هل ممكن اغسل ماتور السيفيا

[كيا سيفيا]

المشاركة الأصلية كتبت بواسطة WALEED MOH. مع أحترامى للجميع أنا معايا العربيه بقألها 8 شهور غسلت الموتور كتير جدآ بالمياه والفوم أللى فى أى مغسله على ناصية أى شارع وكمان مبهتمش بالهوا بعد الغسيل ولدرجه أنى أحيانآ بمسك خرطوم المياه بتاع الجنانه وأضرب الموتور خرطوم مياه أه والله بعمل كده بس أهم شيى الموتور يكون دايير العربيه شغاله يعنى عشان الحساسات والكمبيوتر لو هيسجلو أى حاجه تظهر فى وقتها والحمد لله محصلشى معايا أى حاجه والله ولى التوفيق

استاذ/ وليد ...
بعد التحيه ...
يا قلبك ياجامــــــــــــــــــد بس نصيحه اخويه بلاش تعمل كده تانى . مافيش مانع من غسيل الموتور فى محطة بنزين بالمياه مع الاخذ فى الاعتبار الاحتياطيات ولابد من تجفيفه جيدا بالهواء وخاصة اماكن الحساسات
وتقبل تحياتى

[hatem_eg]

كان معايا زيها بس عن تجربة شخصيه اغسل براحتك بس مع مراعاة الاتي:-

وش الماتور من فوق ، فيه غطاء لونه اسود اللي مكتوب عليه DOHC 16V ، مفتوح من تحتيه من ناحية اليمين لدخول اسلاك البوجيهات ،،،، وده حذاري يدخله مايه نهائي خاصة لو العربية سخنة ،، عشان الموبينة ما تضربش ، بتكون سخنة مولعة ويجي عليها مايه وهي بلاستيك اساسا فبتشرخ وتسرب كهربا ،،، وحلها كيس بلاستيك تلفه وتسد الفتحة دي كويس وخلاص ،،
بالنسبة لو الفتيس اوتوماتيك حتلاقي من اعلاه فيه حساس وفيشة من ناحية الراديتير
لفهم كويس بكيس وبعد الغسيل هواء مباشر عليهم عشان لو جه عليه مايه حتلاقي الفتيس مابينقلش غيار وبيعلق وده حله تنشيف هوا مش اكتر ،
انا على الحال ده اكتر من 6 سنين ومافيش مشاكل طالما بتنشف كويس بعد الغسيل على الفيش والحساسات وتحافظ على عدم دخول مياه للموبينة .

تحياتي ،،