احدث طرق النصب (خد حذرك من ضبط ضغط الأطارات)

[نبيل عبدالرحمن]

محطة البنزين بتاعة إسو ( موبيل ) أمام المركز الطبى بسموحه على طريق 14 مايو عملوها معايا مرة : الكاوتش مريح يابيه ، بس همه ماعندهمش إصلاح كاوتش بس بيقول كده عشان يزودهولك هوا وتديله اللى فيه نصيب
ومرة تانيه كنت مظبط الكاوتش عشان مسافر ودخلت عندهم أمون وقالوا لى نفس الكلام قلت له هاتلى مدير المحطة ورفضت أدفع تمن البنزين الا لما ييجى المدير اللى لما سمع شكواى إتأسف لى ومشفتش الولد ده تانى فى المحطة

[A_Ismail]

يا جماعة لازم نشتكى المحطات دى، يا ريت كل اللى اتنصب عليهم فى بنزينة موبيل اللى بعد كوبرى قليوب يكلمنى علشان نشتكيهم فى نفس الوقت و ما يعتبرش بلاغ كيدى. محامى قالى تعملهم محضر فى قسم الشرطة التبع لهم و تاخد رقم المحضر و تشتكيهم فى الهيئة التبعة لهم. حد يعرف ايه هى الهيئة التى ترأس محطات البنزين،،، وزارة البترول مثلاً و لا الجمعية التعاونية للبترول؟

[A_Ismail]

المشاركة الأصلية كتبت بواسطة A_Ismail و أنا برده حصل معايا نفس النصابية دى فى بنزينة موبيل بعد كوبر قليوب "مكتوبة فى القائمة" و العجل كان بيجيب هواء من كل حتة. كل فردة كان فيه من 6 اى 10 اخرام. رحت البيت و لقيت فردة نامت تانى فرحت لبتاع الكوتش بتاعى و حكيت له على القصة، قال لى بنزينة موبيل اللى فى قليوب؟ قلت و انت عرفت منين،، أنارى فى زبايت كتير جات له من البنزينة دى. ما علينا المهم دلوقتى أشتكى الناس دى ازاى، حد ممكن يساعدنى، أعمل محضر فى القسم و لا إيه؟ حد يعرف رقم صاحب المحطة و كل اللى اتنصب عليهم يروحوا يشتكوا له. ممكن كل مجموعة اتنصب عليها فى نفس المحطة تعمل شكوى ضد المحطة فى جهة معينة بس ماعرفش ايه هى الجهه دى؟ ممكن حد محامى يقدر يقولنا. أنا على استعداد للتصعيد لأى جهة بس حد يقولى على السكة

أنا آسف يا جماعة البنزينة اللى اتنصب على فيها بنزينة التعاون بعد كوبرى قليوب مباشرةً اللى قبل بنزينة موبيل مباشرةً،،،، يعنى وانت رايح بنها بعد كوبرى قليوب مباشرةً هتلاقى البنزينة دى بتاعة التعاون. أرجو اضافتها للقائمة.

[Felefel Ahmed]

السلام عليكم
انا اسف جدا علي انقطاعي شهريين (ظروف الحياه معلش)
نكمل بقى قائمه النصابيين
القائمه السوداء للنصابين

أول بنزينتين علي طريق القاهره الأسكندريه يمين
- طريق ا الأسكندريه القاهره بعد واحه عمر مباشره
- وسط البلد بنزينة موبيل الى جنب البستان سنتر
- بنزينة التعاون اللى فى المطار
- بنزينه موبيل تقريبا في اول طريق مصر - اسماعيليه الصحراوي
- البنزينة الي بعد كوبري قليوب علي الطريق الزراعي بتاعت موبيل
- الاسكندريه البنزينه الي علي الدولي قبل مدخل الزراعي علي طول
- البنزينه اللى جنب البستان (أمام المركز الطبىى)
- البنزينه اللى انت طالع من باب اللوق الى ميدان التحرير على اليمين قبل الميدان على طول
- فالبنزينة بتاعت مصر للبترول اللى فى سكة الوايلى اللى جنب النادى علطول
- فى نازلة كوبرى الهايكستب اللى فى اول مصر الاسماعيلية اول نازلة الكوبرى على يمين الكوبرى
- كورنيش الأسكندريه (البنزينه أللي بعد كارلوس سيدي جابر)
- محطة توتال الي قدام شق الثعبان
- البنزينة فى منطقة المصانع ب6 اكتوبر بعد مصنع احمد بهجت على اليمين قبل يونيون اير
- بنزينة التعاون صلاح سالم امام عمارات العبور
- بتاع كاوتش فى الحى التامن قصاد مدرسة المنهل بعد المركز الطبى , الشبرواى هو بعد الشبرواى على طول وانت فى اتجاهك للنادى الاهلى على الطريق الرئيسى
- البنزينة اللى على قمة شارع سوريا فى شارع ابو قير-اسكندرية
- محطات مصر للبتروول عموما
-محطه توتال بعد قريه الاسد وانت رايح اسكندريه الصحراوي
- من الأسكندريه وانت رايح القاهرة البنزينه اللى بعد تقاطع الطريق بتاع العلمين (التعاون)


كده 21 محطه بنزين فى القائمه السوداء

[bekeat]

جزاك الله خيرا لذلك التحذير الهام .