50000 يجيبوا هوندا اية ارجو المساعدة

[mshamy]

المشاركة الأصلية كتبت بواسطة aryme الف شكر على مرورك ياباشا انتا الوحيد الى نصفتنى ورديت عليا خلينا فى si ممكن ياباشا اتقل عليك واعرف امكانيتها وهل هى احسن من البى ام m30 والف مليون شكر مقدما على الرد

لا شكر على واجب
السيفيك 92-95 Si بتنزل بموتور 1600 بكامة علوية مزدوجة و حقن الكتروني بيعمل حوالي 130 حصان
يوجد منها اوتوماتيك و مانيوال + تكييف + سنتر + مرايات كهرباء+ فتحة سقف كهرباء
والشغل النظيف بيبان فيها قوي
عيبها الوحيد ان شوارعنا المنيلة بنيلة ساعات بتكون عاليه عليها في المطبات أيها
لازم تكشف عليها كويس و خصوصا لو واخدها من شاب
عادة الشباب بيخلصوا على موتورها و بيسقطوا موتور SiR بجميع مشتملاته من عفشة و ناقل حركة و ظفيرة و بتبقى عربية مجنونة فعلا ب 175 حصان

أنا مجربتش البيمر علشان اقدر افيدك ...بس معلوماتي ان قطع غيار البيمر أغلى من الهوندا

[حسام البورسعيدى]

طبعا الهوندا ممتازة ..

وممكن توقع واحد 96 او 97 كويسة وهتعمل من 50 الى 55 الف ..

من الاخر عربية ممتازة جدا وانا عن نفسى نفسى ابيع عربيتى واجيب هوندا ان شاء الله ...

وممكن بعدين تسقط موتور sir هتلاقى فرق جامد اوى (لو ليك فى الجرى) ...

[aryme]

الف شكر ياشباب على الردود الجميلة دى وانا الحمد لله اقتنعت بكلامكو واول ما انزل القاهرة هادور على واحدة وانا ونصيبى بقى
وربنا يجعل الى فية الخير

[hossamhussein0]

اذا كنت بتميل برضه لحاجة موديلها عالي و تكاليف تشغيل بسيطة و حالتها جديدة

ممكن تفكر في هوندا سيتي 2004 - 2005 بتعمل برضه في حدود 50 - 55 الف و هتبقي جديدة و ما اتلعبش فيها كثير ،، و اعتقد انها 1300 سي سي 117 حصان و موتورها ذو تكنولوجيا عالية و حديثة 4 سلندر 8 بوجيه و يتستهلك 5 لتر لكل 100 كم داخل المدينة

[محمد شحم]

السلام عليكم
اولا انا بقدر الناس اللى بتفهم وبحب تركب

اولا انا معايا سيفسك 1992 si
175 HP
العربيات دى محترمة جدا
و مش هتلاقى حاجة فى سعرها بالقوة ولا الثبات دة
لا كريستالة ولا كرولا ولا اى عربية هتملى عينك وانت معك سيفيك
توكل على الله و اشترى سيفيك
اهم حاجة.....
تكون نضيفة - الموتور si - اللون (احمر - ابيض - الوان مش غامقة ) علشان تعرف تبيع ويكون ليها سعر

شكرااا