آخر أسعار سوق المستعمل

[د0تامر محمد]

المشاركة الأصلية كتبت بواسطة alb elasd د/ تامر الف شكر على المجهود الرائع فى رفع معانات الاعضاء عند البحث عن السيارات المستعمله خصيصا و ربنا يجزيك عنا كل خير .... و لو تفضلتم انا من اسكندريه موظف و ربنا سهلى و حوشت 18 الف جنيه و محتار اجيب ايه و بصراحه متردد انزل السوق و مفيش حاجه قدامى ياريت تدلنى على الصح علشان اعمله و ثانيا السياره ليها سفريتين او تلاته القاهره كل عام ارجوك انصحنى ..................:THE_PR ~18:

شكرا للك
مبلغ ال18
يحصرك فى
128 مو87-88
131 مو77
ريجاتا مو82-84
دايهاتسو ميرا مو90
شاريد مو88-90
سوزوكى ماروتى مو96-98

[m_gewelly]

المشاركة الأصلية كتبت بواسطة د0تامر محمد أنا ح أريحك من حيث توافر قطع الغيار ورخصها أكسنت مو98 تكييف فى حدود 30-32 إكسيل مو96 كاملة فى حدود 30-32 من حيث الجودة وقطع الغيار المعقولة وقلة الأعطال نيسان صنى مو94 فى حدود لانسر مو92-93 تمبرا مو 92 البيجو ال405 راشة جوة سيبك منها لو ببلاش من حيث الأداء المبهر وقطع غيار وصيانة نار ألفا روميو سيتروين إكسارا مو99=33

شكرا يا دكتور بصراحه ريحتنى وكدا تقريبا عرفت احدد
الصنى 94 دى ب33000 جنيه كويس السعر كدا
وسؤال تانى ال405 راشه لظروف معينه وبتاعة راجل محترم جدا تقريبا كان سفير انا فاهم قصدك انها ممكن تكون مشغوله بس هيا سليمه السمكرى قال كدا ودا من طرفى وكمان صاحبها راجل محترم جدااااااااا وبياكد انها سليمه برضه اسيبنى منها

معلش كدا الالفا روميو والاكسارا والصنى برضه عايز اعرف ايهم الافضل فى اعادة البيع او التغيير

سؤال اخير شفت دلوقتى النترا 94 كامله اتوماتيك مواصفات خليجى حالتها جيده مش راشه دواخل فيها مصاريف فى حدود 5000 جنيه من ضمنهم شمبر ماتور رايك ايه وتعمل كام صاحبها ماسك على 30 وانا عايز اخدها ب28
وفيه سفيا 99 كامله اتوماتيك او 95 مش متاكد بيكلم نهااائى 34 رايك ايه حضرتك ريحنى ورشحلى واحده فيهم
الصنى النترا الالفا روميو 96 146 السيفيا النترا انا تقريبا مدورتش على اكسيل ولا اكسنت بس حضرتك لو ترشحلى واحده وشايف انها افضل منهم اكون شاكر
وشكرااااااااااااااااااااا اااااااااااااااواسف على الاطاله اصلى وقعت فى عربيه وتقريبا مرميه تحت البيت وربنا يسهل للى وقعنى فيها علشان كدا قرار الشراء تانى صعب شويه معايا وطبعا الحل للى زىى جديد بس الميزانيه مش حمل اقساط

[د0تامر محمد]

المشاركة الأصلية كتبت بواسطة love-legend دكتور تامر ، راى حضرتك بالتفصيل فى العربية ال( Lada 2110) موديل 2002

معنديش معلومات كاملة عنها
ما أعرفه إنها 1500cc موتور إنجكشن وسيارة قوية وصاجها متين وعفشة تتحمل وتقريبا مصفحة
يعيبها شكلها وخامات صالونها

[د0تامر محمد]

المشاركة الأصلية كتبت بواسطة m_gewelly شكرا يا دكتور بصراحه ريحتنى وكدا تقريبا عرفت احدد الصنى 94 دى ب33000 جنيه كويس السعر كدا وسؤال تانى ال405 راشه لظروف معينه وبتاعة راجل محترم جدا تقريبا كان سفير انا فاهم قصدك انها ممكن تكون مشغوله بس هيا سليمه السمكرى قال كدا ودا من طرفى وكمان صاحبها راجل محترم جدااااااااا وبياكد انها سليمه برضه اسيبنى منها معلش كدا الالفا روميو والاكسارا والصنى برضه عايز اعرف ايهم الافضل فى اعادة البيع او التغيير سؤال اخير شفت دلوقتى النترا 94 كامله اتوماتيك مواصفات خليجى حالتها جيده مش راشه دواخل فيها مصاريف فى حدود 5000 جنيه من ضمنهم شمبر ماتور رايك ايه وتعمل كام صاحبها ماسك على 30 وانا عايز اخدها ب28 وفيه سفيا 99 كامله اتوماتيك او 95 مش متاكد بيكلم نهااائى 34 رايك ايه حضرتك ريحنى ورشحلى واحده فيهم الصنى النترا الالفا روميو 96 146 السيفيا النترا انا تقريبا مدورتش على اكسيل ولا اكسنت بس حضرتك لو ترشحلى واحده وشايف انها افضل منهم اكون شاكر وشكرااااااااااااااااااااا اااااااااااااااواسف على الاطاله اصلى وقعت فى عربيه وتقريبا مرميه تحت البيت وربنا يسهل للى وقعنى فيها علشان كدا قرار الشراء تانى صعب شويه معايا وطبعا الحل للى زىى جديد بس الميزانيه مش حمل اقساط

لو تركب يابانى تشترى دماغك من الآخر من حيث ندرة الأعطال وتوافر قطع الغيار وسهولة الصيانة
ال405 لما تيجى تيبعها مين ح ياخدها بعيبها اللى ميعرفوش فهى تعامل معاملة سيارات الحوادث
الالنترا جيدة لكن خاماتها رديئة مثل كل الهيونداى القديم وإيه يجبرك على سيارة بها هذه المصروفات
الالفا روميو ح تعورك فى المصاريف لان حاجتها نار وصيانتها مكلفة
بالنسبة للثلاثى الصنى طبعا فى إعادة البيع وهى الأقل فى مصاريف التشغيل
السيفيا سيارة جيدة وكفاءة بس أكيد الموديل 95 لأن ال99 لن تقل عن 39000

[m_gewelly]

تمااااااااااااااام اوى كدا يا اما الصنى او السيفيا الف مليون شكرا وفعلا هاعمل كدا
ربنا يجعله فى ميزان حسناتك ان شاء الله