عاوزة حد يفيدني عن رينو لوجان... شاريها و مجربها

[hossamhussein0]

الاستاذة الفاضلة و الزميل العزيز

اسمحوا لي بالرد

المشاركة الأصلية كتبت بواسطة harani استاذي الفاضل عندي استفسار لو تسمح في واحد في المنتدى قال ان الدبرياج ضمانه 3 شهور بس و ان في الشهر الراابع حدث عطل به كلفه 1200 ج ممكن يكون هذا الاخ بيحمل رجله دائما علي الدبرياج و ممكن ايضا ان يكون غاوي امريكاني و نتش بين النقلات و خمسات و كلام فاضي من اللي الشباب بتعمله باستهتار و رعونة و ساعتها طبعا يبقي كويس ان طقم الدبرياج صمد معاه 3 شهور و ممكن ايضا يكون عيب صناعة و انا اؤكد لك انه ان كان كذلك و كشر العميل عن انيابه في التوكيل أكيد هيتغير من غير كلام و ببلاش في الضمان معقولة الكلام دة سؤال ثاني يعني ايه فوجات امامى وخلفى الفوج لايت يعني فوانيس الشبورة (أمامي ) اللي بتكون في الاكصدام الامامي و (الخلفي) بتكون عبارة عن نور احمر قوي جدا مدمج داخل الفانوس الخلفي و كلاهما للاستخدام اثناء الشبورة و الضباب و هم مهمين خاصة في السفر

[luckyman]

على فكرة بخصوص الكلاتش او الديبرياج او اى سيارة زيرة لسة طالعة من التوكبل بعد يوم واحد تكون كانها استخدام عشرين سنة استخدام ساعة واحدة سيىء وخاطىء كفيل بان يقضى على جزء بسيارتك السيارة هى معدة صنعت بالاساس لاغراض معينة وسخرها الله لنا للتنقل وتذليل المصاعب الخ يارب يبارك للجميع فى استثمارة ولكم منى خالص التحية والاحترام وشكرا

[zkralla]

اللوجان عربيه ممتازه وتتفوق على جميع السيارات فى فئتها وبفارق كبير
مميزاتها
ثبات ممتاز وعفشه قويه وناعمه ومناسبه للطرق المصريه وصاج قوى واساسيات واعتماديه وماتور محترم وموفر فى البنزين جدا وعاليه عن الارض يعنى مش هتمشى تحك فى المطبات زى اللانوس والفيرنا وده من الاسباب المهمه الى خلتنى اجيب العربيه لان قلبى بيتقطع لما العربيه تبقى زيرو وتقعد تكحت فى الارض
وقطع غيار معمره فى مقابل ارتفاع نسبى فى اسعارها وتوكيلها محترم جدا وفى استطلاعات رأى كتير كان الافضل ولا يقارن بتوكيل شيفروليه او هيونداى
عيوبها
بور تقيل شويه
رعشه خفيفه وغير محسوسه بالمره فى الفتيس ودواسه البنزين وده عيب بقوله للامانه لكن ملوش أى تاثير خاااااالص
صوت الماتور عالى الى حد ما
اسعار قطع غيار مرتفعه فى التوكيل الى حد ما لكن مع الانتشار وتوفرها خارج التوكيل بدأت تبقى رخيصه ولسه كمان مع الانتشار

عيوب ليست حقيقيه
سعر إعاده البيع لسه ما اتحددش لكن هو اصلا مرتبط بالطلب على العربيه والحجز على لوجان فى التوكيل بيبقى الاستلام بعد الحجز ب 6 شهور يعنى طوابير اكتر من طوابير العيش فمتوقع إعاده سعر بيع ممتاز

[dio]

المشاركة الأصلية كتبت بواسطة luckyman يا جماعة اشتروا اللوجان ومحدش يخاف هى سيارة جيدة وحققت مبيعات قياسة تخطت المليون سيارة فى اوروبا فى فترة قياسية ورغم انها بسعر ليس بالمرتفع الا انها تتمتع بمظهر جيد وجودة جيدة انا مش من محبى الرينو او الفرنسى وبعدين لما الواحد يخسر من الميجان غير لما يخسر من اللوجان نسبة وتناسب مش بالدرجة المحسوسة خصوصا اننا طبقة مش بتغيير سيارة كل عام ولما بنجيب سيارة زيرو معناها متوسط همرها من 5 الى سبع سنوات دة الطبيعى خصوصا فى ناس كتير بتجيب السيارات قسط من ناحية اخرى ايوة هو نفسة التوكيل نصير بتاع نصير لكن لا خوف لان اللوجان سيارة بسيطة سمبل فى ميكانيكيتها وهندستها تقليدية وبخصوص قطع الغيار انها مش رخيصة نوعا ما احنا مش كل يوم بنكسر فوانيس ومرايات ومع انتشار السيارة المتوقع ومن الظاهر لانى بسافر كل شهر وملاحظ انتشارها فى كل اجازة وبلتالى مع انتشارها قطع غيارها تكون منتشرة بالتالى ومتوفرة وبعدة انواع كمان للقطعة الواحدة بصراحة اذا اخذنا فى عين الاعتبار السعر فهى صفقة ذكية للغاية وشكرا لكم جميعا

اود اهنئك على ذكائك وطريقة كتاباتك اللبقة احييك فعلا انسان لك مفهوم ممتاز

[dio]

المشاركة الأصلية كتبت بواسطة zkralla اللوجان عربيه ممتازه وتتفوق على جميع السيارات فى فئتها وبفارق كبير مميزاتها ثبات ممتاز وعفشه قويه وناعمه ومناسبه للطرق المصريه وصاج قوى واساسيات واعتماديه وماتور محترم وموفر فى البنزين جدا وعاليه عن الارض يعنى مش هتمشى تحك فى المطبات زى اللانوس والفيرنا وده من الاسباب المهمه الى خلتنى اجيب العربيه لان قلبى بيتقطع لما العربيه تبقى زيرو وتقعد تكحت فى الارض وقطع غيار معمره فى مقابل ارتفاع نسبى فى اسعارها وتوكيلها محترم جدا وفى استطلاعات رأى كتير كان الافضل ولا يقارن بتوكيل شيفروليه او هيونداى عيوبها بور تقيل شويه رعشه خفيفه وغير محسوسه بالمره فى الفتيس ودواسه البنزين وده عيب بقوله للامانه لكن ملوش أى تاثير خاااااالص صوت الماتور عالى الى حد ما اسعار قطع غيار مرتفعه فى التوكيل الى حد ما لكن مع الانتشار وتوفرها خارج التوكيل بدأت تبقى رخيصه ولسه كمان مع الانتشار عيوب ليست حقيقيه سعر إعاده البيع لسه ما اتحددش لكن هو اصلا مرتبط بالطلب على العربيه والحجز على لوجان فى التوكيل بيبقى الاستلام بعد الحجز ب 6 شهور يعنى طوابير اكتر من طوابير العيش فمتوقع إعاده سعر بيع ممتاز

انت صح اووووى