العربيه بتبطل منى و هيا سخنه وواقفه

[michaelmgs]

اول لما ادور مش بدور على طول ولما تدور لازم اسند بنزين فتره طويله على ما تسخن و افضل ساند بنزين و لو شلت رجلى بعد ما تسخن حتى تكركر كده بسيط و تبطل و تنور لمبتين البيان البطاريه و الزيت تنور احمر ارجع افصل و ادور تانى . ارجو الافاده مع العلم ان البطاريه كويسه و معدل الزيت كويس . اعمل ايه اروح لميكانيكى يشوفها ولا كهربائي . شكرا

[mr_astra]

محتاج تظبط الكربراتير عند بتاع كربراتيرات مش ميكانيكى ولا كهربائي ومحتاج تصلح شفاط البنزين

[elwasty]

المشاركة الأصلية كتبت بواسطة mr_astra محتاج تظبط الكربراتير عند بتاع كربراتيرات مش ميكانيكى ولا كهربائي ومحتاج تصلح شفاط البنزين

ممكن تكون محتاجة تعلى شوية او عنده بوجيهات قاطعة اعتقد انها مشكلة كهرباء موتور (ابلتين او كوندنسر او بوجيهات) على حد علمي وخبرتي البسيطة

[مايكل ذكرى]

اهم حاجه الكربرتير يتنظف كويس و بعد كده غير طقم الكهربا علشان العيب ده كان عندى الاسبوع الى فات وده طبيعى انك تسند رجلك على البنزين لغايه ما تسخن كويس علشان الشتاء والبرد

[michaelmgs]

شكرا لحضراتكم