عايز ابيع عربيتى واشترى زيرو

[لآخنه]

المشاركة الأصلية كتبت بواسطة miam0502788391 مرة أخرى البى واى دى L3 من وجهة نظرى افضل من الأفيو والتراج والرينو

طيب هو حضرتك من ملاك البى واى دى فبتتكلم عن تجربة ولا من الكلام اللى بتسمعه زى ما كلنا بنسمع
ولو حضرتك راكب بى واى دى ياريت تبعتلى رقمك ع الخاص عايز استفسر منك عنها

[momen_bondok]

رينو لوجان او علي المبلغ وهات نيسان صنى

[لآخنه]

المشاركة الأصلية كتبت بواسطة momen_bondok رينو لوجان او علي المبلغ وهات نيسان صنى

رينو لوجان كنت بفكر فيها بس بسبب التوكيل الزبالة دا لا يمكن اجيبها .
عربية مفيش عليها ضرايب طبقاً لاتفاقية اغادير وسعرها كان 75 و82 الف يوصل دلوقتى انها تبقى 122 الف ولو هتاخدها من التوكيل تستنى 5 شهور ولو من معارض اوفر برايس حوالى 5000 يبقى تتحرق العربية على التوكيل بتاعها لو بالشكل دا
ومع الاسف النيسان صنى غالية عليا فمع الاسف بدأت افكر فعلا فى البى واى دى ال 3
وربك ييسر الحال لو حد عنده نصيحة يقولى

[miam0502788391]

المشاركة الأصلية كتبت بواسطة لآخنه طيب هو حضرتك من ملاك البى واى دى فبتتكلم عن تجربة ولا من الكلام اللى بتسمعه زى ما كلنا بنسمع ولو حضرتك راكب بى واى دى ياريت تبعتلى رقمك ع الخاص عايز استفسر منك عنها

آسف على التأخير
اقول لحضرتك انا نصحتك بالبى واى دى ليه
انا مش من ملاكها ولا حاجة
بس انا بقالى حوالى شهرين او يمكن اكتر بعمل بحث عن البى واى دى الاف 3
انا دخلت على منتديات ومواضيع كلها بتتكلم عن البى واى دى والمشاركات معظمها من ملاكها
والغالبية محدش عاب فى العربية F3
كمان من سواقين التاكسى انفسهم شكروا فيها وفى العفشة بتاعتها
فى مواضيع كانت بتتكلم كمان عن L3
الخلاصة
l3 هىى هى f3 نفس الشاسيه والعفشة والموتور لكن الأختلاف فى الشكل وبعض الكماليات الزيادة لصالح L3
السؤال الاخير
ايه اللى يخلينى افضل l3 عن الافيو او اللوجان مثلا اللى فى نفس السعر ؟؟؟

قاعدة عجلات اطول وبالتالى صالون اوسع
الثبات اعتقد انها بتتفوق عن الاثنين
فرامل ديسكات امامية وخلفية
abs , ebd
AIR BAGS
فرش جلد
فتحة سقف
جنوط اسبور بما فيهم الاستبن
نظام بصمة لادارة الموتور
فتيس ستيب ترونك مش اتوماتيك عادى
حساسات ركن خلفية
مبنية على شاسية تيوتا كورولا 2007
عفشة امامية وخلفية هى هى التيوتا كورولا 2007 باستثناء المساعدين الخلفيين مختلفين شوية

كل هذه المميزات غير متوفرة فى سيارات منافسة فى نفس الرينج
استخير ربنا وتوكل على الله
وربنا يوفقك للاختيار السليم

[mif]

المشاركة الأصلية كتبت بواسطة لآخنه كلامك على عينى وراسى بس انا مش هعرف اركب صينى انا مركبتش غير المانى ويابانى ولما غيرت اتبهدلت . طيب انا هقول اقتراحات والناس ممكن تقول رأيها 1- أفيو اوتوماتيك حوالى 105 ألف . لا ركوبة ولا مريحة و اعادة البيع سيئة و بتنزل جامد 2- ميتسوبيشى اتراج هاى لاين حوالى 110 الف . لسة جديدة و محدش عارف لها حاجة و 3 سلندر 3- رينو لوجان الفئة التانية اوتوماتيك 111 ألف . عربية مبالغ في سعرها جامد جدا جدا جدا جدا و امكانياتها اقل بكثير من ثمنها و برة بتنزل بمكن احدث من اللى موجود عندنا و لو جبتها و معجبتكش حتبيع بخسارة جامدة جدا على فكرة لوجان فى روسيا بتتباع بما يعادلمن 53 الف جنيه الى 77 الف جنيه مصري لاعلى فئة داستر فى روسيا ثمنها بيبتدى بما يعادل 70 الف مصري تخيل كمية النصب و السرقة اللى بيقع فيها المصريين 4- ستيب واى اوتوماتيك 2014 زيرو حوالى 107 ألف . نفس قصة كل الرينو داتشيا اسعار مبالغ فيها لدرجة الضعف و عربية صوتها عالي 5- انى اخربها واعلى الميزانية وطبعا القسط هيعلى معاها واجيب نيسان فيس ليفت حوالى 124 ألف . توكيل حرامي بيستخدم قطع غيار مضروبة و بيبعهالك على انها اصلية باغلى ثمن تجنب نيسان تماما 6- انى اخربها برضه واجيب رينو لوجان هاى لاين او ستيب واى 2015 ودول تقريبا 120 ، 125 ألف على الترتيب . نفس الكلام مع باقي رينو داتشيا بص علشان اريحك في عربيات فى البلد مضروبة بميت جزمة و مشمومة فتلاقي شركات الادوية بتجيبها و تسلمها للصيادلة يشتغلوا بيها العربيات دي ايه ( افيو - لوجان - صني .) عربيات زبالة و توكيلاتها بتعمل شغل مع شركات الادوية و بيلبسها الصيدلي فى الاخر لان الشركة بتجبره عليها. الثلاثة بيجتمعوا فى مشاكل معينة : 1- اعلى استهلاك وقود فى الفئة دي 2- اقل اداء فرامل في الفئة دي 3- اكتر عربية بتخسر فى اعادة البيع 4- قططع غيار مبالغ جدا في اسعارها 5- صيانات مكلفة جدا 6- غير معمرة تماما رغم ان الشركات الاقل بتدي لادا و لانوس و فرنا بس افضل من ثلاثي الخراب اللى فوق انا دماغى لفت وتعبت من كتر التفكير وياريت حد ينصحنى انا نفسى فعلا ارتاح لان العربية اللى معايا مبهدلانى ولو فى حاجة اوتوماتيك اقل من 100 الف ياريت انا مش مهم عندى الموديل بس الاهم انها تكون زيرو يعنى ممكن لو فى معرض بيبيع موديل 2014 او 2013 زيرو اشتريها أهم حاجة عندى المواصفات اللى قلت عليها وتكون زيرو لانى مش عايز اركب مستعمل تااااااااانى .

ممكن تفكر فى اللانسر
او الاكسنت عربية عائلية عملية لاقصى درجة بلا اي عيوب لكنها مش بتاعة جري
و قسط الزيادة براحتك لو امكن
او هاتهم كسر زيرو