التنتيشة دى هتجنانى

[mesho70]

- التنتيش عيب خبيث
- والاحتمالات كثيرة جدا ً
- الافضل الذهاب للتوكيل مباشرة

[احمد على 1999]

كنت قريت في المنتدي عن حساس الدبرياج في ال a516 فهل برضه موجود في التيجو ؟

[kimocyc]

المشاركة الأصلية كتبت بواسطة احمد على 1999 كنت قريت في المنتدي عن حساس الدبرياج في ال a516 فهل برضه موجود في التيجو ؟

بالضبط..

ياريت الأخ صاحب المشكلة.. يعمل رجلاش لحساس الدبرياج

[elashkar77]

المشاركة الأصلية كتبت بواسطة احمد على 1999 كنت قريت في المنتدي عن حساس الدبرياج في ال a516 فهل برضه موجود في التيجو ؟

شكرا لكل اللى أهتم ورد على . لما روحت لأحمد مهران قالى أنه شاكك فى حساس الدبرياج بس قالى ده لو ركب ومطلعش العيب منه كده كده هدفع ثمنه وسعره 300 جنيه علشان كده قالى روح التوكيل الأول وأتأكد انه حساس الدبرياج وأنا معايا رقم مهندس فى التوكيل هكلمه وأسأله على فكرة البنزين الـ 95 دى وأشوف رآيه هيكون أيه فى الموضوع ده . وربنا يسهل وتروح بقى يا رب .

[misho777]

المشاركة الأصلية كتبت بواسطة elashkar77 زى ما قولت من قبل معايا تيجو 1600 موديل 2009 كنت قولت قبل كده ان معايا تنتيشة بتظهر من اول لما اتحرك وتختفى بعد 30 ك/س رحت لأحمد مهران بعد لما قرأت عنه فى المنتدى وكان عندى مشكلتين الأولى قفشة فى الفرامل لما السيارة بتسخن والثانية التنتيشة قابلت احمد مهران وطلع جرب السيارة وحس بالأفشة والتنتيشة ظهرت الحمد لله لأنها مش بتظهر دائما . المهم سألنى على البوجيهات ان كانت أتغيرت أخر مرة أمته قولت له عند 20 الف كيلو والسيارة دلوقتى عملت 32 وانها بتتغير كل 40 فقال لى نغييرها علشان التنتيشة دى ممكن تكون منها وغير لى البوجيهات و فلتر البنزين وفلتر الهواء وطلعت اجرب لقيت التنتيشة ......................... .............. زادت جدا مش بتروح وتيجى لا بقيت موجودة بأستمرار وكلمت أحمد مهران قالى تعال لى نحطها على الجهاز ونشوف يمكن يكون حساس وروحت بعدها بيوم وحطناها على الجهاز ومظهرش اى حاجة فغيير لى البوجيهات لتانى مرة وطلعت اجرب لقيت التنتيشة ........................ز ادت برضو فقال لى روح التوكيل علشان انا الجهاز اللى عندى بيظهر 25 حساس والعربية فيها 35 حساس وانا شاكك فى حساس بس لازم اكون متأكد لأن الحساس مش بيرجع وسعره 300 جنيه وخايف ميكونش هو ده السبب . وبالنسبة للأفشة بتاعت الفرامل عمل لى رجلاش للفرامل وموضوع الأفشة دى ................ خف شوية بصراحة ( أسف للإطالة بس انا قلت اشارك يمكن غيرى يستفيد ) ويا ريت لو حد يعرف اى حاجة عن التنتيشة دى يفدنى . انا بصراحة مش عايز اروح التوكيل تانى وبفكر اروح المركز اللى فى الدوقى ايه رأيكم .

فى حاجة انا مش قادر افهمها الى ألأن ما يحدث من اعطال لهذه السيارة ليس له حل اما هو سر حربى والسبب ألأخر برغم هذا فهناك اقبال غير عادى لشراء هذه السيارة ياريت حد يفهمنى!!!!!!!!!!!!!!!!!!! !