|
#66
15-04-2012, 11:56 PM
|
||||
|
||||
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
بص يا استاذى الفاضل انا هجاوبك بكل امانه الحكايه كالاتى
العربيتين اوحش من بعض خلينى اكلمك بصراحه فعلا العربيتين اوحش من بعض ازا كان ال 128 كله او ال 127 كله بس الحكايه بتبقى كالاتى الفلوس اللى معاك اد ايه استخدامك هيبقى عامل ازاى مع العلم مفيش عربيه مبتصرفش بمعنى الفكرة اللى انا اعرفها عن 99 من الشعب المصرى ماشين على مبداء ياعم ماهى ماشيه قالت لاء فى حاجه ده المبداء اللى بيمشى عليه 99% من الشعب ومثال انا عن نفسى بروح اقعد مع الكهربائى بتاعى كتير واقف معاه وكدا وكذا مره يجى ناس صحاب عربيات 128 و 127 يبقى مثالا اقل حاجه سير الدينموا وطرمبة المياه جاب اخره وبيقول خلاص ارحمونى مش قادر وعمال يصفر صفير الدنيا الراجل من دول ينزل يظبط الحاجه ويسأل الكهربائى فيه صوت صفارة طالع الكهربائى يقولوا شغل العربيه فالصوت يظهر يقولوا طيب بطل ويجى يشوف السير تلاقيه متاكل وطالع عينه وخلاص مش قادر بمعنى اخر مبقاش سير خلاص بقى كفته يجى يقول لصاحب العربيه السير عاوز يتغير يقولوا طيب ما تشد السير يقوله ياعم الشداد على اخره ومش هيتشد اكتر من كدا يقولوا طيب مينفعش تشده يقولوا ياعم شوف السير عامل ازاى يقولوا يعنى مينعش يشتغل شويه يقوله بقولك ايه براحتك انا ماليش دعوه يقول للكهربائى طيب مينفعش نحط عليه زيت الراجل يقولوا يا عم بص السير والسير ده تمنه كله على بعضه 10 جنية تخيل كل ده على 10 جنية وفى الاخر الراجل يقول للكهربائى طيب خلاص بعدين بقى نبقى نغيره فده حال العربيات فى مصر مع العلم انا مشوفتش الكلام ده مع واحد ولا اتنين لا شوفته مع 99% من الناس اللى بتيجى للكهربائى صاحبى ده فالحاكيه مش حكاية انه بيبقى مزنوق ولا حاجه لا ده شغل (ما العربيه ماشيه ) وبالتالى على هذا الاساس عمر ما صاحب عربيه يصلح اى عيب غير لما العربيه تبوظ وتقف خالص ومتمشيش وبالتالى العربيه سنتين او ثلاث سنين بالكتير بالحال ده بيبقى اتجاب اجلها وكل حاجه فيها عاوزه تتغير بمعنى الكلمه وده اللى انا بعانيه فى عربيتى ال 128 يعنى مشترى العربيه بسعر غالى هى موديل 87 وماتور 1100 بس غيرت وصلحت كل ما يخطر ببالك من بقى مساعدين الى بلى عجل الى تيل فرامل الى كبالن الى طنابير الى عمل عمرة ماتور الى شغل كهرباء الى تغير فوانيس وقواعد فوانيس بمعنى اخر غير 80 % من العربيه بمعنى الكلمه او بمعنى اخر صارف تصليحات وتظبيط بس 5000 جنية اه والله زى ما بقولك لغاية دلوقت من غير بقى ترخيص ومن غير تركيب التسجيل على سيور وزيوت اول ما جبت العربيه وكدا غير ترخيص ونقل ملكيه والكلام ده كله بس الحاكيه كلها كالاتى انا من الناس اللى احب (استمتع بالقياده ) يعنى اركب عربيه تدور عادى امشى بيها براحتى متعطلش منى على الطريق ميبقاش فيه اى اصوات موجوده غير صوتين صوت الماتور وصوت الكاوتش وهو ماشى على الارض فاللاسف فيا مرض ان لازم العربيه تكون سليمه 100% مع العلم مبدائتش احس بالعربيه وحلاوتها غير دلوقت بمعنى مشاكل قلت جامد ااوى بل تكاد خلاص تكون معدومه ممكن اخد اى مشوير احبها وانا مستمتع اوووى بالقياده ومزهقش من العربيه ومفيش بقى مشاكل سوخنيه او اى كلام من اللى بيحصل ده كله العربيه تروح مشوارك وانت مطمن بجد بسم الله ماشاء الله بمعنى اخر لو ناوى تشترى اى عربيه مستعمله فى مصر اعمل حسابك على مبلغ تانى غير المبلغ اللى هتشترى بيه العربيه علشان اول سنه لو انت عاوز عربيتك تتظبط هتتعب اوى فى اول سنه بعد كدا هتلاقى العربيه بعد ما تكون غيرت كل حاجه فيها هتلاقى مشاكلها بقيت قليله بل تكاد تكون معدومة المشاكل بس طبعا هيظهر مشاكل وكل حاجه بس كل فين وفين بقى لما تفكر تروح تظبط العربيه وبعد كدا كل اللى هتعمله هتغير زيت وتحط بنزين وخلاص وده اللى يعتبر بقى بيحصل معايا دلوقت بس وانا انصحك لو عاوز عربيه تكون اعتماديه اكتر من ال 128 وال 127 والكلام الفاضى ده ويكون فيها تكيف يبقى هات ماذدا 323 موديل خليجى عربيه قوية جدا بس يعبها انها واطيه شويه بس قطع غيرها تعتبر زى قطع غيار ال 128 فى الاسعار وغير كدا بيبقى فيها تكيف وده افضل شىء طبعا بس للاسف سعرها بيبقى فى حدود 20 الى 25 الف جنية بس طبعا عربيه عمليه جدااا
__________________
|
|
#67
22-04-2012, 05:29 AM
|
|||
|
|||
|
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
انا عضو جديد بالمنتدى الجميل ده واستفدت من خبرات حضراتكم جدا بس كنت أرجو الافاده فى عربية شفتها هقولكم مواصفاتها..
اولا انا شفت عربيات كتييير بس مشارح - يعنى تعبانة جدا - مع صاحبى الميكانيكى وهو مبيعجبوش العجب بالمناسبة ..طبعا معجبهوش ولا حاجة منهم.. بالنسبة للعربية اللى انا بتكلم عنها رحت انا وصحبى الميكانيكى شفناها هى موديل 88 1300cc شكلها جميل جدا من الخارج وفرشها حلو الخلاصة تحفة من برة ولسة خارجة من بوية.. ملاحظات صحبى عليها انها مكنتها خفيفة شوية بس تتلم بطقم شنبر.. الملاحظة التانية انها داقة قايم الملاحظة التالته ان الكبوت بتاعها متغير لانه قالى ان كبوت ال88 هواية واحده واللى شفناه فتحتين تهوية.. وصاحبها بيقول انها بوية شركة من جوه على حسب كلام اللى اشتراها منه بس طلعت رشه جوه.. بس شكلها نظافة يعنى. المهم هو مطلوب فيها 20000 جنيه وصاحبى خلافه الوحيد على العربية دى ان سعرها غالى لكن لو نزلت ل 16000 ماشى ناخدها لان هو ده السعر اللى حتجيبه لو حاولت ابيعها تانى..وده على عكس العربيات التانية اللى شفناها لدرجة ان فى واحدة عجبتنى قوى وقلتله هاخدها اقسم انه ماحيمد ايده فيها وانا اتحمل مسؤليتها لوحدى لانها حتتعبنى اوى.. بس المشكلة انى سألت ناس قالولى الميكانيكى بيدى سعر دايما اقل فى الحاجة وانه كده مش هاشترى حاجة.. انا استخرت ربنا وفى حيرة شديدة ..ارجو منكم المساعدة فى اتخاذ القرار.. مع ملاحظة ان الكبوت الخاص بها فتحتان .. والسيارة 4 غيار مش 5 ورخصتها طويله. ملاحظة اخيرة دى افضل حاجة شفتها الباقى وحش جدا مفيش مجال للتفاوض عليه من الاساس..
|
|
#68
22-04-2012, 07:19 AM
|
|||
|
|||
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
بلاش تشتري 128 بسعر دة حتي لو نظيفة وريجاتا سعرة مابين 20000 او 25000
|
|
#69
22-04-2012, 01:14 PM
|
|||
|
|||
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
|
|
#70
23-04-2012, 01:41 AM
|
||||
|
||||
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
بص ال 128 اللى انت بتقول عليها هى نفسها متجبش اكتر من 14 الف ده لو جابت السعر ده اساسا بس الفكره ان كل ال 128 بيحب اووى الصنايعيه وعاوزه واحد فاضى فالافضل هات ماذدا 323 لانها اقوى واعتماديه اكتر من ال128 ولو صلحت حاجه فيها بتعيش مش شهرين وتروح تصلحها تانى وربنا يوفققك الى الصالح
__________________
|
 |
|
|
