BMW مستعمل ام عربية زيرو موديل اخر ؟

[enigma575]

المشاركة الأصلية كتبت بواسطة silverlite الاوبل طبعا ...برغم الشكوى من الفتيس الاوتو بتاع الفكترا بس ككل عربيه محترمه جدا ...و ابعد عن الصينى مهما كان مغرى !!......, تحياتى

فيكترة مستعمل , اختيار صعب قوي لأن لو فتحت بقها حتتباع أو حتفلسني

هو الاختيار الانسب يكون BMW مستعمل وخصوصا الدبانة لانها شبابي قوي , عند حضرتك فكرة Caporleh سعرها بيكون كام ؟

[AbOnOrA]

بره بيقولو المستعمل ركوبة الغنى والفقير يركب زيرو وديه مقولة حقيقيه لان المستعمل تكلفه صيانتها اكبر من الزيرو وخاصة لو كانت اوروبى

اللى يفكر يركب اوروبى عموماً مستعمل وبالاخص البى ام لازم يكون عامل حسابة لمصاريفها وعامل حسابه ديه يعنى وقت وفلوس وصنايعى
فمثلاً لو متعرفش ميكانيكى شاطر وصاحبك وكفائه خاصة فى البى ام متجيبهاش لانك عقبال ما تاخد لفه على الميكانيكية وكل واحد يجرب شوية ويدفعك شويتين غالباً هتكون كرهت البى ام والعربيات كلها ان ما اعلنتش افلاسك كمان

علشان كدة كمان بنقول ان المقارنة بين المستعمل والجديد عمرها ما تكون مقارنة منطقيه لان كل حاجة وليها دنيتها ومميزاتها وعيوبها بشكل يخلى مفيش مقارنة
لازم تاخد قرار فى الاول وتسأل نفسك عندك استعداد تجيب عربيه ب 10 قروش وتحط قدام تمنها قرشين تلاتة للصيانة وقطع الغيار ولا لاء
وعندك استعداد تفضى نفسك وتقعد على ايد الصنايعية يظبطو العربيه ولا لاء
وطبعاً الحالة بتحدد قد ايه الكلام ده هيبقى بسيط وفى المعقول ولا زيادة ولا يطاق

[kj1]

فعلا حاجة تحير و خصوصا أنك بتقارن ألمانى قديم باى حاجة تانية جديد.... بس أنا أميل للBMW أكتر...بالتوفيقِ

[mohamed hossam elemam]

مستعمل احسن ماتذنق نفسك في اقسات وكلام كده صح ولا لا كده كده الب ام عربيه نضيفه بكل المقاييس وتقبل تحياتي

[enigma575]

المشاركة الأصلية كتبت بواسطة AbOnOrA بره بيقولو المستعمل ركوبة الغنى والفقير يركب زيرو وديه مقولة حقيقيه لان المستعمل تكلفه صيانتها اكبر من الزيرو وخاصة لو كانت اوروبى اللى يفكر يركب اوروبى عموماً مستعمل وبالاخص البى ام لازم يكون عامل حسابة لمصاريفها وعامل حسابه ديه يعنى وقت وفلوس وصنايعى فمثلاً لو متعرفش ميكانيكى شاطر وصاحبك وكفائه خاصة فى البى ام متجيبهاش لانك عقبال ما تاخد لفه على الميكانيكية وكل واحد يجرب شوية ويدفعك شويتين غالباً هتكون كرهت البى ام والعربيات كلها ان ما اعلنتش افلاسك كمان علشان كدة كمان بنقول ان المقارنة بين المستعمل والجديد عمرها ما تكون مقارنة منطقيه لان كل حاجة وليها دنيتها ومميزاتها وعيوبها بشكل يخلى مفيش مقارنة لازم تاخد قرار فى الاول وتسأل نفسك عندك استعداد تجيب عربيه ب 10 قروش وتحط قدام تمنها قرشين تلاتة للصيانة وقطع الغيار ولا لاء وعندك استعداد تفضى نفسك وتقعد على ايد الصنايعية يظبطو العربيه ولا لاء وطبعاً الحالة بتحدد قد ايه الكلام ده هيبقى بسيط وفى المعقول ولا زيادة ولا يطاق

أنا موافقك وأنا عامل حساب إنها حتحتاج شوية مصاريف ) بس أنا معتقدش إنها حتبقى خربانة بالشكل الحضرتك بتوصفه ده