FIAT 132 2000

[severeman]

المشاركة الأصلية كتبت بواسطة hazem_khidr الشكر لله يا سبايدر مان بالنسبه لل2000 لو نضيفه حتعمل في حدود 18 الف او 20 لو نضيفه اووي و ممكن تلاقي حالات منها ب 14 الف بس تعبانه طبعا و لا ترقي الي ان تكون عربيه سعيد بمشاركتك دايما يا باشا بالنسبه لطبله الابواب ابقي خلي بالك لو النواكل القديمه فيها الضوافر البلاستيك تخلي بالك منها لان الصنايعيه مش بياخدوا بالهم و حيركبوا النواكل من غير ضوافر و حيضيعوها. بالنسبه للعفشه اللي حتعمله دا حيبقي صح ان شاء الله و حتلاقي العربيه ماسكه نفسها بس اهم حاجه تجيب بيض الماني و العفشجي يشحمه قبل ما يركبه بالنسبه للتابلوه ممكن حل ظريف اوي هو انك تجيب عدادات ال 2000 و تركبها علي نفس تابلوهك حتركب عادي بالنسبه للتكيف بصراحه مش حقدر افيدك لان خبرتي في العربيات الفيات المكيفه ضئيله جدا لان الموضوع مش كمبروسر و بس دا سربنتينه و تلاجه وسيكوانشيل و حدوته كبيره

جميل جدا ياحازم باشا

في بقه نقطه في العفشه وهيا اني جبت 2 مساعد امامي ايطالي بس بصراحه حاسس انهم خفاف

انته ايه رايك ارجعهم واجيب اسباني ولا ايه بالظبط
وبالمناسبه انا جبت العفشه جزء منها الماني زي التيش والجلب والباقي ايطالي زي البيض

بس بالنسبة للمساعدين انا شاكك في امرهم لاني جربتهم باليد لقيتهم خفاف

ياريت اسمع رايك ياحازم باشا قبل يوم السبت 20/3/2010 لاني هروح اودي حاجات العفشه بكره للعفشجي ولو شايف اني اغير المساعدين الامامي الايطالي اروح اغيرهم بكره قبل ما اوديهم للعفشجي

ومنتظر ردك

[luckyman]

المشاركة الأصلية كتبت بواسطة hazem_khidr ال 132 كانوا بيسمواها مرسيدس الفيات عربيه تحفه بجد و اكتر عربيه حبيتها في حياتي

فعلا حازم باشا وانا كنت بعشقها وانا صغير وكان فيها موديل تربو شفتة فى ليبيا وهى كانت سباقة ورائدة فى حينها ووقتها بالنسبة لسيارات عصرها زى ما انت قلت وكانت سابقة وقتها لحد وقت قريب ولها صوت مميز من الشكمان تقدر على طول تعرف انها فيات و تحديدا 132 وكانت من اول السيارات اللى نزلت بلون ميتالك سماوى وكان موضة واللى هو blue sky والاكصطدام المطفى لونة مع الجلد الغليظ او السميك وهدوء داخلى كان مدهش فى وقتها وهى على فكرة سبقت البى ام دبليو فى الشكل الامامى الشبية للبى ام دبليو فى الاجيال المتتالية للبى ام دبليو وكان بينزل منها كمان اول سيارة بزجاج لونة فيمة بنى لا يعيق الرؤية لدرجة انى حاسس انى bmw بدات تستنبط شكلها منة دة فى وقت كانت bmw لا زالت فى بداية عهد انتشارها لم تكن بنفس مستوى فخامتها ولا شهرتها اهم حاجة يا حازم بية صوت الشكمان فضلت سنين وانا صغير اعمل نفس الصوت واقلدة واعمل ازعاج لكن صوت الشكمان كان بالنسبة ليا صوت رخم جميل تعمدت القيات تميز موديلاتها المختلفة به كما كانت تفعل النيسان صوت شكمانها مميز والاوبل كذلك لكن كانت 0132 لا تزال اكثرهم ضوضاء خصوصا على الاول والثانى والثالت بيبقى زى طلقات الرشاش انا كنت بركز فى الامور دى جدا وكنت العربية من صوت قفله الباب او الشكمان ورجة الموتور من غير ما اشوف العربية نوعها ولك منى فائق الشكر والاحترام وتحياتى المفرطة على ذلك الموضوع الجميل

[hazem_khidr]

المشاركة الأصلية كتبت بواسطة severeman جميل جدا ياحازم باشا في بقه نقطه في العفشه وهيا اني جبت 2 مساعد امامي ايطالي بس بصراحه حاسس انهم خفاف انته ايه رايك ارجعهم واجيب اسباني ولا ايه بالظبط وبالمناسبه انا جبت العفشه جزء منها الماني زي التيش والجلب والباقي ايطالي زي البيض بس بالنسبة للمساعدين انا شاكك في امرهم لاني جربتهم باليد لقيتهم خفاف ياريت اسمع رايك ياحازم باشا قبل يوم السبت 20/3/2010 لاني هروح اودي حاجات العفشه بكره للعفشجي ولو شايف اني اغير المساعدين الامامي الايطالي اروح اغيرهم بكره قبل ما اوديهم للعفشجي ومنتظر ردك

هات مساعدين مونرو افضل شي و حتظبط عفشه العربيه
بالنسبه للبيض بصراحه في ال 132 و ال 125 كنت دايما بركب البيض الالماني لانه افضل بيض يركب
في التيش و الدركسيون و الايطالي جربته مره واحده لكن مش زي الالماني في الاستحمال بصراحه.

[hazem_khidr]

المشاركة الأصلية كتبت بواسطة luckyman فعلا حازم باشا وانا كنت بعشقها وانا صغير وكان فيها موديل تربو شفتة فى ليبيا وهى كانت سباقة ورائدة فى حينها ووقتها بالنسبة لسيارات عصرها زى ما انت قلت وكانت سابقة وقتها لحد وقت قريب ولها صوت مميز من الشكمان تقدر على طول تعرف انها فيات و تحديدا 132 وكانت من اول السيارات اللى نزلت بلون ميتالك سماوى وكان موضة واللى هو blue sky والاكصطدام المطفى لونة مع الجلد الغليظ او السميك وهدوء داخلى كان مدهش فى وقتها وهى على فكرة سبقت البى ام دبليو فى الشكل الامامى الشبية للبى ام دبليو فى الاجيال المتتالية للبى ام دبليو وكان بينزل منها كمان اول سيارة بزجاج لونة فيمة بنى لا يعيق الرؤية لدرجة انى حاسس انى bmw بدات تستنبط شكلها منة دة فى وقت كانت bmw لا زالت فى بداية عهد انتشارها لم تكن بنفس مستوى فخامتها ولا شهرتها اهم حاجة يا حازم بية صوت الشكمان فضلت سنين وانا صغير اعمل نفس الصوت واقلدة واعمل ازعاج لكن صوت الشكمان كان بالنسبة ليا صوت رخم جميل تعمدت القيات تميز موديلاتها المختلفة به كما كانت تفعل النيسان صوت شكمانها مميز والاوبل كذلك لكن كانت 0132 لا تزال اكثرهم ضوضاء خصوصا على الاول والثانى والثالت بيبقى زى طلقات الرشاش انا كنت بركز فى الامور دى جدا وكنت العربية من صوت قفله الباب او الشكمان ورجة الموتور من غير ما اشوف العربية نوعها ولك منى فائق الشكر والاحترام وتحياتى المفرطة على ذلك الموضوع الجميل

يا سلام عليك يا لاكي باشا و علي مشاركتك الجميله
دايما كلامك في الجون كالعاده
انا فعلا بعشق صوت ال 132 و كان سبب الصوت دا هو الشكمان و كان مشهور اوي ايام عزها
و كنت بتشتري العلبه الخلفيه جديده اوريجنال و كانوا بيسموه شكمان بيزغرط!!!
فعلا كان صوته حكايه و فعلا لو قاعد في البيت و عربيه 2000 معديه من تحت البيت كنت اعرفها من الصوت
و دا للي بحاول ابحث عنه في اي عربيه اركبها و لكن للاسف مش لاقي لاي عربيه صوت مميز
زي بيجو 504( لك لك لك) و البيتلز (تسك تسك تسك) و حتي السيات 133( عو عو عوو)
بصراحه كانت عريات ليها طعم و خصوصا ال 132
و لحد منتصف التسعينات العربيه دي كانت عامله زي الاوكتافيا كده و اللي يركبها يبقي باشا
اما بالنسبه للتصميم الداخلي فطبعا لا يعلي عليه من جوده خامات و تناسق الوان و شكل حلو
مثلا مقبض الفتيس كان شكله جميل جدا و شكل الكراسي حتي الشماسات كانت فيميه و مختلفه
و انا بشكرك علي مشاركتك جدا و بتمني اشوف موضوعك اللي قولت عليه قبل كده بخصوص السيارات القديمه

[luckyman]

دة ايام ما كانت العربيات ما كان لها طعم وريحة ومتعة للاسف بس الحمد لله اننا لاحقنا العصر دة واتمتعنا به وانت اثبت من كلامك انك انسان مش عاشق للسيارات لا انت انسان متطلب ومتمكن يعنى محترف ولك منى فائق الشكر والاحترام