شوية تعديلات على الماشى كده...

[محمدعبدالرحيم]

مبروك على التعديل بس ممكن نتفرج على صورها

[3bd0]

الف الف مبروك يا باشا على العربية الجديدة
ربنا يديك خيرها ويكفيك شرها

التعديلات اللي حضرتك عملتها حلوة بس لو تصور العربية عشان نشوفها على الحقيقة تبقى عملت خير، وهتدينا فرصة أحسن ان احنا نديك افكار جديدة

طبعا التعديلات الشكلية ملهاش اخر، وتعتمد على ذوقك و قد ايه انت عاوز تصرف. المهم، اللي جي على بالي دلوقتي:
جناح،
زينون،
جنوط،
فتحة سقف،
زيادات على جسم العربية من تحت (بتدي شكل خرافي، بس هاتتحك منك كتير) ممكن حتى body kit كامل لو حبيت،
لو ماعندكش ال fog lights ركبهم،
ممكن تغير الشبكة (اللي بين الفانوسين)،
كروم او نيكل على ضهر المرايات الجانبية ومقابض الأبواب،
وطبعا عندك الإستيكرات اللي ممكن تفصلها على عربيتك ملهاش اخر.

معلش ده اللي جه على بالي دلوقتي، وسامحني على أي تقصير

[Sniper1612]

شكراً ليكم كلكم يا جماعة و انشاء الله هصورها و انزلها و معلش يا استاذ Mohamed_Shahin فين بتوع المنظفات الصناعية انا من الهرم ممكن تقولى فين و لا طبعاً يا باشا مقصرتش ولا حاجة الف شكر يا باشا بس معلش ازاى اعمل فتحت سقف ؟؟؟؟

[3bd0]

لازم يكون في حد متخصص فيها و بيعملها، لأن انا شفت عربيات كتير ما بتجيش بفتحة سقف من الوكالة، وبشوف ناس ماشية بيها و عندهم فتحة السقف.
انا عن نفسي مجربتهاش، بس ان شاء الله لو اي حد من الشباب هنا عندو معلومة مش ها يبخل عليك بيها

[احمد ابوفايد]

الف مبروك يا برنس الليل بس ممكن لو سمحت تقولي عملت الفرش فين؟