فتيس 318 2002 بيبوظظظظظظظ

[Monsh e46 2002]

يا جدعان يا خبراء البى ام دبليو ابوووووووس ايديكو من فضلكو عايز اتنيل اعرف زيت الفتيس التماتيك بتاع العربيه دى بيتغير ولا مدى الحياه و بيتزود ..... انا مش بنام من القلق و خايف البس فتيس و انا مش قد كده ....... حرااااام يا رجاله من فضلكم ردو و انت واثقين من الرد من ضلكم المش واثق ميردش علشان انا اتبهدله من كتر الاراء ...... انا كل يتوع الحرفين و اصحابى و الميكانيكى قالى مايتغيرش بيتزود بسسسسسس ولو غيرت الفتيس هايبوظ بنسبه 70% و انا مش عارف و ابوس اديكو قولولى الصح بس و اليجاوب يبقى واثق او معاه e46 ياريت و العربيه عامله 178000 كيلو و ماعرفش صاحبها عامل اه و معيرو ولا لأ :shwt::shwt::shwt:MAD ؟؟؟؟؟؟؟؟؟؟؟.... انا هتجنن و بدأت اتوهم ان الفتيس بيهيس و هدفع 10000 جنيه علشان اغيرو من فضل الخبراء فى ال بى ام يردو !!!!

[AbOnOrA]

واضح ان حالتك بقت صعبة فعلاً وهتخش فى مود الوسواس ده ابن فتاكة انا عارفه

بص يا باشا وخد كلامى حرفياً

عن تجربة فتايس البى ام الحديثة كلها لو غيرتلها زيت الفتيس بنوع غير مواصفه الاصلى ايا كان النوع ايه هيبوظ بعدها بفترة متزيدش عن 5 - 10 الاف كيلو

اى مكنة بتستهلك زيت مع التشغيل بنسب مختلفة حسب حالتها وتصميمها علشان كدة الافضل دائماً تزود متغيرش

غصب عننا فى حالات بنضطر تغير الزيت كله زى انك جايب فتيس جديد او كرتيره اتخرمت اياً كان هتضر تغير زيت يبقى تتبع الاصول وتستخدم الزيت الاصلى بالمواصفة الصح ويشتغل صنايعى فايق علشان لو الزيت مش هوه او دخل شوية رايش من اى حاجة منظومة الفتيس بتتاثر اكتر بكتير من تاثير تغيير زيت الماتور

الخلاصة فى حالتك انت هتكشف على الزيت ولو محتاج تزودة وبس متغيرش ومتوسوسش

[Monsh e46 2002]

يا ابو نورا باشا كمان الكتالوج معايا بيقول انها عبوه لا تحتاج للتغير ،،، بس انا ليا مشاركه سابقه بقول فيها مشكله حصلت معايا لمده ١٠ ثوانى و اختفت وهى ان كنت مسافر مسافه ٣٥٠ كيلو و كنت قارص فى العربيه ٢٠٠ و ٢٢٠ الطريق كله و بعد ما ركنت ٥دقايق ومشيت لقيت الفتيس قافش على الغيار التالت لمده ١٠ ثوانى و فك تانى و بقي فل الفل بس مفيش لا لمبه نورت ولا اي حاجه خالصً. ولما كاملت الميكانيكى بتاعى في الحرفين قالى ماتقلقش دي تهيس كمبيوتر من كتر الجري و اختفى خالاص !!!!!!! وكلمت واحد تانى قالى ده الزيت اتحرق و محتاج يتكشف عاليه و انا كنت كاشف عاليه و ماكانش محتاج تزويد خالص !!!!! انا بعشق الًe46 ومش عايزها تبوظ منى وخاصه ان روح العربيه فى الفتيس ابن الكلب ده ،،، الميكانيكي اسمو عصام الورشه الفنيه الحديثه امام حسن دبوس فى الحرفين وبعدين انا محسوك اوي و كانت معايا النترا ٢٠٠٦ كانت وحش بيضرب بيها المثل و بعتاها و جبت جبت باسات ٢٠٠٩ و والله العظيم معجبتنيش و بعتاها بعد ٨ ايام مشترتها و قولت اركب الوحش e46 2002 مكنه كويس و تسارع مخيف و ثبات وهمى فا زي متقول جت بعد شوقه و بعد خساره فلوس كتيييييير فى شويه العربيات دي ف انا قلقان من كده

[Monsh e46 2002]

تعبت حضرتك معايا بس لو تعرف اى معلومات عن الفتايس دي قولى و انا معاك يا بشمهندس او شوف حد مثلا يكون معاه العربيه دي من كذا سنه و نعرف بيعمل اه فيها

[AbOnOrA]

الموضوع مفتوح يا باشا لو فيه حد عندة تجربة اكيد هيفيدك ومرة تانية بقولك اكشف عليه ولو الزيت حل او اتحرق هيبان لو سليم زودة وبس متحيرش نفسك