العربية بتبطل لوحدها على السلانسية

[hassanin_lada]

المشاركة الأصلية كتبت بواسطة ahmedmomtaz372 على فكرة أنا كمان عندى نفس المشكلة بس فى عربية فيات 132 وعرفت ان السبب هو بك السلانسيه وده على كلام 2 ميكانيكية. مع العلم انى راكب عندى بك كهرباء مش عادة. وكل لما اسال الميكانيكي الكهرباء احسن ولا العادة واحد يقول ده وواحد يقول ده. وتقريبا المشكلة دى بتحصل عندى كل 3 اسابيع او شهر فاروح للميكانيكي يقعد يلعب فى بك السلانسيه ويفكه وينضفه ويشتغل تانى. قلتله كده يبقى الكرباتير كله محتاج تنظيف بسبب بنزين 80. قال لا . وعلى ده الحال بقالى شهرين.

سياتك البك الكهربا فيدته انك لما تشغل التكيف الار بي ام يعلي لوحده عشان عشان حمل التكيف علي المتور وكمان في الصبح لما تيجي تدور العربيه تدور علي ار بي ام 1500 تصبر دقيقتين وهترجع طبيعيه

[komodo]

المشاركة الأصلية كتبت بواسطة mr_astra هو فلتر البنزين عندك تملى مليان بنزين ولا احيانا بيكون نصفة مليان ونصفة فاضى او بيكون فاضى طول الوقت طبعا والعربية باردة ومقفولة

السلام عليكم
على فكرة أنا بصيت على الطبيعى النهاردة على فلتر البنزين ولقيتة على عكس ما قلا حوالى ثلثينى فاضى أة أقل من الثلث مليان......
برجاء الإفادة .... مع خالص الشكر ..
مع العلم إن العربية رجعت تبطل تانى على السلانسية ...

[zing0]

بص يا باشا, أنا زميل كفاح مع الروس و شركة أوتوفاز و البتاعة الغبية إللى إسمها لادا
اللادا عربية بتحب تتضبط كل شوية يا إما هتبقى ملخبطة و مبرجله و تنخع و تفصل و تتنطط و ممكن تمشى عالحيط !!!

أول ما تلاقيها مش مضبوطه راجع الآتى:
فك بيك السلانسية بمفك عادى و إنفخ فيه و ركبة تانى, و جرب, لو إتضبطت يبقى تخلى بالك من:
- تنضيف دورة البنزين كلها, يعنى خراطيم البنزين و الكربراتير و غير فلتر البنزين
هتروح لميكانيكى عندة كمبروسر هواء, و بينضف الخراطيم بالمبروسر و يفك العمة و فلتر الهوا و ينضفة بالهواء المضغوط و يغسل الكربراتير غسلة تمام بالبنزين, أو (و ده الأفضل: إنه يفك الكربراتير من مكانة خالص و يطلعة برة و ينضفة بأى منظف كربراتير بحوالى 18/20 جنية زى إبرو أو جانك من محلات قطع الغيار) بس لازم يكون الكربراتير برة علشان الهباب و الكربون إللى هينزل منه ميدخلش عالموتور.
- و بعدين تغير فلتر البنزين.
====================
طيب لو نفخت فى بيك السلانسية و لسه العربية ملخبطة, تتجه مباشرة للإسبراتير, و غالباً هتلاقى الأبلاتين لادع أو الكوندنسر أو كلاهما. و للأسف كل إللى فى السوق مضرووووووب.
(أنا مغير 3 فى إسبوع واحد و ماركات مختلفه - إيطالى و فرنسى و إنجليزى)
- لو سليم, يبقى تتأكد من البوجيهات كلها شغاله و لا فيها واحد قاطع (متلت) و الأسلاك بتاعتها راكبة تمام و لا مخلوعه.

يعنى الخلاصة: ضبط اللادا = ضبط و تنضيف كربراتير و ضبط كهرباء.