كيا سفيا 2000 فيها عيب خبيث

[بوعبده]

السلام عليكم ورحمة الله وبركاته

تحية من القلب لكل الزملاء فى المنتدى الراقي

عربيتى معايا بقى لها 6 سنين والصراحه انا موش ايدى فيها اوى

يعنى هى على اد المشوار كل يوم من البيت للشغل والعكس حوالى 10 كيلو كل يوم

من حوالى سنه واحد قاللى ودى العربيه للميكانيكى يغير لك سيور وخلافه المهم وديتها وعملنا اللازم كله

ومن ساعتها العربيه موش عاوزه ترجع زى ماكانت ابدا حالتها بقت متاخره اوى مع انها كانت وحش على الطريق

دايما اسمع صوت صفاره بتاعت سير موش عارف الدينامو ولا التكيف

والعيب اللى هايجننى فيها انها فى الصيف بالنهار بتبطل منى وماترضاش تدور غير بعد 10 دقايق وامشي بيها شويه وتبطل تانى

يعنى فى مره كنت رايح مدينه نصر من شبرا بطلت منى فى الطريق حوالى 4 مرات ووكل مره لازم اسيبها مبطله 10 دقايق

انما بالليل او فى الشتاء ما بتعملش العيب ده

وغيرت الردياتير بواحد استعمال خارج ونضفت دورة المياة

وجربت اكتر من ميكانيكى وموش عارف اعمل ايه

بالله عليكم قولو لى اعمل ايه

[احمد على 1999]

تفاصيل اكتر عن ايه الي اتعمل بالظبط عند الميكانيكي الاولاني؟
حد راجع علي
صحة وضع تركيب سير الكاتينة
شد سير التكيف و الدينامو
الفيوزات و قاعدة الفيوزات
لما العربية تبطل الميكانيكي يكون معاك و علي طول يفك خرطوم البنزين و يدور و يشوف الطرمبة شغالة
لو شغالة يجرب خرج الكويل

[sherif fersh]

عداد الحرارة عامل أيه ؟؟

[ahmed abdelaziz]

أعتقد إن الميكانيكى الى ركبلك سير الكاتينه يا باشا مظبطهوش كويس.... روح لميكانيكى فاهم وخليه يبصلك عليه

[حسام البورسعيدى]

لو المشكلة ظهرت فورا بعد تغيير السيور .. يبقى تقسيمه سير الكاتينة مش مظبوطة ..

فروح لحد فاهم يظبطهولك وباذن الله المشكلة هتتحل ..

اما صوت صفارة السيور فدى بسيطة .. شد سير الدينامو والباور من الشداد الخاص بكل منهم ولو مشدود على الاخر هات سير تانى يكون مقاس اصغر من الحالى ...