الطريق الى شرم الشيخ

[Bendary]

المشاركة الأصلية كتبت بواسطة ABDORME81 شكرا يا باشا على سرعه ردك واهتمامك بس يا ريت لو تشرحلى الطريق بالتفصيل ولو فيه خريطه ولو ممكن اماكن الاستراحات على الطريق واماكن البنزينات وشكرااااااااااااااااااا

عليك وعلى جوجل ايرث يامعلم
معلش انا مش فاكر الطريق اوى
اخر مرة كان من حوالى 3 سنين لغايه راس سدر
على اى حال :
ياريت وقت السفر يكون بالنهار عشان جزء كبير جدا من الطريق غير مضاء ليلا
وعلى ما اذكر فى استراحه ومحطة بنزين قبل مدخل نفق الشهيد مباشرة .

[MIDO-SPICY]

بص يا باشا
انت هتاخد الدائرى من موقف الحى العاشر وتنزل نازله طريق السويس اللى فى اتجاه الرحاب وهتقابل على يمينك الرحاب وبعد كده مدينتى وبعد كده مدخل مدينه بدر والشروق على الشمال وهتفضل ماشى لغايه ما تلاقى الكمين 109 دا يعتبر اول دخله السويس
اول ما عتدى من على الكمين دا هتاخد اول يو تيرن فى اول يمين ويبقى انت كده على اول طريق نفق احمد حمدى وهتفضل ماشى لغايه ما تعدى النفق وبعد ما تطلع هتعدى على راس سدر وبعدها حمامات فرعون وبعدها شرم ان شاء الله بـحوالى 140 كيلو
الطريق لغايه اخر 50 كيلو كويس جدا ومغرى بس بعد كده فيه دورانات بين الجبل علشان كده مانصحكش تمشى فيه بالليل لان فيه وصلات اتجاهين مع بعض وفيه وصلات بين الجبل زى ما قلتلك وكمان منظر الجبال الصبح تحفه لوحده يستحق انك تشوفه فى الشمس
اما عن موضوع الاكمنه فهى حوالى 6 او 7 من اول الكمين 109 لغايه شرم
مابيهتموش بالرادار اد ما بيهتموا بتفتيش العربيه ومنظر اللى رايحين والكلام دا

موضوع البنزينات دا متوفر ومش هتحتاج انك تشيل معاك جركن بنزين احتياطى بس برضه ماتسيبهاش للظروف واول ما تحس ان التنك خس الربع ادخل فول اضمن

واخيرا تروح وترجع بالسلامه