت الكوبرى الدائرى تاخد يمين هاتكون فوق الطريق الدائرى وكمل عادى لغاية الحى العاشر