|
لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
|
أدوات الموضوع |
#1
|
|||
|
|||
لادا و الصنايعيه .... مشكله ليس لها حل حتى الآن
السلام عليكم
كتبت مشكلتى عدة مرات و رد عليا الإخوه الخبراء و راجعت الميكانيكية و لازالت المشكله. مشكلتى إن العربية بتشرق لدرجة إنها ممكن تفصل أثناء ما أكون بأزود على دواسة البنزين, يعنى: ماشى مشعّر بنزين و بعدين زودت شوية ألاقيها شرقت و نطت فجأة أو ممكن تشرق و تفصل خالص (كما لو كان الكربراتير إتسد فجأه), طبعاً مجتش جنب الدبرياج و لا الفرامل و لا الفتيس و لا أى حاجه ... مجرد زودت الضغط على دواسة البنزين. نضفت الكرباتير و لسة عامل له أكس و باب من شهرين (بس من ساعتها و السلانسية مش مضبوط - بيعلا و يوطى على طول لواحده) راجعت مجموعة نقل الحركة عند 2 ميكانيكية و برضة مش عارفين المشكلة فين. بالله عليكم: Cars Admire Vanditta محمد القاضى حسام ابورسعيدى كل خبراء المنتدى ......... أنتو فين؟؟؟؟؟ يا جماعة دى لادا , يعنى مش أتوماتيك و لا إنجكشن و لا شريحه إليكترونية و لا ... أى تعقيد و مع ذلك الصنايعية بقوا |
#2
|
||||
|
||||
رد: لادا و الصنايعيه .... مشكله ليس لها حل حتى الآن
السلام عليكم
لو متأكد انه الكربراتير تمام اكشف علي خراطيم البنزين حصل معايا في الماروتي لما اكبس بنزين السياره كانت بتبطل وبعد ما طلع عيني عند الميكانيكيه وجدة السبب هو خرطوم لما اكبس بنزين كان بيتسد لأنه كان طري من الداخل وكان متني سنه زياده وغير فلتر البنزين وتأكد انه راكب صح مش مقلوب والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
||||
|
||||
رد: لادا و الصنايعيه .... مشكله ليس لها حل حتى الآن
والناس دى علامات فى المنتدى مايصحش انى اتساوى بيهم واتحط معاهم كدة عادى المهم اللى اعرفة فى مشكلة الشرقان دى انة ممكن يكون العيب فى ابرة العوامة او العوامة نفسها ممكن تكون مخرومة وبتخلى العربية تشرق وممكن يكون خليط البنزين والهواء مش مظبوط وانتظر رأى الاعضاء الخبرة وبالتوفيق ان شاء الله |
#4
|
||||
|
||||
رد: لادا و الصنايعيه .... مشكله ليس لها حل حتى الآن
اولا شرقان العربيه دا بيرجع لعوامل كتييييير طبعا انا هكتب لك كل الملاحظات اللى عندى وانت اتأكد منها واحده واحده شرقان العربيه بيرجع الى 1/ عيب بعوامة الكربراتير بحيث انها بتخلى كمية البنزين اللى عند البك السفلى للكربراتير كميه بسيطه وبالتالى مع القرص بيحصل خلل فى كمية البنزين المطلوبه وبالتالى العربيه بتتخنق وتشرق 2/ عيب بخراطيم البنزين مثل وجود شوائب وترسبات على جدار الخراطيم من الداخل مقلله من كميه البنزين اللى بتمشى فى الخراطيم 3/ عيب برداخ البنزين انه مش بيضخ الكمية المطلوبه منه ودا عيب مشهور اوووى فى اللادا طبعا دا بيتكشف عليه عن طريق انك بتشيل الخرطوم اللى طالع منه رايح للكربراتير وواحد بيدور وانت ماسك الخرطوم لو لقيت الضخ بتاعه تمام ومفيش تقطيع يبقى هو كدا تمام و100 100 4/ عيب بفلتر البنزين نتيجه انسداده 5/ عيب بظبط الخليط ( هوا وبنزين ) 6/ عيب بظبط كهربا الاسبراتير من ابلاتين وكوندنسر وبوجيهات وسلوك البوجيهات وتأخير او تقديم الكهربا 7/ عيب قد يغفل عنه البعض وهو الاتساخ الشديد لفلتر الهوا يخلى العربيه تشرق احلى شرقان 8/ وجود عيب ب بك السلانسيه ودا بيتفك ويتنضف انا اسف اذا كانت الاسباب كتيره لكن انا قصدت اخلى كل الامور واضحه بالنسبه لحضرتك وطبعا متابع باستمرار ومتشكر جدااا لكلام حضرتك الرقيق
__________________
دا لينك اولتراس فيات 132 دا لينك صفحتى على الفيس بوك |
#5
|
|||
|
|||
رد: لادا و الصنايعيه .... مشكله ليس لها حل حتى الآن
بخصوص موضوع الشرقة دي , بص ياباشا المشكلة دي حلها بأذن الله انك تروح لميكانيكي محترم يشوفلك الضخ بتاع طرمبة البنزين طلع تمام , خليه يحل الكربراتير وينضفه ويظبط البيكات و تغير طقم كهرباء وحافظ علي مستوي تانك البنزين فوق النص لمدة 4 او 5 تفويلات بنزين وان شاء الله تظبط معاك وأحسن من الاول ( ده عن تجربة) أما غير كده فلا علم لي به.
وقبل ده كله جرب وانت واقف تدوس بنزين لاخر الدواسة (امبليه) لو نتشت معاك وانت بتعمل كده استمر شوية علي RPM 6 وجرب العربية وربنا يعينك |
|
|